خليل عارف سومرو
| خليل عارف سومرو Khalil Arif Soomro | |
|---|---|
| پيدائش | خليل احمد سومرو نومبر 1965 (عمر 59 سال) جوهي، دادو ضلعو، پاڪستان |
| قلمي نالو | خليل عارف سومرو |
| ڌنڌو | شاعر، ڪهاڻيڪار |
| ٻولي | سنڌي |
| شهريت | پاڪستاني |
| تعليم | ایم اي سنڌي ادب |
| مادرِ علمي | سنڌ يونيورسٽي |
| موضوع | غزل، وائي، بیت، آزاد نظم |
| مُکيه ڪم | مهڪار موٽيون ۽ مکڙيون |
| ايوارڊ | سنڌي لينگويج اٿارٽي اوارڊ 2011ع |
خليل عارف سومرو (انگريزي: Khalil Arif Soomro) سنڌ، پاڪستان جو سنڌي ٻوليءَ جو جديد شاعر ۽ اديب آهي. سندس ڪيترائي ڪتاب شايع ٿيل آهن. سندس سنڌي ادب لاءِ ڳڻپ لائق خدمتون آهن.[1][2][3]
زندگي ۽ تعليم
[سنواريو]عارف جو اصل نالو خليل احمد ۽ قلمي نالو خليل عارف سومرو آهي. هيءُ 18 نومبر 1965ع تي دادو ضلعي جي ڪاڇي واري علائقي جي جوهي شهر ۾ نامياري شاعر احمد خان مدهوش جي گهر ۾ جنم ورتو. هن پرائمري تعليم جوهيءَ جي مين پرائيمري اسڪول مان پرائي. هن بي اي ۽ ايم اي جا امتحان سنڌ يونيورسٽي، ڄامشورو مان پاس ڪيا. هي تعليم کاتي ۾ پرائمري استاد طور مقرر ٿيو.[1]
ادبي خدمتون
[سنواريو]خليل عرف سومرو شاعري جي شروعات 1978ع ۾ ڪئي. سندس پهريون شعر سنڌي ادبي بورڊ طرفان ٻارن لاءِ نڪرندڙ رسالي گل ڦُل ۾ 1980ع ۾ پڌرو ٿيو. هيل تائين سندس ڪافي شاعري شايع ٿي آهي ۽ ڪتاب پڻ ڇپيا آهن. احمد خان مدهوش اڪيڊمي جو روح روان آهي ۽ ڪيترائي پروگرام ڪرائي چُڪو آهي.[1]
اوارڊ
[سنواريو]خليل عارف سومرو کي ادبي خدمتن عيوض بهترين شاعر طور به ته سندس ڪتابن تي به اوارڊ مليا آهن:[1]
- گاج ادب ۽ آرٽ ڪلب پاران بهترين شاعر اوارڊ 1986ع
- جنگ پبلشرز پاران بهترين مصنف اوارڊ 1992ع
- آندل شاھ آرٽ سرڪل طرفان بهترين شاعر اوارڊ 2001ع
- سنڌي لينگويج اٿارٽي پاران ڪتاب “موتيون ۽ مکڙيون” تي اوارڊ 2011ع
ڪتاب
[سنواريو]- مهڪار، سنڌي ادبي بورڊ ڄامشورو، 1984ع
- موتيون ۽ مکڙيون، سنڌي ادبي بورڊ، ڄامشورو، 2010ع[1][4]
- روشني آهيون اسين، سڀيتا پبليڪيشن حيدرآباد، 2018ع[5]
حوالا
[سنواريو]- ↑ 1.0 1.1 1.2 1.3 1.4 "خليل عارف سومرو : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2019-06-02.
- ↑ "Bio-bibliography.com - Authors". www.bio-bibliography.com. حاصل ڪيل 2019-06-02.
- ↑ "Poets and writers". Aziz Kingrani. حاصل ڪيل 2019-12-26.
- ↑ "موتي مکڙيون : خليل عارف سومرو". SindhSalamat. حاصل ڪيل 2019-06-02.
- ↑ "Sindhi Adabi Board Online Library (Folk_Litrature)". www.sindhiadabiboard.org. حاصل ڪيل 2019-06-02.