قاضي احمد تعلقو

کليل ڄاڻ چيڪلي، وڪيپيڊيا مان
(دولت پور تعلقو کان چوريل)
Jump to navigation ڳولا ڏانهن هلو
قاضي احمد
تعلقو
تعلقہ قاضي احمد
قاضي احمد is located in Sindh
قاضي احمد
قاضي احمد
سنڌ ۾ مقام
مڪانيت: 26°18′N 68°06′E / 26.300°N 68.100°E / 26.300; 68.100مڪانيت: 26°18′N 68°06′E / 26.300°N 68.100°E / 26.300; 68.100
ملڪ پاڪستان Pakistan
صوبو سنڌ
ضلعو شھيد بينظيرآباد ضلعو
ڪل يونين ڪاؤنسلون 12
آبادي
 • ڪُل 2,97,047
ٽائيم زون پاڪستان جو معياري وقت (UTC+5)


قاضي احمد تعلقو پاڪستان جي صوبي سنڌ جي ضلعي شهيد بينظيرآباد جو هڪ تعلقو آهي.

قاضي احمد قومي شاهراهه جي وچ تي اڏيل شهر اڳ ۾ ڪنهن ٻئي نالي سان سڏبو هو ، پر قاضي احمد ڪوريجو ڪلهوڙن يا ميرن جي دور ۾ مقرر ٿيو پوءِ قاضي احمد نالي سان مشهور ٿيو. پ پ جي هن دور کان اڳ۾ دولت پور کي تعلقي جو درجو حاصل هو، هاڻي سنڌ اسيمبلي ذريعي قاضي احمد کي تعلقي جو درجو ڏنو ويو آهي.قاضي احمد سياسي، سماجي، ادبي، تاريخي ۽ صنعتي حوالي سان خوش حال آهي.

سياسي حوالي سان ڪلهوڙن جي دور حڪومت جي جان محمد ڏاهري خاندان جو اڄ تائين تمام گهڻو اثر رسوخ آهي. هن خاندان مان سردار گلڻ ڄام کان وٺي سردار رضا محمد ڏاهري حڪومتي عهدن تي رهيا آهن. سردار رضا محمد ڏاهري ٻه دفعا صوبائي اسيمبلي جو ميمبر رهيو آهي. رئيس مٺل خان ڏاهري هڪ دفعو سنڌ اسيمبلي جو ميمبر، ڊاڪٽر بهادر ڏاهري سنڌ اسيمبلي جو ميمبر ، سردار خان محمد ڏاهريسنڌ اسيمبلي جو ميمبر ۽ تعليم جو وزير رهيو. ڊاڪٽر عاشق ڏاهري تعلقه ناظم رهيو آهي. هن وقت ڊاڪٽر بهادر ڏاهريمسلم ليگ ن جو سنڌ جو عهديدار آهي. قاضي احمد جي انڙ جو قومي سردار فقير رسول بخش کان وٺي سردار ڄام تماچي تائين سياسي طور اهم عهدن تي رهيا آهن. سردار ڄام تماچي سينيٽر ، صوبائي اسيمبلي جو ميمبر، ۽ هن وقت پبلڪ اڪائونٽس ڪاميٽي سنڌ جو چيئرمين آهي. رئيس علي نواز انڙ صوبائي اسيمبلي جو ميمبر رهيو، شير محمد انڙ پڻ صوبائي اسيمبلي جو ميمبر رهيو آهي. هن خاندان جي افتخار انڙ تعلقي ناظم رهيو آهي.پ پ جي هن حڪومت ۾ اسماعيل ڏاهري سنڌ حڪومت جو صلاحڪار آهي.ڄام سيف الله خان انڙ، شهنشاهه، سيد مقبول شاهه محمد حنيف چانڊيو ، غلام رباني ڏاهري، غلام مصطفي سومرو،، ڄام فيروز انڙ، بهار مري، سماجي حوالي سان رئيس علي نواز انڙ، علي محمد راهو، اي ڊي راهو، جاويد سومرو، زاهد آرائين، عظيم انڙ ، علي دوست ملکاڻي، حاجي خان لاکو، ادبي حوالي سان پروفيسر ڊاڪٽر غلام محمد لاکو، معشوق ڌاريجو، مرتضي شاهه، ڊاڪٽر خليل لاکو، ڊاڪٽر سرور خاصخيلي، شبير سيال،سردار علي گبول علي محمد راهو، شرجيل عبدالفتاح، شيطان فقير، عاجز ٻگهيو، ڊاڪٽر حافظ غلام محمد ڏاهري، مولانا ادريس ڏاهري، حڪيم غلام رسول لاکو، غلام عباس قادري، غلام مصطفيٰ ٻگهيو، فيض جوکيو، مسڪين حاجي خان ملاح، ميان نور محمد ڪلهوڙو، غلام مصطفي ڏاهري، غلام محمد بگائي، اسلم لغاري، ايم ايس ڪورائي، مولائي ملاح ،شبن کوکر ۽ ٻيا

