مارو جمالي
| مارو جمالي Maroo Jamali | |
|---|---|
 | |
| پيدائش | ڳوٺ فقير محمد جمالي، جوهي تعلقو، دادو ضلعو، سنڌ، پاڪستان |
| ڌنڌو | ، شاعر، پرائيمري اسڪول هيڊ ماستر |
| ٻولي | سنڌي |
| رهائش | دادو |
| قوميت | پاڪستاني |
| تعليم | ايم. اي، اردو |
| مادرِ علمي | سنڌ يونيورسٽي |
| دور | هاڻوڪو |
| موضوع | شاعري |
| ايوارڊ | بهترين شاعر پيرل پرديسي ايوارڊ 2018ع، محسن ڪڪڙائي ايوارڊ 2019ع |
مارو جمالي انگريزي ٻولي (Maroo Jamali) سنڌ پاڪستان جوسنڌي ٻوليءَ جو غير روايتي ۽ منفرد جديد شاعر آهي. سندس ڪافي ڪتاب شايع ٿيل آهن.[1][2][3][4]
زندگي ۽ تعليم[سنواريو]
مارو جمالي جو اصل نالو سڪندر علي جمالي آهي. مارو جمالي 1 مارچ 1970ع تي سنڌ جي دادو ضلعي جي جوهي تعلقي جي ڳوٺ فقير محمد جمالي ۾ فيروز خان جمالي جي گهر ۾ جنم ورتو. هن شروعاتي تعليم پنهنجي ڳوٺ جي پرائيمري اسڪول مان حاصل ڪئي. ڏهين جماعت جو امتحان 1987ع ۾ گرورنمينٽ هاءِ اسڪول ڪڪڙ شهر ۽ ٻارهين جو امتحان 1989ع ۾ گورنمينٽ ڊگري ڪاليج خيرپور ناٿن شاھ منجهان پاس ڪيائين. هن بي.اي جو امتحان 1993ع ۾ گورنمينٽ استاد بخاري ڊگري ڪاليج دادو مان پاس ڪيو. هن ايم اي جي ڊگري اردو ادب ۾ 1997ع ۾ سنڌ يونيورسٽي ڄامشورو مان حاصل ڪئي. پيشي جي لحاظ کان پرائيمري استاد آهي.[1][2][5]
ادبي خدمتون[سنواريو]
مارو جمالي جو شمار جديد شاعرن ۾ ٿئي ٿو. هن 1984ع ۾ شاعري جي ميدان ۾ قدم رکيو تڏهن اٺين ڪلاس ۾ پڙهندو هو. سندس شعر گوئي ۾ بهتري 1990ع ۾ آئي. شاعريءَ جي حوالي سان سندس استاد سنڌ جو ناميارو شاعر محسن ڪڪڙائي آهي. من غزل، وائي، بيت، نظم ۽ جديد شاعري جي مختلف صنفن ۾ شعر لکيو آهي. سندس سنڌي ادبي سنگت سان تعلق 1991ع ۾ جُڙيو. سنڌي ادبي سنگت شاخ ڪڪڙ جو سيڪريٽري به آهي.[2]
ڪتاب[سنواريو]
مارو جمالي جا 5 ڪتاب ڇپيل آهن.[2]
- پرين جون اکيون. شاعري 2000ع
- سنسار وڏو منڊ آ، شاعري، 2006ع
- ڪوڪ ڪڪوريو چنگ، شاعري 2011ع
- چوٽا تيل چنبيليا، شاعري 2013ع
- ماڻهو مڻيادار، نثر، 2014ع
اوارڊ[سنواريو]
مارو جمالي کي ادبي خدمتن عيوض مڃتا طور اوارڊ به ڏنا ويا آهن. کيس پيرل پرديسي اوارڊ 2018ع ۽ محسن ڪڪڙائي اوارڊ 2019ع مليا آهن.[2]
حوالا[سنواريو]
- ↑ 1.0 1.1 "Sindhi Adabi Board Online Library (History)". www.sindhiadabiboard.org. حاصل ڪيل 2019-06-05.
- ↑ 2.0 2.1 2.2 2.3 2.4 "هڪ منفرد جديد شاعر -" (ٻولي ۾ Sindhi). حاصل ڪيل 2019-06-05.
- ↑ "Sindhi Poetry of Maroo Jamali". www.oocities.org. حاصل ڪيل 2019-06-05.
- ↑ "نشتر ناٿن شاهي جي ٻين ورسي ڪي اين شاهه ۾ ملهائي وئي، ٻن ڪتابن جي مهورت | Daily Imkaan | روزاني امڪان". www.dailyimkaan.com (ٻولي ۾ Sindhi). حاصل ڪيل 2019-06-05.
- ↑ Kingrani, Aziz. "Poets and writers". Aziz Kingrani. حاصل ڪيل 2019-08-10.