محسن ڪڪڙائي

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

مُحسن ڪڪڙائي (انگريزي: Muhsan Kakrai) (پيدائش: 4 جولاءِ 1937ع - وفات: 2 اپريل 2005ع) سنڌ جو بهترين ۽ مقبول شاعر هو. سندس شاعري جا ڪافي ڪتاب شايع ٿيل آهن. سندس ڪلام ڪيترن ئي رسالن ۾ پڻ شايع ٿيل آهي ته ريڊيو پاڪستان تان به نشر ٿيندو رهيو آهي.

احوال[سنواريو]

محسن ڪڪڙائي 4 جولاءِ 1937ع تي سيد احمد شاھ لڪياري جي گهر ۾ ، ضلع دادو جي تاريخي ڪڪڙ شهر ۾ جنم ورتو. سندس اصل نالو سيد نياز علي شاھ ۽ تخلص محسن ڪَڪڙائي هو. هن سنڌي فائنل، فاضل ۽ اديب فاضل جي امتحانن کان علاوه بي.ايڊ ۽ ايم.اي جي تعليم حاصل ڪئي. محسن ڪڪڙائي گھڻو عرصو سيڪنڊري استاد طور گورنمينٽ هاءِ اسڪول ڪڪڙ ۾ رهيو. هن شاعريءَ جي شروعات 1951ع ۾ ڪئي.سندس شمار نظم ۽ غزل جي بهترين شاعرن ۾ ٿئي ٿو. محسن ڪڪڙائي 2 اپريل 2005 ۾ وفات ڪئي.[1]

حوالا[سنواريو]