عبدالحق ابڙو
| عبدالحق ابڙو Abdul Haq Abro | |
|---|---|
| پيدائش | 1937ع حيدرآباد، سنڌ، برطانوي هندستان |
| وفات | 2000ع (عمر 63) حيدرآباد، سنڌ، پاڪستان |
| پيشو | اداڪار، صداڪار |
| سَرگَرمُ سالَ | 1937ع–2000ع |
عبدالحق ابڙو (انگريزي:Abdul Haq Abro) سنڌ جو ريڊيو پاڪستان، پاڪستان ٽيليويزن ڪارپوريشن ۽ فلم جو اداڪار ۽ صداڪار هو.
زندگي جو احوال
[سنواريو]عبدالحق ابڙو 1937ع ۾ حيدرآباد شهر ۾ ڄائو.
تعليم
[سنواريو]عبدالحق ابڙو مئٽرڪ نور محمد هاءِ اسڪول حيدرآباد ۽ انٽر مسلم ڪاليج حيدرآباد ۾ پڙهيو. هن ايم. اي سنڌي ادب ۾ ڪئي.
عملي زندگي
[سنواريو]هيءُ ريڊيو آرٽسٽ ۽ صداڪار حيدرآباد ريڊيو -اسٽيشن- جي ڳوٺاڻن ڀائرن جي پروگرام (فتح خان جي ڪچهري) جي ڪردار ”جانڻ“ [1]جي نالي سان مشهور ٿيو. ڪيترن ئي ڊرامن ۾ حصو ورتو.عبدالحق ابڙو ڪاليج ۾ پڙهڻ واري زماني کان ئي ڊرامن ۾ حصو وٺندو هو ۽ اسٽيج جو معروف فنڪار هو. هن سنڌي فلمن ۾ يادگار ڪردار ادا ڪيا، ڪيترن ئي ٽي وي ڊرامن ۾ پڻ ڪم ڪيائين. -پاڪستان- حڪومت فني خدمتن جي مڃتا طور کيس تمغه امتياز ڏنو. هن 17 سالن جي عمر ۾ اسٽيج ناٽڪ ۾ ڪم شروع ڪيائين. جڏهن حيدرآباد ۾ ريڊيو -اسٽيشن- کلي ته کيس 1957ع ۾ اسٽاف آرٽسٽ طور نوڪري ڏني ويئي. هن 1997ع ۾ رٽائر ڪيو، پر پوءِ به هو ڪانٽريڪٽ تي ريڊيو سان لاڳاپيل رهيو. عبدالحق ابڙو ٻارڙن جي پروگرام ۾ ”ماما مکڻ“ جي حوالي سان ٻارن ۾ گهڻو مقبول ٿيو. سنڌ جو هي گهڻ پاسائين صلاحيت رکندڙ فنڪار سنڌيءَ کان علاوه -اردو-، گجراتي، بلوچي، پنجابي ٻوليون به ڄاڻندو هو ۽ انهن ٻولين جي ڊرامن ۾ پڻ ڪم ڪيائين. هن ريڊيو -پاڪستان- حيدرآباد جي لاتعداد پروگرامن ۽ ڊرامن ۾ ڪم ڪيو. سنڌ يونيورسٽيءَ ۾ -تعليم- دوران مرزا قليچ بيگ جو ڊرامو ’-انڪوائري آفيسر-‘ اسٽيج ڪيائين ۽ -انعام- طور کيس وائس چانسلر ڪپ مليو. 66-1965۾ سنڌي مزاحيه پروگرام ”گلدستو“ گهڻو مشهور ٿيو. سندس پهريون ٽي وي ڊرامو مرزا قليچ بيگ جو ڊرامو ”زينت“ هو ۽ پهرين سنڌي فلم ”محبوب مٺا“ هئي. -ان- کان علاوه هن ”رنگ محل“، ”گهونگهٽ لاهه ڪنوار“ ، ”سنڌڙيءَ -تان- صدقي“، ”-بادل-“ ۽ ٻين فلمن ۾ به ڪم ڪيو. هن پاڻ به ڪيترا ڊراما لکيا ۽ انهن جي هدايت ڪاري به ڪئي. هو ميوزڪ جو به ڄاڻو هو.[2]
وفات
[سنواريو]عبدالحق ابڙو 6 ڊسمبر 2000ع تي 63 سالن جي عمر ۾ حيدرآباد ۾ لاڏاڻو ڪري ويو. کيس مسو ڀرڳڙي لڳ آبائي قبرستان ۾ دفن ڪيو ويو.[2]
حوالا
[سنواريو]- ↑ "“جمهور جي آواز” جو “ڪمدار” اڃا به ريڊيو حيدرآباد سان عشق نڀائي ٿو" (ٻولي ۾ Sindhi). حاصل ڪيل 2020-01-21.
- ↑ 2.0 2.1 "ابڙو عبدالحق : (Sindhianaسنڌيانا)". www.encyclopediasindhiana.org (ٻولي ۾ Sindhi). حاصل ڪيل 2020-01-21.