ننڍو کنڊ

ننڍو کنڊ
ايراضي	4.4 ملين ڪ.م2 (1.7 ملين چورس مي)
آبادي	1.710 billion (2015)
آبادي گهاٽائي	389/km2
ديس	بنگلاديش ; ڀوٽان ; ڀارت ; مالديپ ; نيپال ; پاڪستان ; سريلنڪا

ننڍو کنڊ (Indian Subcontinent) هماليه جي هيٺان، ايشيا جو هڪ طبعي علائقو آهي، جيڪو اوڀر ۾ بنگال جي نار ۽ اولھه ۾ عربي سمنڊ جي وچ ۾ هندي سمنڊ ۾ پروجيڪٽ ٿئي ٿو. اهو علائقو هاڻي بنگلاديش، ڀارت ۽ پاڪستان جي وچ ۾ ورهايل آهي. جئين "ننڍو کنڊ" ۽ "ڏکڻ ايشيا" جي اصطلاحون اڪثر ڪري هڪ وسيع علائقي کي ظاهر ڪرڻ لاءِ متبادل طور استعمال ڪيو وينديون آهن، جنهن ۾ اضافي طور تي، ڀوٽان، مالديپ، نيپال ۽ سري لنڪا پڻ شامل آهن، پر "ننڍو کنڊ" جي اصطلاح، وڌيڪ ڪري، هڪ طبعي ارضياتي اصطلاح آهي، جڏهن ته "ڏکڻ ايشيا" اصطلاح وڌيڪ ڪري، هڪ سياسي جاگرافيائي اصطلاح آهي. "ڏکڻ ايشيا" جي تعريف ۾ اڪثر ڪري افغانستان کي به شامل ڪيو ويندو آهي، جئين ته ننڍي کنڊ جي ڦهليل استعمال ۾ به افغانستان کي ننڍي کنڊ جو حصو نه سمجهيو ويندو آهي.

ننڍو کنڊ ھڪ وڏي جزيري نما وانگر آھي، ھن علائقي کي ننڍو کنڊ ان ڪري چيو ويندو آھي، ته اها جاگرافيائي ۽ ارضياتي طور تي کنڊ جي ٻين علائقن کان مختلف آھي. ننڍي کنڊ ۾ عام طور تي ھيٺ ڄاڻايل ملڪ شامل آھن:

جاگرافيائي طور تي ننڍو کنڊ کي ھنن حصن ۾ تقسيم ورھائي سگھجي ٿو

جاگرافيائي تعريف

انڊن ۽ يوريشين تھَ پاڪستان ۽ ڪشمير کان گذرن ٿيون جيڪ ھتي زلزلن جو سبب آھن.

ننڍو کنڊ ڪنھن کنڊ سان واڳيل ھڪ پکڙيل علائقي کي چيو ويندو آھي پر ننڍي کنڊ جي ڪابہ واضع تعريف يا وصف نہ آھي. ننڍو کنڊ ڪنھن جابلو علائقي يا زميني تھَ ذريعي کنڊ کان جدا علائقي کي بہ چئي سگھجي ٿو بھرحال عام طور تي ننڍہ کنڊ جو مطلب ڏکڻ ايشيا يا ننڍو کنڊ پاڪستان ۽ ھندستان ورتو ويندو آھي.

قشر زمين جي ساخت جي علم جي مطابق ڪنھن ننڍي کنڊي تھَ کي ڪنھن وڏي تھَ سان ملڻ جي ھنڌ کي ننڍو کنڊ چئي سگھجي ٿو اھڙي طرح ننڍو کنڊ انڊين تھَ ۽ عربي تھَ تي موجود آھي ۽ ننڍو کنڊ سڏرائي سگھجڻ جي قابل آھي.

زميني تاريخ

**ننڍو کنڊ** لکين سال اڳ مڊگاسڪر پليٽ سان ڳنڍيل ھيو. پوءِ ھوريان ھوريان ھي اتر جي طرفر ھلندو رھيو پوءِ وڃي ڪري يوروشين پليٽ سان مليو، ان ئي وجھ ڪري اڄ ڪلھ ھماليہ ۽ ڪراڪرم جا جبل موجود آھن

ماضي ۽ مستقبل جي آبادي

اصل مضمون جي لاءِ ڏسو ماضي ۽ مستقبل جي حساب سان ملڪن جي آبادي جي فھرست

ماضي ۽ مستقبل جي حساب سان ملڪن جي آبادي جي فھرست 1950ع، 2000ع ۽ 2050ع جي آبادي ٻڌائي ٿي، جڏھن تہ 2100ع لاءِ آبادي گڏيل قومن جي اندازن مان کنيل آھي.^{[حوالو گهربل]}.

درجو	ملڪ	ايراضي (ڪ.م²)	1950	2000	2050	2100
1	ڀارت	3,287,263	369,881,000	1,006,301,000	1,656,554,000	1,659,786,000
2	پاڪستان	881,913	40,383,000	152,430,000	300,848,000	364,283,000
3	بنگلاديش	147,570	45,646,000	132,151,000	201,249,000	169,541,000
4	نيپال	147,181	8,990,000	24,819,000	36,107,000	29,677,000
5	سري لنڪا	65,610	7,534,000	19,042,000	25,167,000	14,857,000
6	ڀوٽان	38,394	164,000	606,000	952,000	793,000
7	مالديپ	298	80,000	300,000	445,000	438,000
ڪل		4,568,229	480,829,000	1,358,111,000	2,294,996,000	2,297,013,000

زمين ۽ پاڻيءَ جي ايراضي

اصل مضمون/مضمونن جي لاءِ ڏسو مخصوص معاشي علائقو ۽ ھندي وڏو سمنڊ

ھن فھرست ۾ طابع علائقا پنھنجي خودمختيار رياستن (جنھن ۾ غيرآباد علائقا بہ شامل آھن) ۾ ڏيکاريل آھن، انٽارڪٽيڪا تي دعوائون شامل ڪيل ناھن. EEZ+TIA مخصوص معاشي علائقو (EEZ) گڏوگڏ ڪل اندروني ايراضي (TIA) آھي جنھن ۾ زمين ۽ اندروني پاڻي شامل آھن.

درجو	ملڪ	ايراضي (ڪ.م²)	EEZ	Shelf	EEZ+TIA
1	ڀارت	3,287,263	2,305,143	402,996	5,592,406
2	پاڪستان	796,095	290,000	51,383	1,117,911
3	بنگلاديش	147,570	86,392	66,438	230,390
4	نيپال	147,181	0	0	147,181
5	سري لنڪا	65,610	532,619	32,453	598,229
6	ڀوٽان	38,394	0	0	38,394
7	مالديپ	298	923,322	34,538	923,622
ڪل		4,482,411	4,137,476	587,808	9,300,997