فل اسٽاپ
| . | |
|---|---|
فل اسٽاپ | |
| Related | |
| In other scripts | |
پورو دم __فل اسٽاپ__(Full Stop)__(.):
بيهڪ جي نشانيءَ جو قسم. ھر قسم جي بياني جملي پوري ٿيڻ تي پورو دم(.) ڏبو اھي. لفظن جي پوري لکڻ بدران ابتدائي اکرن (abbreviations) ۾ بھ انھن جي وچ ۾ پورو دم لکندو آهي. مثال طور: ايم. ايڇ. پنھور، جي. اي. الانا، ايم، ايڇ. خواجھ وغيره. ڊگرين جي لکڻ ۾ بھ اھو استعمال ٿيندو: ايم.اي، بي. اي، بي. ايس. سي وغيره. [1]پوري دم لاءِ هر ڪنهن ٻوليءَ ۾ لڳ ڀڳ ساڳيا نالا آهن. جيئن انگريزي ۾ Period، فرنچ ۾ Periode، لاطيني (Latin) ۾ Periodus، گريڪ (Greek) Periodos، معنيٰ Peri معنيٰ Arowid ۽ Odos معنيٰ Away پوري لفظ جي معنيٰ ٿي A going round
پورو دم بياني جملي مڪمل ٿيڻ کان پوءِ ڏنو ويندو آهي، جنهن کي مڪمل خيال چيو وڃي ٿو. يعني خيال کي مڪمل ڪرڻ کان پوءِ ايندڙ نشاني کي پورو دم چيو وڃي ٿو. يا ائين چئجي ته پورو دم جو مطلب آهي بياني جملو پورو ٿيو يا جملي ۾ ڏنل خيال مڪمل ٿيو ۽ ٻيو خيال يا بيان شروع ٿيندو. اهڙي جملي ۾ ڳالهائڻ وقت ڪنهن به اکر تي زور نه ڏنو ويندو پر اکر هڪ ساريڪي آواز ۾ ڳالهايا ويندا.[2]ڪن حالتن ۾ سوالي يا عجب يا ندا واري جملي جي پٺيان به پوري دم جي نشاني ڏني ويندي آهي.
(الف) قدم کڻڻ کان اڳي خبردار رهجائين.
(ب) اچو ته پوري ڳالهه کي وساري ڇڏيون.
(ت) ڪهڙو نه سٺو ٿئي ها، جيڪڏهن اسين سڀ اتي هجون ها.
لفظن جي مخفف هجڻ جي نشاني به پورو دم ڏئي ظاهر ڪئي ويندي آهي.
مثال
ايم. اي.، پي ايڇ. ڊي.،
M. A., Ph. D., D.c.,
پورو دم ڊيسيمل لاءِ به ڪم ايندو آهي.
Rs. 120.80, 11.39 *
مخفف هجڻ جي حالت ۾ يا ڊيسيمل واري حالت ۾ پوري دم جي حيثيت هڪ ٻوڙيءَ جي هوندي آهي جيڪا لفظ جي مخفف هجڻ ظاهر ڪندي آهي.[3]
حوالا
[سنواريو]- ↑ .ڪتاب:ادبي اصطلاحن جي تشريحي لغت؛مرتب: مختيار احمد ملاح؛پبلشر:سنڌ لئنگئيج اٿارٽي
- ↑ {ڪتاب: تحقيق جو فن؛ از: ڊاڪٽر غلام حسين ؛ پھريون ايڊيشن 1983، پبلشر: سنڌي ادبي بورڊ ڄامشورو http://www.sindhiadabiboard.org/catalogue/History/Book48/Book_page20.html. Missing or empty
|title=(مدد)} - ↑ {ڪتاب: تحقيق جو فن؛ از: ڊاڪٽر غلام حسين ؛ پھريون ايڊيشن 1983، پبلشر: سنڌي ادبي بورڊ ڄامشورو http://www.sindhiadabiboard.org/catalogue/History/Book48/Book_page20.html. Missing or empty
|title=(مدد)}