پاڪستاني عام چونڊون 2024ع
![]() | |||||||||
| |||||||||
| |||||||||
![]() قومي اسيمبلي جا حلقا ڏيکارينڙ پاڪستان جو نقشو. | |||||||||
|
عام چونڊون پاڪستان ۾ 8 فيبروري 2024ع تي ٿيون، جن ۾ 16 هين قومي اسيمبلي جي ميمبرن جي چونڊ ڪئي وئي.اليڪشن ڪميشن آف پاڪستان 15 ڊسمبر 2023 تي تفصيلي شيڊول جو اعلان ڪيو. قومي اسيمبلي جي تحليل ٿيڻ جي 60 ڏينھن جي اندر ڪرايون ويون. اڳوڻي نگران حڪومت دوران ھلندڙ اسيمبلي 13 آگسٽ 2023 تي تحليل ٿي؛ جيڪڏھن اھا اڳ ئي تحليل ٿي وڃي ٿي ڪنھن بہ سبب جي ڪري تہ چونڊون 90 ڏينھن جي اندر لازمي ٿينديون. جيڪڏهن ھلندڙ اسيمبلي پنھنجو مدو پورو ڪندي تہ چونڊون 12 آڪٽوبر 2023ع تي يا ان کان اڳ ٿي وينديون.[1]
پاڪستان تحريڪ انصاف (پي ٽي آءِ) جي وزيراعظم عمران خان کي بي اعتمادي واري رٿ ذريعي عهدي تان هٽائڻ کانپوءِ ٻن سالن جي سياسي بدامني کانپوءِ چونڊون ڪرايون ويون. بعد ۾، خان کي گرفتار ڪيو ويو ۽ ڪرپشن جي الزام ۾ سزا ڏني وئي ۽ 5 سالن تائين سياست کان روڪيو ويو. چونڊن جي اڳڀرائي ۾، سپريم ڪورٽ جي فيصلي ۾ پي ٽي آءِ کان انٽرا پارٽي چونڊون نه ڪرائڻ تي سندن چونڊ نشان ختم ڪري ڇڏيو.
آزاد اميدوارن 103 سيٽون کٽيون جن ۾ پي ٽي آءِ جي حمايت يافته 93، پاڪستان مسلم ليگ (ن) کي 75 ۽ پاڪستان پيپلز پارٽي (پي پي پي) کي 54 سيٽون مليون. پنجاب ۽ سنڌ صوبن ۾ بالترتيب مسلم ليگ (ن) ۽ پيپلز پارٽي سڀ کان وڏيون پارٽيون بڻجي اڀريون. خيبرپختونخواهه ۾ پي ٽي آءِ جي حمايت يافته آزاد اميدوارن سڀ کان وڌيڪ سيٽون حاصل ڪيون جڏهن ته بلوچستان ۾ پيپلز پارٽي ۽ ن ليگ کي ووٽ ڏنا.
فوجي اسٽيبلشمينٽ تي مسلم ليگ (ن) جي قائد نواز شريف جي حق ۾ اليڪشن کان اڳ وڏي ڌانڌلي جو الزام هو. آمريڪا، برطانيا ۽ يورپي يونين سميت پرڏيهي ميڊيا، مبصر گروپن ۽ عالمي برادري جي ميمبرن چونڊن جي شفافيت بابت پنهنجا خدشا ظاهر ڪيا آهن.
13 فيبروري 2024ع تي هڪ پريس ڪانفرنس ۾ مسلم ليگ (ن) ۽ پيپلز پارٽي جي اڳواڻن اعلان ڪيو ته هو اتحادي حڪومت ٺاهيندا جنهن ۾ شهباز شريف وزيراعظم هوندو. متحده قومي موومينٽ – پاڪستان، پاڪستان مسلم ليگ (ق)، استحقاق پاڪستان پارٽي ۽ بلوچستان عوامي پارٽي به حڪومتي اتحاد ۾ شامل ٿيڻ جو ارادو ظاهر ڪيو آهي.