ٽنڊو الهيار ضلعو

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
Tando Allahyar
ٽنڊوالهيار ضلعو
ضلعو
ٽنڊوالهيار ضلعي جو نقشو جنھن ۾ ان جون يونين ڪاؤنسلون ڏيکاريل
ٽنڊوالهيار ضلعي جو نقشو جنھن ۾ ان جون يونين ڪاؤنسلون ڏيکاريل
ملڪ Flag of Pakistan.svg پاڪستان
صوبو Flag of Sindh.svg سنڌ
ضلعو ٽنڊوالهيار
تعلقن جو تعداد 3
حڪومت
 • قسم ميونسيپل ڪاميٽي ۽ ڊسٽرڪٽ ڪائونسل
اوچائي 13 ميل (43 ft)
آبادي (2011)
 • ڪُل 611,000
ٽائيم زون پاڪستان جو معياري وقت (UTC+5)
ويبسائيٽ N/A

ٽنڊوالهيار ۾ شاھ لطيف پارڪ

ٽنڊو الهيار ضلعو(انگريزي: Tando Allahyar District) پاڪستان جي صوبي سنڌ جو هڪ ضلعو آهي. اِن جو صدرمقام ٽنڊو الهيار شهر آهي. هن ضلعي جي آبادي 2011 ۾ هڪ اندازي مطابق 6 لک 11 هزار آهي ۽ ان جو ڪُل رقبو 369،685 ايڪڙ آهي.


پاڪستان جي نقشي ۾ ٽنڊوالهيار جو مقام

تاريخ[سنواريو]

ھن ضلعي جو قيام 2005 ۾ ٿيو. ان کان اڳ حيدرآباد ضلعي جو حصو ھيو. ضلعي جي قيام وقت پراڻي تعلقي ٽنڊوالهيار جي ٻن ننڍن شھرن چمبڙ ۽ جھنڊو مري کي تعلقي جي حيثيت ڏئي ھن ضلعي م برقرار رکيو ويو. 2011 ۾ جڊيشل ڊسٽرڪٽ جو پڻ قيام عمل ۾ ايو جنھن ذريعي ڊسٽرڪٽ ۽ سيشنس ڪورٽ قائم ڪئي وئي.

وتايو فقير جي چوکنڊي

ضلعي جي انتظامي ورهاست[سنواريو]

ھي ضلعو ٽن تعلقن ۾ ورھايل آھي جن مان ٽنڊو الهيار تعلقو، چمبڙ تعلقو ۽ جھنڊو مري تعلقو شامل آهن.

ٽنڊو الهيار ضلعي جي انتظامي ورهاست
تعلقو يونين ڪاؤنسلون آبادي (2011) آبادي (2017)
1 ٽنڊو الهيار تعلقو 8 2,63,548
2 جهنڊو مري تعلقو 6 1,91,387
3 چمبڙ تعلقو 5 1,56,749
ڪل 46 6,11,684

معيشيت[سنواريو]

ھن ضلعي جي معيشت زرعي آھي. ھتي ڪمند ، ڪيلو ۽ ڪپھ جا فصل عام آھن. انبن جا باغ پڻ واقع آھن . ان کان علاوه ھتي صنعت پڻ آھي جنھن م کنڊ جي صنعت سرفهرست آهي.

ٽنڊوالهيار شگر مل

ڪاڏي منھن مريم جو، ڪاڏي ٽنڊو الھيار[سنواريو]

ھڪ سنڌي پھاڪو يا چوڻي آھي. مريم ميرن جو ھڪ توپ جو بہ نالو ھو.انجنيئر عبدالوھاب سھتو مطابق:ٽنڊو الھيار جو شھر، حيدرآباد ميرپور خاص روڊ تي آھي. ھن وقت کيس، ضلعي ھيڊڪوارٽر جي حيثيت مليل آھي. جيڪڏهن ڪنھن کي حيدرآباد کان ٽنڊوالھيار وڃڻو آھي ته کيس ميرپورخاص واري رستي سان سفر ڪرڻو پوندو. جيڪڏهن حيدرآباد کان ڪراچي يا ٺٽو يا بدين روڊن تي سفر ڪندو ته، ٽنڊو الھيار ڪو نه پڄندو. ڇو جو غلط رستي تي هلبو ته منزل تي هرگز ڪين رسبو. [1]

حوالا[سنواريو]