چولستان

کليل ڄاڻ چيڪلي، وڪيپيڊيا مان


ڳاڙهي رنگ۾ ڏيکاريل چولستان رڻ پٽ

چولستان: Cholistan Desert :صحرائے چولستان:چولستان روہی: Rohi:روہی: ھڪ رڻ پٽ جو نالو جيڪو پاڪستان جي صوبي پنجاب جي شھر بھاولپور کان 19 ميل يا 30 ڪلوميٽرن جي فاصلي تي واقع آهي ۽ انجي پکيڙ 16000 چورس ڪلوميٽر يا 6200 چورس ميل آهي. اھو ٿر رڻ پٽ سان سنڌ ۽ انڊيا جي پاسن کان ملي ٿو. ھتي جي موسم گرم ۽ خشڪ ھوندي آھي برسات تمام گھٽ پوي ٿي.

رھڻي ڪھڻي[سنواريو]

پاڻي ۽ چاري جي قلت جي ڪري ھتان جا ماڻھو نيم خانہ بدوش زندگي گذاريندڙ آهن.ھتي چوپايو مال جنھن ۾ رڍون،ٻڪريون، اٺ وغيره ماڻھن جي زندگيءَ جو حصو آھي جن کي گھرن ۽ واڙن ۾ ماڻھو پاليندا آھن اجڙي ويل ھاڪڙي درياء جو خشڪ پيٽ بہ ھتان گزري پيو جيڪو قديم دور ۾ ھن ڌرتيءَ کي سيراب ڪندو هو مقامي ماڻھو ان کي گھاڪڙو درياء چوندا ھيا ھتي ماڻھو جي زندگي ڏاڍي مشڪل حالتن ۾ گذرندي آهي.عورتون پاڻي تمام ڊگھو پنڌ ڪري مٽن ۾ ڀري اينديون آهن . ھتي جي ماڻھن جي ڪرت عام طور تي مال چارڻ آهي ۽ عورتون گھرن ۾ سئيءَ جو پورھيو ڪنديون آهن. ذات کان ٻاھر شادي ڪرڻ جو رواج بہ تمام گھٽ اٿن ۽ شادي جو سمورو خرچ گھوٽيتا ڪندا آهن. ھتي سالياني جيپن جي ريلي پڻ ٿيندي آهي جيڪو پاڪستان ۾ موٽر اسپورٽس جو وڏو مقابلو ھوندو آھي

نالو[سنواريو]

لفظ چولستان ترڪي ٻولي جي لفظ چول مان نڪتل آهي جنھن جي معني رڻ پٽ آھي

آبادي[سنواريو]

ھتان جي ماڻھن جي مادري ٻولي سرائيڪي آهي ۽ ھتي مختلف قبيلن جا ماڻهو رهن ٿا سڀ کان گھڻي آبادي مھر ذات وارن جي آھي ۽ ٻئين نمبر تي ڀٽي آھن.

جھنگلي جيوت[سنواريو]

ھتي گرمين ۾ نانگ عام جانور آهي جنھن جا خطرناڪ قسم ھتي ملندا آهن . مقامي ماڻهو انھن کي پڪڙي شھرن ۾ کڻي ماڻھن کي ڏيکاري پيسا ڪمائيندا آھن. ھتي ھرڻ ، تلور، تتر، ٻٽيرو بہ ڪثرت سان ملن ٿا

قلعا ۽ ڪوٽ[سنواريو]

ھتي پراڻن قلعن جا آثار پڻ آھن.فورٽ عباس جي ويجھو واقع ڦولڙا وارو ڦٽل قلعو چون ٿا تہ ڪنھن ڦول ڪماري ٺھرايو ھو.ھن رڻ پٽ ۾ ٻيا موجود قلعا ولر، موج ڳڙھ شامل آهن۔

حوالا[سنواريو]