سيما عباسي
| سيما عباسي Seema Abbasi | |
|---|---|
 سيما عباسي | |
| پيدائش | سيما پروين عباسي 18 اپريل 1973ع ضلعو لاڙڪاڻو، سنڌ، پاڪستان |
| قلمي نالو | سيما عباسي |
| ڌنڌو | پروفيسر،شاعر، ڪهاڻيڪار ڪالم نگار |
| ٻولي | سنڌي ٻولي |
| قوميت |  پاڪستان |
| تعليم | ايم اي 1995ع |
| مادرِ علمي | شاهه عبداللطيف يونيورسٽي خيرپور |
| صنف | شاعري، ڪھاڻي،ڪالم |
| مُکيه ڪم | لفظن بوڳيو آ بنواس ڪُلهي ڪانڌي ڪير |
| ايوارڊ | اڪيڊمي آف ادبيات اسلام آباد اوارڊ 2016ع |
سيما عباسي(انگريزي:Seema Abbasi) سنڌ پاڪستان ۾ جنم وٺندڙ سنڌي ٻوليءَ ۽ اردو جي شاعر، ليکڪ ۽ ڪهاڻيڪار آهي. سندس ڪتاب پڻ ڇپيل آهن.[1][2]
زندگي جو احوال[سنواريو]
سيما عباسي جو پورو نالو سيما پروين عباسي آهي. سندس جنم 18 اپريل 1973ع تي لاڙڪاڻي شهر جي گجڻ پور محلي ۾ لعل محمد عباسي جي گهر ۾ ٿيو. هوءَ ڪلهوڙا عباسي خاندان سان تعلق رکي ٿي. سندد گهر وارو فدا حسين عباسي انصاف قانون جي عھدي تي فائض جج آهي.[3]
تعليم[سنواريو]
سيما شروعاتي پرائمري تعليم گورنمينٽ پرائمري اسڪول لاڙڪاڻي مان 1982ع ۾ حاصل ڪئي. مئٽرڪ جو امتحان پرائيويٽ طور گورنمينٽ گرلس اسڪول لاڙڪاڻي مان 1987ع ۾ پاس ڪيائين. هن بي.اي جي ڊگري پڻ گورنمينٽ گرلس ڊگري ڪاليج لاڙڪاڻي مان 1992ع ۾ پاس ڪئي. سيما ايم اي جي ڊگري شاھ عبداللطيف يونيورسٽي خيرپور ميرس مان 1995ع ۾ پاس ڪئي.[3]
علمي ۽ ادبي خدمتون[سنواريو]
سيما پبلڪ سروس ڪميشن جو امتحان 2005ع ۾ پاس ڪري لاڙڪاڻي گورنمينٽ گرلس ڊگري ڪاليج ۾ ليڪچرار مقرر ٿي ۽ علمي طور خدمتون سرانجام ڏيڻ شروع ڪيون. هن.نورالهديٰ شاهه کان متاثر ٿي لکڻ جي شروعات 1985ع کان ڪئي۔ هن اردو ۽ سنڌي ٻوليءَ ۾ لکيو آهي. سيما جي پهرين لکڻي اردو ڊائجسٽ 'سچي ڪهانيان' ۾ ڇپي. سندس شاعري ۽ ڪهاڻيون ڪاوش، ھزار داستان ڊائجسٽ، آداب عرض، سورمي، سنڌ راڻي، نئين آس، سچي ڪهانيان رسالن ۽ نواءِ وقت ۽ عوامي آواز اخبارن ۾ شايع ٿيل آهن. لکڻين تي مشتمل سندس پهريون ڪتاب'لفظن ڀوڳيو آ بنواس' سال 2016ع ۾ ڇپيو. سيما مختلف ادبي تنظيمن جهڙوڪسنڌي ادبي سنگتڪراچي، آرٽس ڪائونسل ڪراچي، ينگ رائيٽرس فورم حيدرآباد، ادبيات اڪيڊمي ڪراچي جي عهديدار ۽ ميمبر پڻ رهي آهي. سيما عباسي کي مڃتا طور ينگ رائيٽرس فورم ڪراچي سپر ايڪسيلينس ايوارڊ بہ مليل آهي. سندس ادبي مڃتا طور مختلف رسالن طرفان سندس مڃتا نمبر پڻ شايع ٿيل آهن.[3] سيما عباسي اردو ۾ پڻ شاعري ڪئي آهي.[4]
تصنيف[سنواريو]
هن سنڌي ادب کي هڪڙو ڪتاب نالي لفظن ڀوڳيو آ بنواس ڏئي چُڪي آهي،[5] جڏهن ته سنديس ٻيا ٻه ڪتاب زير تڪميل آهن. هن جي شاعريءَ ۾ سندس ذات جي حساسيت مان ڀوڳيل ذاتي تجربن ۽ مشاهدن جو کليل اظهار آهي. هوءَ سنڌي اخبارن ۾ ڪالن به لکندي آهي جيڪي سنڌ ۾ عورتن جي جاڳرتا ۽ ادبي لاڙن تي لکيل هوندا آهن.[6]
حوالا[سنواريو]
- ↑ سنڌي ادب ۾ تنقيدون ۽ تجزيا: ڪتاب ”سنڌ جون شاعر عورتون“ - ساجد چانڊيو (Sajid Chandio)
- ↑ "سنڌي ڪهاڻي : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2022-01-16.
- ↑ 3.0 3.1 3.2 "سيما عباسي". Aziz Kingrani. حاصل ڪيل 2022-01-16.
- ↑ کنگرانی, عزیز. "وہ جو لکھتی ہے شعروں میں ردھم آ جاتا ہے". ہم سب (ٻولي ۾ Urdu). حاصل ڪيل 2022-06-03.
- ↑ Seema Abbasi's book " Jazban Bhogio Aa Banwas" inaugurated - The Sindh Times[مئل ڳنڍڻو]
- ↑ http://awamiawaz.com/45914/