سوال جي نشاني

کليل ڄاڻ چيڪلي، وڪيپيڊيا مان
Jump to navigation Jump to search

سوال جي نشاني __(؟) __(Question Mark):

ھيءَ نشاني سواليھ جملي جي اخر ۾ لکندي اھي، پر اھو سوال سڌو يا direct ھئڻ گھرجي. Indirect speech ۾ اھا نشاني ڪا نھ لکندي. مثال: احمد پڇيو، ”ارشد ڪيڏانھن ويو اھي؟“ اھڙا سوال جيڪي جملي ۾ فاعل جي جاءِ وٺن. انھن ۾ سواليھ نشان بابت سڀ ڪو سمجھي ٿو.اھڙا سواليھ جملا جيڪي ڏسڻ ۾ تھ سوال اچن. پر ھجن درخواست واري مفھوم جا، انھن ۾ بھ سوال جي نشاني ڪانھ لکندي بلڪھ اتي عجب جي نشاني لکندي. مثال: ڇا توھان مھرباني ڪري منھنجو ڪتاب جلدي واپس ڪندا! اخبارن ۾ اھڙي ڪا خبر، ۽ ڪتابن ۾ اھڙا ڪي تفصيل ۽ انگ اکر ڏيڻا ھجن، جن جي باري ۾ پڪ نھ ھجي، تھ پوءِ انھن جي سامھون ڏنگين ۾ سوال جي نشاني ڏبي اھي.مثال: حڪومت ڪوٽا سسٽم اڳيان ويھھ سال وڌيڪ جاري رکڻ جو ڳيصلو ڪري ڇڏيو (؟) امريڪا جي ريڊ انڊين کي 1921ع (؟) ۾ حق مليا. [1] جڏهن ڪنهن کان سوال ڪيو وڃي ٿو ته انهيءَ سوال ظاهر ڪرڻ لاءِ لکت ۾ سوال جي نشاني ۽ ڳالهائڻ وقت جملي ۾ آخرين لفظن تي زور ڏنو وڃي ٿو.
هي منهنجو ڪتاب آهي؟
ڇوڪر جو نالو ڇا آهي؟
ڪيڏانهن وڃي رهيو آهين؟
جملي ۾ سوال جي نشاني نه ڏني ويئي ته جملو بياني ٿي پوندو ۽ جملي جو مطلب غلط ٿي پوندو.
هي منهنجو ڪتاب آهي.
هن جملي مان يقيني حالت جو به اظهار ٿي سگهي ٿو ته حقيقت ۾ هي ڪتاب منهنجو آهي. پر سوال جي نشاني ڏيڻ سان اهو ظاهر ٿيندو ته هي ڪتاب منهنجو آهي يا نه.[2]

سوال جي نشاني ۽ ليڪ[سنواريو]

Question Mark & Dash

جملي کي هي نشاني وڌيڪ زوردار ثابت ڪرڻ لاءِ يا احتياط طور ڪم آندي ويندي آهي.[3]


هڪ کان وڌيڪ سوال جون نشانيون[سنواريو]

[؟ ؟ ؟] Plural Queries


ڪنهن سوال کي وڌيڪ معلوماتي يا سوال ۾ وڌيڪ شدت ظاهر ڪرڻ لاءِ، هڪ کان وڌيڪ سوال جون نشانيون ڏنيون وينديون آهن. هي نشانيون عام طور افسانوي ادب ۾ استعمال ڪيون وينديون آهن. پر ادبي تحقيق ۾ ڪم نه اينديون آهن.[4]

ڏنگين ۾ سوال جي نشاني[سنواريو]

[ (؟) ] Bracked Question Mark هي نشاني افسانوي توڙي ادبي لکيت ۾ استعمال ڪئي وڃي ٿي ۽ هن جو مقصد هوندو آهي، ڪنهن ڳالهه کي سوالي بنائڻ يا ڪنهن سوال کي ڳجهو ڏيکارڻ، يعني ظاهر ۾ اهو سوال نه هجي، پر باطني طور اهو سوال ظاهر ڪيو وڃي، يا ڪنهن ڳالهه ۾ شڪ هجي ۽ انهيءَ جي مڪمل معلومات نه هجي ۽ ڪڏهن هي نشاني ٽوڪ طور به ڪم آندي وڃي ٿي.[5]

حوالا[سنواريو]

  1. .ڪتاب:ادبي اصطلاحن جي تشريحي لغت؛مرتب: مختيار احمد ملاح؛پبلشر:سنڌ لئنگئيج اٿارٽي
  2. {ڪتاب: تحقيق جو فن؛ از: ڊاڪٽر غلام حسين ؛ پھريون ايڊيشن 1983، پبلشر: سنڌي ادبي بورڊ ڄامشورو http://www.sindhiadabiboard.org/catalogue/History/Book48/Book_page20.html.  Missing or empty |title= (help)}
  3. {ڪتاب: تحقيق جو فن؛ از: ڊاڪٽر غلام حسين ؛ پھريون ايڊيشن 1983، پبلشر: سنڌي ادبي بورڊ ڄامشورو http://www.sindhiadabiboard.org/catalogue/History/Book48/Book_page20.html.  Missing or empty |title= (help)}
  4. {ڪتاب: تحقيق جو فن؛ از: ڊاڪٽر غلام حسين ؛ پھريون ايڊيشن 1983، پبلشر: سنڌي ادبي بورڊ ڄامشورو http://www.sindhiadabiboard.org/catalogue/History/Book48/Book_page20.html.  Missing or empty |title= (help)}
  5. {ڪتاب: تحقيق جو فن؛ از: ڊاڪٽر غلام حسين ؛ پھريون ايڊيشن 1983، پبلشر: سنڌي ادبي بورڊ ڄامشورو http://www.sindhiadabiboard.org/catalogue/History/Book48/Book_page20.html.  Missing or empty |title= (help)}