مختيار ملڪ
مختيار ملڪ (انگريزي: Mukhtiar Malik) سنڌ پاڪستان ۾ جنم وٺندڙ سنڌي ٻولي جو مشهور شاعر، نثر نويس ۽ براڊ ڪاسٽر آهي. سندس ڪيترائي ڪتاب شايع ٿيل آهن.[1]
زندگي جو احوال
[سنواريو]مختيار ملڪ جو اصل نالو مختيار حسين ملڪ آهي. سندس والد جو نالو شفيع محمد ملڪ آهي. مختيار جو جنم 21 ڊسمبر 1959ع تي ضلعي خيرپور جي شهر خيرپور ۾ ٿيو.[2]
تعليم
[سنواريو]هن پرائيمري تعليم پنهنجي شهر مان حاصل ڪئي. مئٽرڪ گورنمينٽ ناز هاءِ اسڪول خيرپور ۽ انٽر جو امتحان گورنمينٽ سپيرير ڪاليج خيرپور ميرس مان پاس ڪيو. ملڪ ايل ايل بي 2004ع ۾ ڪئي. شاھ عبداللطيف يونيورسٽي خيرپور مان يم اي صحافت/ ماس ڪميونيڪيشن 1990ع ۾ پڻ فرسٽ پوزيشن سان پاس ڪئي. ايم اي سنڌي ادب ۾ ڊگري 1986ع ۾ سنڌ يونيورسٽي ڄامشورو مان حاصل ڪيائين ، ايم ايس سي آرگينڪ ڪيمسٽري ۾ 1984ع ۾ ڪئي ۽ شاھ عبداللطيف يونيورسٽي خيرپور مان پاس ڪيائين.[2][3] ايم فل سنڌي جو اسڪالر پڻ آهي
خدمتون
[سنواريو]هن لکڻ جي شروعات ننڍپڻ کان ڪئي. سندس شاعري ۽ مضمون سنڌ جي معياري اخبارن ۽ رسالن ۾ شايع ٿيل آهن.[4] [5]هيءُ 1999ع کان 2001ع تائين سنڌي ادبي سنگت سنڌ جو سيڪريٽري جنرل پڻ رهيو آهي. هين ڪافي وقت شاھ عبداللطيف يونيورسٽي ۾ اعزازي طور سنڌي ٻولي، ادب ۽ ماس ڪمينيڪيش جا سبجيڪٽ به پڙهايا. براڊ ڪاسٽر طور سندس خدمتون اڻ ڳڻيون آهن. مختيار پاڪستان جي مختلف ريڊيو اسٽيشنس تي پروڊيوسر، سينيئر پروڊيوسر ۽ ڪمپيئر طور به خدمتون سرانجام ڏنيون آهن ته پروگرام مئنيجر ۽ اسٽيشن ڊائريڪٽر به رهيو آهي. هيءُ ڪنٽرولر/ پروگرام مئنيجر طور ريڊيو پاڪستان ملتان، ڊپٽي ڪنٽرولر طور ريڊيو پاڪستان ڀٽ شاھ، ڪراچي، حيدرآباد، خيرپور، لاڙڪاڻو، تربت، راولپنڊي رهي چڪو آهي. ملڪ ميمبر آف بورڊ آف گورننس باڊي سنڌي ادبي بورڊ، ميمبر ايڊوائزري بورڊ سچل سرمست اڪيڊمي خيرپور رهيو. مختيار ثقافت کاتي سنڌ جي انڊوومينٽ فنڊ ڪاميٽي جو 2017ع کان 2019ع تائين ميمبر پڻ رهيو.هن ڪيترين ئي ڏيهي پرڏيهي ادبي ڪانفرنسن ۾ به شرڪت ڪئي آهي. شيخ اياز ميلو ۽ 2017ع ۾ ايشيا پئسفڪ براڊ ڪاسٽنگ يونين جي چين ۾ ڪانفرس اهم آهن.[6] هن ڪيترائي ڊراما نگار، شاعر ۽ ڪلاڪار متعارف ڪرايا.[7][8] هن وقت شاھ عبداللطيف يونيورسٽي خيرپور جي سينٽ جو ميمبر اهي، ان کانسواءِ سندي لئنگويج اٿارٽي حيدرآباد جي گورننگ باڊي جو ميمبر پڻ آهي. خيرپور آرٽس ڪائونسل جو ٻيو ڀيرو صدر طور چونڊيل صدر آهي
