جوڻيجا (شھدادڪوٽ)
| جوڻيجا (شھدادڪوٽ) ديھ جوڻيجا | |
|---|---|
| ديھ | |
| Deh Juneja | |
  جوڻيجا (شھدادڪوٽ)  جوڻيجا (شھدادڪوٽ) | |
| جاگرافي بيهڪ: 27°58′32″N 67°58′26″E / 27.97556°N 67.97389°Eمڪانيت: 27°58′32″N 67°58′26″E / 27.97556°N 67.97389°E | |
| ملڪ |  پاڪستان |
| صوبو | سنڌ |
| ضلعو | قمبر شهدادڪوٽ ضلعو |
| تعلقو | شھدادڪوٽ تعلقو |
| آبادي (2017)[1] | |
| • ڪل | 1,398 |
ديھ جوڻيجا(انگريزي: Deh Juneja) سنڌ جي ضلعي قمبر شهدادڪوٽ جي شھدادڪوٽ تعلقي جي يونين ڪائونسل نمبر 1 جمالي جي ھڪ ديھ جو نالو آهي جيڪا جوڻيجا تپي ۾ واقع آهي.
تاريخ[سنواريو]
بورڊ آف روينيو سنڌ جي ديھن واري 1883 واري پراڻي نقشي مطابق ھن ۾ ڳوٺ اميد علي جوڻيجو، ڳوٺ لال خان جوڻيجو، ڳوٺ امام بخش جوڻيجو، ڳوٺ ميرخان کوسو، ڳوٺ ڪريمداد کوسو، ڳوٺ دلمراد کوسو ۽ لغارين جو ڳوٺ واقع ھيا. ھاڻي ھن ديھ ۾ ڳوٺ اميد علي جوڻيجو، لال خان جوڻيجو، ڳوٺ کاري ۽ ڳوٺ محمد ڇٽل کوسو معروف آھن.
جاگرافي[سنواريو]
ھن ديھ جي اتر ۾ ڳڙهي خيرو تعلقو، اوڀر ۾ ديھ گوپانگ، ڏکڻ ۾ ديھ سنجر ڀٽي ۽ ديھ ڀرڳڙي ۽ اولھ ۾ ديھ عيدن جروار واقع آهن. ھن ديھ جي مڪمل روينيو سروي ٿيل آهي
آبادي[سنواريو]
2017 جي آدمشماري مطابق ھن ديھ جي ڳوٺن جي ڪل آبادي 1,398 ھئي جيڪا 242 خاندانن تي مشتمل ھئي.[1].
شخصيتون[سنواريو]
ڳوٺ اميد علي جوڻيجو مرحوم نورنبي خان جوڻيجو جو ڳوٺ آھي جيڪو سنڌ ۾ ڄام صادق جي نگران حڪومت ۾ مشير ۽ چونڊيل حڪومت م صلاحڪار رھيو ھو.
تعليم ۽ صحت[سنواريو]
ڳوٺ اميد علي جوڻيجو ۾ صحت جي سھولت لاء رورل هيلٿ سينٽر ۽ سيڪنڊري تعليم جي سھولت لاء گورنمينٽ بوائيز ھاء اسڪول واقع آهي.
معيشيت[سنواريو]
ھن ديھ جي معيشت زرعي آھي. ھتي خريف ء ربيع جي فصلن ۾ ساريون ء ڪڻڪ جا فصل ٿيندا آهن. ھتي اميد علي جوڻيجو ڳوٺ ۾ سارين جو ڪارخانو پڻ آھي.