بشير احمد قريشي

بشير احمد قريشي


معلومات شخصيت
ڄم
موت
ٻار
عملي زندگي
مادر علمي
پيشو
مادري ٻولي	سنڌي
ڪم جي ٻولي	سنڌي ،اردو


ترميم

بشير خان ولد غلام مرتضىٰ قريشي 10 آگسٽ 1959 تي رتو ديرو ضلعي لاڙڪاڻي ۾ پيدا ٿيو. پاڻ سنڌ جو قومپرست نوجوان ليڊر ۽ جيئي سنڌ قومي محاذ جو چيئرمين ھو.^[1]

شروعاتي جيون

بشير خان جي پرورش هڪ وچولي گهراڻي ۾ ٿي. سندس والد ڳوٺ ۾ اٽي جي چڪي هلائيندو هو ۽ اناج جو واپار ڪندو هو. پرائمري کان مئٽرڪ تائين تعليم رتيديري مان ئي حاصل ڪيائين. انٽر سي انڊ ايس ڪاليج شڪارپور مان پاس ڪيائين.

بشير خان قريشي 1976 ۾ سنڌ زرعي يونيورسٽي ٽنڊو ڄام ۾ داخلا ورتي. جتي سياسي سرگرمين ۾ حصو وٺڻ لڳو. 1980 ۾ جساف زرعي يونيورسٽي جو صدر چونڊيو ويو. بشير خان قريشي جي ايم سيد جي تمام ويجهو رهيو.

قريشي صاحب طبيعت ۾ سڌو سنئون ۽ کري قسم جو ماڻهو ھو. منجهس روايتي سياستدانن واريون چالون ڪو نه ھيون. پاڻ ڏاڍو خوش اخلاق، خوش مزاج، رلڻو ملڻو ۽ کل مک انسان ھو. هن پنهنجي سڄي زندگي سنڌي قوم جي خوشحالي لاءِ جاکوڙيو. بشير قريشي ڪيترائي سال سنڌ جي حقن جو آواز اٿارڻ سبب قيد پڻ ڪاٽي.

سياسي جدوجھد

بشير قريشي جيئي سنڌ قومي محاذ جو چيئرمين ھيو، ھن 23 مارچ تي ھر سال ڪراچيءَ ۾ لکين سنڌي ماڻھن کي گڏ ڪري دُنيا جي وڏن ملڪن سميت گڏيل قومن کان سنڌ جي آزاديءَ جي گُھر ڪندو رھيو. جنھن تي آمريڪا پڻ نوٽيس ورتو ھيو. ^{[حوالو گهربل]}

موت

بشير احمد خان قريشي کي مبينا طور 7 اپريل 2012ع تي زھر ڏئي ماريو ويو، سندس جسم جو پوسٽ مارٽم نہ ڪيو ويو ۽ سندس کاڌي جا جُزا مُبينا طور مَٽايا ويا.^{[حوالو گهربل]}

حوالا

↑ انسائيڪلوپيڊيا سنڌيانا، جلد پھريون، سنڌي لينگئيج اٿارٽي، حيدرآباد., اصل نسخو مان 2019-08-14 تي محفوظ ڪيل, 2019-12-17 تي حاصل ڪيل {{citation}}: Unknown parameter |dead-url= ignored (|url-status= suggested) (مدد)

[1] انسائيڪلوپيڊيا سنڌيانا، جلد پھريون، سنڌي لينگئيج اٿارٽي، حيدرآباد., اصل نسخو مان 2019-08-14 تي محفوظ ڪيل, 2019-12-17 تي حاصل ڪيل {{citation}}: Unknown parameter |dead-url= ignored (|url-status= suggested) (مدد)

[1]