ڪتاب
[سنواريو]- ٽم ٽم ٽانڊاڻا (ٻارن لاءِ شاعري) 1981ع[9]
- اماس ۾ به سوجھرو (شاعري) 2010ع
- پير علي محمد شاھ راشدي جي زندگي ۽ ڪم 1990ع
- جوت, 1976ع
اوارڊ
[سنواريو]مختيار ملڪ کي ادبي، علمي ۽ پيشيور خدمتن عيوض ڪيترائي اوارڊ ۽ شيلڊون مليون آهن. پر کيس بهترين پروڊيوسر، ريڊيو پاڪستان ريجنل ايڪسيلينس اوارڊ 1999ع ۽ 2002ع، سچل سرمست لائف ٽائيم اچيومينٽ اوارڊ 2013ع ۽ 2014ع، ٻارن لاءِ بهترين ليکڪ طور انسٽيٽيوٽ آف سنڌولاجي اوارڊ 1980ع ۽ ايم اي سنڌي ادب ۾ بهرين پوزيشن تي وقت جي وزير اعلي هٿان مليل گولڊ ميڊل ذڪر لائق آهن.[3]
حوالا
[سنواريو]- ↑ "مختيار ملڪ ادب جي ڏاڪڻ جو هڪ مضبوط ڏاڪو آهي: مقرر -". 2020-09-08 تي حاصل ڪيل. [مئل ڳنڍڻو]
- 1 2 Wassan, Muhammad Suleman (2012-12-21). "سليمان وساڻ جو بلاگ: مختيار ملڪ : شاعر، نثر نگار ۽ براڊڪاسٽر". سليمان وساڻ جو بلاگ. 2020-09-08 تي حاصل ڪيل.
- 1 2 "Well known poet,Intellectual and Broadcaster Mukhtiar Malik". Well known poet,Intellectual and Broadcaster Mukhtiar Malik. 2020-09-10 تي حاصل ڪيل.
- ↑ علي, سجاد (اتوار، 29 دسمبر، 2013). "سنڌي شاعري: غزل.... مختيار ملڪ". سنڌي شاعري. 2020-09-10 تي حاصل ڪيل.
{{cite web}}: Check date values in:|date=(مدد) - ↑ "غزل ۔۔۔۔مختيار ملڪ". SindhSalamat. 2020-09-10 تي حاصل ڪيل.
- ↑ "KHAIRPUR: Khairpur PBC's transmission computerised". DAWN.COM (انگريزي ۾). 2007-07-04. 2020-09-09 تي حاصل ڪيل.
- ↑ Sindhipeoples (2019-06-25). "سنڌي شخصيتون: مختيار ملڪ". سنڌي شخصيتون. 2020-09-08 تي حاصل ڪيل.
- ↑ "KHAIRPUR: Khairpur PBC's transmission computerised". DAWN.COM (انگريزي ۾). 2007-07-04. 2020-09-10 تي حاصل ڪيل.
- ↑ "ٽم ٽم ٽانڊاڻا : (Sindhianaسنڌيانا)". www.encyclopediasindhiana.org. 2020-09-08 تي حاصل ڪيل.
- اڻڄاتل پيرا ميٽر سان ليکڪ ڄاڻخانو استعمال ڪندڙ صفحا
- حوالن وارا ڳنڍڻا نه لڌا سمورن مضمونن ۾
- Articles with dead external links from October 2026
- Articles with invalid date parameter in template
- مستقل نه لڌل حوالن وارا مضمون
- CS1 errors: dates
- CS1 انگريزي-language sources (en)
- سنڌي اديب
- پاڪستاني شاعر
- سنڌي شاعر
- سنڌي شخصيتون
- 1959ع جون پيدائشون