ڏوڪري
ڏوڪري ڏوڪري لب درياء | |
|---|---|
شھر | |
  ڏوڪري Location in Pakistan | |
| Coordinates: 27°22′29″N 68°05′50″E / 27.37472°N 68.09722°E | |
| ملڪ |  پاڪستان
|
| صوبو | سنڌ |
| ڊویزن | لاڙڪاڻو ڊويزن |
| ضلعو | لاڙڪاڻو ضلعو |
| تعلقو | ڏوڪري تعلقو |
| تعلقي ڏوڪريءَ ۾ شھرن جو تعداد | ڏوڪري( صدر مقام), باڊھ، ڳيريلو |
| آبادي (2017) | |
| • ڪل | 22,174 |
| وقتي علائقو | UTC+5 (PST) |
| • اونهارو (ر.ب.و) | UTC+6 (PDT) |
| ڊائلنگ ڪوڍ | 074 |
ڏوڪري شھر پاڪستان جي صوبي سنڌ جي لاڙڪاڻي ضلعي جي تعلقي ڏوڪريءَ جو صدر مقام جيڪو موئن جي دڙي جي ڀرسان ست ڪلوميٽرن جي فاصلي تي واقع آھي.
ھن شھر ۾ لاڙڪاڻو ڪيڊٽ ڪاليج ۽ ٽنڊو آدم زرعي يونيورسٽي جي شھيد ذوالفقار علي ڀٽو زرعي ڪاليج، چانورن جو ريسرچ انسٽيٽيوٽ ۽ عام تعليم لاءِ ڊگري ڪاليج واقع آھي. ھن شھر جي ڀرسان موئن جو دڙو ايئرپورٽ پڻ واقع آھي. سنڌو درياهه جي ڀر ۾ واقع ھي شھر زراعت جو مرڪز آھي ۽ کيس لب درياء به چوندا آهن.
ھي شھر سمنڊ جي سطح کان 36 ميٽر مٿي آهي ۽ ان جي جاگرافيائي بيھڪ 27° 22' 29" N 68° 05' 50" E آھي. ھن شھر جي ڀرسان بکوديرو ڳوٺ ۾ سنڌ جي ھاري تحريڪ جو باني ليڊر ۽ سنڌ جو محب وطن ڪامريڊ حيدر بخش جتوئي پيدا ٿيو. سنڌ جي مشهور دانشور ڪامريڊ سوڀو گيانچنداڻي به ھن شھر لڳ پيدا ٿيو جنھن کي رابندر ناٿ ٽئگور "دا مين فرام موئن جو دارو" سڏيندو هو.