شمس سومرو

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

شمس سومرو (انگريزي: Shams Soomro ) (پيدائش: پهرين جون 1954ع – وفات: 13 ڊسمبر 2003ع) سنڌ پاڪستان جو بهترين نثر نويس، ڪهاڻيڪار ۽ شاعر هو. سندس ڪيتريون ئي ڪهاڻيون، مضمون ۽ شاعري سنڌ جي معياري رسالن ۾ شايع ٿيون. سندس ڪتاب پڻ شايع ٿيل آهن.

زندگي جو احوال[سنواريو]

شمس سومرو پهرين جون 1954ع تي دادو شهر ۾ پيدا ٿيو. سندس پورو نالو شمس الدين ولد غلام حيدر سومرو هو. پرائيمري کان هاير سيڪنڊري تائين تعليم دادو ۾ حاصل ڪيائين. چانڊڪا ميڊيڪل ڪاليج لاڙڪاڻي مان ايم بي بي ايس جي ڊگري حاصل ڪيائين ۽ ڊاڪٽري جي پيشي سان وابسته رهيو.بعد ۾ دادو ڇڏي ڪراچي ۾ رهائش اختيار ڪيائين. شمس سومرو 1970ع کان لکڻ جي شروعات ڪئي.سندس ڪهاڻيون، مضمون ۽ شاعري مختلف رسالن ۽ اخبارن ۾ شايع آهن. سنڌي ادبي سنگت سنڌ جو ٻن سالن لاءِ مرڪزي سيڪريٽري جنرل جي عهدي تي به رهيو. [1]

ڪتاب[سنواريو]

سندس شايع ٿيل ڪتاب “موهن جو دڙو” ۽ “ڪينجهر” سندس اهم ادبي ڪم ۾ شمار ٿين ٿا.

وفات[سنواريو]

شمس سومرو 13 ڊسمبر 2003ع ۾ ڪراچي ۾ لاڌاڻو ڪري ويو.

حوالا[سنواريو]