مشهور راڳي عثمان فقير، امام بخش زرداري، غلام حسين زرداري، انور زرداري، لطيف چانڊيو، مولا بخش مري، اعجاز ماڇي، علي اڪبر ماڇي، شاهنواز خاصخيلي، پيرل شاهه، ڪامران چانڊيو ۽ ٻيا آهن.

مشهور صحافي نبن شاهه، محبوب جوکيو، بهاول لاکو، عظيم انڙ، رجب جتوئي. يوسف رند، روشن سومرو، قادر بخش راهو ۽ ٻيا آهن.

آثار قديمه مقبرو ميان نور محمد ڪلهوڙو، ٺل مير رڪن، جتوئي جو مقبرو، قاضي احمد ڪوريجو، دمائي ناز باغ موجود آهن. تعلقي اندر مشهور درگاهن ۾ جمن شاهه جهانيان، درگاهه پير شهمير، درگاهه فيض هاشمي، درگاهه حق مدينه، درگاهه پير نالي وڏو، درگاهه پير صادق، درگاهه صالح فقير لڳ کڙ، موجود آهن

تعلقي قاضي احمد جي اولهه طرف ڪيٽي جمن شاهه، ثن جاڳر، ثن ريتي، سک پور ۾ تمام وڏا ٻيلا موجود هئا، جتي شڪار سير تفريح ٿيندي هئي، پر بد قسمتي سان انهن بيلن کي ڪٽي جهنگلي جيوت ، قدرتي سونهن کي ختم ڪيو ويو آهي، هاڻي انهن بيلن واري زمين تي قبضا ڪري زمينون آباد ڪيون ويون آهن.

