امين جويو
امين جويو (انگريزي: Amin Joyo)، ڄمڻ مھل رکيل نالو: محمد امين جويو، پيدائش 15 سيپٽمبر 1983ع، سنڌي ليکڪ ۽ مُحقق آھي. مُختلف اخبارن، جھڙوڪ : روزاني ڪاوش، روزاني عبرت ۽ روزاني عوامي آواز ۾ لکندو رھيو آھي. اُن سان گڏ مُختلف ادبي رسالن جھڙوڪ: نئين آس، سنسار، چانڊوڪي، سورمي، ھمسري ۽ سفيرِ سنڌ مئگزين ۾ پڻ سندس تحقيقي ليک شامل ٿيندا رھن ٿا. جڏهن تہ 2017ع کان سنڌ جي ادبي تنظيم "سنڌي ادبي سنگت" جو پڻ رُڪن آھي.
| امين جويو | |
|---|---|
 امين جويو 2021ع ۾ سندس ڪتاب "تحقيق جي ڀري" جي مھورتي تقريب ۾ ڳالهائيندي | |
| پيدائش | محمد خان جوڻيجو 15 سيپٽمبر 1983ع ڳوٺ قائم شاھ، تعلقو ميھڙ، ضلعو دادو، سنڌ. |
| ڌنڌو | ريسرچ ايسوسئيٽ |
| ٻولي | سنڌي |
| قوميت | سنڌي |
| تعليم | مئٽرڪ (حيدرآباد بورڊ)
انٽرميڊيٽ (حيدرآباد بورڊ) بي ڪام (سنڌ يونيورسٽي ڄامشورو) ايم بي اي (ايڇ آر ايم) (سنڌ يونيورسٽي ڄامشورو) |
| مادرِ علمي | سنڌيونيورسٽي ڄامشورو |
| مُکيه ڪم | ڪتاب "تحقيق جي ڀري" رني ڪوٽ، سنڌ تي لکيل تحقيقي مَقالو |
شروعاتي زندگي
[سنواريو]امين جويو تاريخ 15 سيپٽمبر 1983ع تي ڳوٺ قائم شاھ، تعلقي ميھڙ، ضلعي دادو، سنڌ ۾ غلام سرور جويي[1] جي گھر ۾ پئدا ٿيو. ھن مئٽرڪ 1999ع ۾ (حيدرآباد بورڊ) مان ڪئي، انٽرميڊئيٽ 2001ع ۾ (حيدرآباد بورڊ) مان ڪرڻ کانپوءِ بي ڪام 2004ع ۾ سنڌ يونيورسٽي مان (فرسٽ ڪلاس) ۾ پاس ڪيائين ۽ اُن کانپوءِ ايم بي اي (ايڇ آر ايم) 2009ع ۾ سنڌ يونيورسٽي مان پڻ فرسٽ ڪلاس ۾ پاس ڪيائين.
ھي ننڍي ھوندي کان ئي سخت محنتي رھيو. پڙھڻ سان گڏ مُختلف مزدوريون ۽ نوڪريون پڻ ڪندو رھيو. جيئن فيڪٽري ورڪر (مزدوري؛ ٽي سال)، هوٽلنگ( هوٽلن تي ٿيندڙ سڀئي ڪم، ٽي سال)، پي ٽي سي ايل ۾ ٽيليفون آپريٽر( هڪ سال)، روينيو ڊپارٽمينٽ ۾ تپيدار سان گڏ ڪيل ڪم ( هڪ سال)، ( اليڪشن ڪميشن آف پاڪستان ، لاهور ۾ ڊيٽا انٽري آپريٽر جو ڪم ڇھ مهينا، 2007ع ۾ )، سال 2008ع کان سال 2013ع تائين يو بي ايل بينڪ ۾ بينڪنگ سيڪٽر جا سڀئي ڪم ڪيل، 2014 ۾ ٽي مهينا ( هيلٿ ڊپارٽمينٽ پي پي ايڇ آءِ ۾ اسسٽنٽ اڪائونٽنٽ جو ڪم ) تہ ان دوران ئي ايم سي بي بينڪ منجهان سندس اپائنٽمينٽ ليٽر اچي ويو. پوءِ مارچ 2014ع کان 2016ع تائين ايم سي بي بينڪ ۾ ڪم ڪيائين. هاڻي نومبر 2016ع کان وٺي اڄ ڏينهن تائين (سنڌ اڀياس اڪيڊمي ۾ ريسرچ ايسوسيئيٽ جي طور تي ڪم ڪري رهيو آهي)[2]. گذريل ڇهن سالن کان ڪراچي ۾ آهي (2022ع تائين). ٻارنهن سال ڄامشوري ۾ رھيو، چار سال حيدرآباد ۾ رهيو، هڪ سال ڪوٽڙيءَ ۾، ۽ سندس زندگيءَ جا پهريان پندرهن سال، سندس ڳوٺ قائم شاهه ، تعلقي ميهڙ، ضلعي دادو، سنڌ ۾ گُذريا.
ادبي سفر
[سنواريو]ھن لکڻ جي شروعات 2016ع کان ڪئي. شروعات ۾ مُختلف اخبارن جھڙوڪ: روزاني ڪاوش، روزاني عبرت ۽ روزاني عوامي آواز ۾ لکندو رھيو. مُختلف رسالن جھڙوڪ: سورمي ميگزين، ھمسري ميگزين، سنسار ميگزين، چانڊوڪي ميگزين، نئين آس ميگزين ۽ سفيرِ سنڌ ميگزين ۾ سندس تحقيقي ليک شامل ٿيندا رھن ٿا.
جڏهن تہ سنڌ جي ادبي تنظيم "سنڌي ادبي سنگت" جو پڻ رُڪن آھي.
ڪتاب
[سنواريو]نومبر 2021ع ۾ سندس پھريون تحقيقي ڪتاب "تحقيق جي ڀَري" ڇپجي چُڪو آھي. جنھن ۾ دادو ضلعي جي تعلقي جوھي ۽ تعلقي خيرپور ناٿن شاھ جي ڪُجھ چِٽسالي ٿيل اڏاوتن تي سندس تحقيقي مضمون شامل آھن.
حوالا
[سنواريو]- ↑ ڪتاب: تحقيق جي ڀري صُفحو: (ارپنا) ليکڪ: امين جويو ڇاپو: 2021ع ڇپيندڙ: چانڊوڪي پبليڪيشن واھي پانڌي، حيدرآباد، سنڌ.
- ↑ Science, Joyo AminShaheed Zulfikar Ali Bhutto Institute of; Social, Technology | SZABIST · Department of; SciencesMBA, Media. "Joyo AMIN | Research Associate | Shaheed Zulfikar Ali Bhutto Institute of Science and Technology, Karachi | SZABIST | Department of Social and Media Sciences". ResearchGate. حاصل ڪيل 2022-01-09.