گريناڊا

گريناڊا
جھنڊو	نِسبتي نشان
	شُعار: '"ھميشه خدا کي سڃاڻي اسان اتساھ پاتو، ھڪ ٿي ڪري ٺاھيون ۽ اڳتي وڌون پيا"__(Ever Conscious of God We Aspire, Build and Advance as One Peop)"
	ترانو: گريناڊا زنده باد; شاھي ترانو: خدا راڻي کي محفوظ رکي
	ننڍڙي اينٽليز ۾ گريناڊا جو مقام
گادي جو هنڌ	سينٽ جارجز; 12°03′N 61°45′W / 12.050°N 61.750°W
سڀ کان وڏو شهر	سينٽ جارجز
دفتري ٻوليون	انگريزي;
تسلیم ٿيل مقامي ٻوليون	گرينيڊائي ڪريئول انگلش; گرينيڊائي ڪريئول فرينچ
نسلي گروھ (2011)	82% آفريڪي; 13% گڊرا; 2% اوڀر انڊين; 1% باقي ٻيا; 1% جن بابت خبر ناھي ( اصل مقامي رھاڪن سميت ;
مقامي آبادي	گرينيڊيئن يا گرينيڊائي
حڪومت	وحداني ٻہ جماعتي پارلياماني نظام آئيني بادشاهت ھيٺ
• شاھي سربراھ	اليزبيٿ ٻين
• گورنر جنرل	سسائل لا گرنيڊ (Cécile La Grenade )
• وزيراعظم	ڪيٿ مشيل
مقننه	پارليامينٽ
• مٿيون ایوان	سينيٽ
• ھيٺيون ایوان	ھائوس آف رپريزنٽيٽوز
قيام
• ايسوسيئيٽيڊ اسٽيٽ	3 مارچ 1967
• آزادييونائيٽيڊ ڪنگڊم کان	7 فيبروري 1974
• گريناڊا جي انقلابي حڪومت	13 مارچ 1979
• C آئين جي بحالي	4 ڊسمبر 1984
پکيڙ
• جملي	348.5 km2 (134.6 sq mi) (185th)
• پاڻي (%)	1.6
آبادي
• 2016 اندازو	107,317 (185th)
• گھاٽائي	318.58 /km2 (825.1 /sq mi) (45th)
جِي ڊي پي (مساوي قوت خريد )	2019 لڳ ڀڳ
• ڪل	$1.801 billion
• في سيڪڙو	$16,604
جِي. ڊي. پي (رڳو نالي ۾ )	2019 لڳ ڀڳ
• ڪل	$1.249 ارب يو ايس ڊالر

گريناڊا (انگريزي: Grenada) ويسٽ انڊيز جي ڪيريبئن سمنڊ ۾ گريناڊائيننز واري ڏاکڻي ٻيٽن جي لڙھ ۾ ھڪ خودمختيار رياست آھي. ملڪ گريناڊا ٻيٽ ۽ ان جي اتر م واقع ڇھ ننڍن ٻيٽن تي مشتمل آهي. ھي ملڪ ٽرينيڊاڊ اينڊ ٽوباگو جي اتر اولھ، وينزويلا جي اتر اوڀر سينٽ ونسينٽ اينڊ گريناڊائينز جي ڏکڻ اولھ ۾ واقع آهي. ان جي پکيڙ 348.5 چورس ڪلوميٽر آهي ۽ آبادي جولاء 2018 ۾ لڳ ڀڳ 112200 ھيس.^[7] ملڪ جو گاديءَ جو هنڌ سينٽ جارجز آھي.^[8] ھن ملڪ کي جائفل ۽ جاوتري جائتري مصالحن جي وڏي پيماني تي پيداوار جي ڪري مصالحن جي سرزمين پڻ سڏيو ويندو آهي. اھو انھن مصالحن جو دنيا ۾ سڀ کان وڏو برآمد ڪندڙ ملڪ پڻ آهي.^[9] ملڪ جو قومي پکي گريناڊائي ڳيرو آھي جنھن جو نسل دنيا ۾ ناپيد ٿيڻ جي خطري ۾آهي.

تاريخ

يورپين جي آمد کان پھريان گريناڊا ۾ ھتان جا آرواڪ اصل رھاڪو آباد ھيا، ان بعد ھتي آئلينڊ ڪيريب پڻ اچي آباد ٿيا.^[10] ڪرسٽوفر ڪولمبس ھن ٻيٽ کي پنھنجي آمريڪا ڏانهن ٽئين بحري سفر ۾ 1498 ۾ ڏٺو هو.^[11] ھتان جا آئلينڊ ڪيريب نالي رھاڪو يورپين جي اچڻ تي سخت مزاحمت ڪري کين روڪيندا رھيا پوء بہ سڀ کان اول 1650 ۾ فرانس ھتي ڪالوني ٺاھڻ ۾ ڪامياب ٿي ويو ۽ ھڪ سؤ سال کان مٿي اتي قابض رھيو. 10 فيبروري 1763 ۾ پيرس واري معاھدي تحت گريناڊا کي برطانيا ۾ شامل ڪيو ويو ۽ پوء 1974 تائين ھتي برطانيا قابض رھيو. 1958 کان 1962 تائين گريناڊا ويسٽ انڊيز جي وفاق جو حصو رھيو جيڪا برطانوي بيٺڪن جو وفاق ھيو ۽ گھڻو وقت قائم رھي نہ سگھيو. 3 مارچ 1967 ۾ گريناڊ کي مڪمل داخلي آزادي ڏئي کيس ايسوسيئيٽيڊ رياست جو درجو ڏنو ويو. ملڪ کي ايرڪ گيئري جي اڳواڻي ۾ خودمختياري ڪامن ويلٿ ۾ رھندي 7 فيبروري 1974 ۾ ڏني وئي جيڪو ھن ملڪ جو پھريون وزيراعظم ٿيو ۽ رياست جي سربراھ ملڪہ ايلزبيٿ ٻين برقرار رھي.