ثقافتي ۽ تفريحي حوالي سان تعلقي اندر جهانيان جو ميلو، نانگي شاهه جو ميلو، پير شهمير جو ميلو، مير متارو ميلو، قاضي احمد جو باغ ڏسڻ وٽان آهن. نواب ولي محمد ويجهو خاص ڪري عورتن لاءِ ڳوٺ تاجر ٻگهيو وٽ ميان محمد سائين تي هر سال هڪ ڏينهن لاءِ ميلو لڳندو آهي، جمال شاهه جو ميلو، کوڙ سارن ڳوٺن ۾ بزرگن جا ڏهاڙا فقير علي جهانيان جو ڏهاڙو ڳوٺ باغ ماڻڪ ۾ ملهايو ويندو آهي. ميلن ۾ چوڏول سرڪس ملاکڙا، اهم هوندا آهن. تعلقي اندر ملهه پهلوانن ۾ نواب هوٿيپوٽو، عارف راهو، الهداد راهو، صالح هوٿيپوٽو، بوسڪي علي گل، حمزو رند مشهور رهيا آهن. مشهور اداڪار صديق پرهيار رهيو اهي. تعلقي دولت پور جا سگهڙ شيطان فقير، سومر خان چانڊيو، ميانداد چانڊيو، جعفر لاکو، ياسين جوکيو ۽ ٻيا آهن. مزاح جي حوالي سان آچر پاڪستاني تعلقي قاضي احمد جو مشهور ڪردار رهيو آهي. تعلقي جي اوڀر زرخيز زمينون ۽ ڳوٺ آباد آهن. اتر ۾ نواب ولي محمد، دولت پور، شاهپور جهانيان، آهن ڏکڻ ۾ سڪرنڊ شگر مل، مشائخ، سڪرنڊ آباد آهن. تعلقي جي مشهور ڳوٺن ۾ ڪوٽ ڄام ڪريم علي انڙ، بچل پور، اسماعيل ڀنڊ، جهونجهاڻ، ڳوٺ سردار علي گبول سعيد ڪنڊو، علي آباد، ڪريم آباد، سک پور، پٻجو، پير شهمير، دوڙ شاهه، کڙ، گلڻ ڄام ڏاهري، ماروجه، مٺا خان جوکيو، منهڙو مقيم ڏاهري، سرڪاري کوهه، سن ساوڙي، هبيري، صوڀو ڏاهري، چوٽيهه هزار موري، لونگ سومرو، احسان راهو، سوڍو خاصخيلي، عاقلاڻي راهو، ڪوٽ مقبول شاهه، بهادر چانڊيو، سونو چانڊيو، محمد چانڊيو، طوطي، ڪشور پور، عبدالرزاق سيٺر، مٺو ڏيٿو، باغ ماڻڪ ، قبول راهو، علي خان فج، سلطان راهو، نواب بهاول، حمل ڪلوئي، ماڪوڙو، پڊ، خارجاڻي ۽ ٻيا ننڍا وڏا ڳوٺ مشهور آهن. تعلقي جي ڪل آبادي، 297047 آهي، 12 يونين ڪائونسل ، قاضي احمد1، قاضي احمد2، احمد ٻگهيو، ٺٽ، سعيد ڪنڊو، هبيري، ساوڙي، منهڙو کڙ، شاهپور جهانيان، [[]دولت پر]] ۽ مرزا باغ تي مشتمل آهي. صنعتي حوالي سان النور شگر مل شاهپور جهانيان، قاضي احمد ،دولت پور ويجهو، فٽين ٽاڻڻ جا ڪارخانا، نواب ولي محمد ۾ ايشيا جي وڏي ۾ وڏي بهه جي منڊي موجود آهي، زرعي جنسن جي واپار کانسواءِ قاضي احمد ۾ مال جي تمام وڏي پڙي هر خميس تي لڳندي آهي. قاضي احمد جي ملاحن جون رليون، لونگ سومرو جو ڀرت ، ڪيترن ئي ڳوٺن ۾ عورتون پيش جو واڻ پڻ وٽين ٿيون.

تعلقي اندر هڪ اسپتال، 2 آر-ايڇ-سي، 10 بنيادي مرڪز، لاتعداد گورنمينٽ ڊسپينسريون، ايم-سي-ايڇ سينٽر صحت جون سهولتون مهيا ڪري رهيا آهن. قاضي احمد ۽ دولت پور ۾ ٽاما سينٽر، زير تعمير آهي. ان کانسواءِ ڪيتريون ئي ڊسپينسريون زيرِ تعمير آهن.تعليم جي لحاظ کان قاضي احمد دولت پور ۾ ٻه ڊگري ڪاليج ڪيترائي هاءِ ، مڊل بوئز ۽ گرلس اسڪول، پرائمري بوائز ۽ گرلس اسڪول ۽ ڪيترائي پرائيويٽ اسڪول تعليم ڏئي رهيا آهن.

تعلقي اندر ڪڻڪ، ڪمند، ساريون، ڪيلا، وونئڻ، ۽ ڪچي وارن علائقن ۾ ٻاجهري، جوئر، گوار، منڱ، چڻا، بصر جا فصل ٿين ٿا.

ڪجهه وقت اڳ انبن، ليمن جا وڏا باغ پڻ موجود هئا، پر پاڻي جي کوٽ جي ڪري اهي ختم ٿي ويا آهن. مجموعي طور تعلقو قاضي احمد باشعور، زرخيز، آثارِ قديمه، تفريحي، ثقافتي، ادبي طور اهم تعلقو آهي.

يونين ڪا‏ؤنسلون[سنواريو]

هن تعلقي ۾ هيٺيون يونين ڪاؤنسلون آهن.

  1. قاضي احمد 1
  2. قاضي احمد 2
  3. احمد ٻگهيو
  4. ٺٺ
  5. سعيد ڪنڊو
  6. دولتپور
  7. شاهپور جهانيان
  8. کڙ
  9. ساوڙي
  10. سن
  11. منهڙو
  12. مرزا باغ
  13. هبيري