ٺلهه هيرو خان

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
ٺلھ هيرو خان جو ڏيک

ٺلھ هيرو خان انگريزي (Thul Hairo Khan) ٻڌمت جو اسٽُوپا (Stupa) آهي جيڪو جوهي تعلقو، دادو ضلعو، سنڌ پاڪستان جي ڳوٺ هيرو خان[1] جي ويجھو هڪ ڪلو ميٽر جي مفاصلي تي اولهه طرف آهي. ٺُلهه هيرو خان[2] [3]پڪين ۽ ڪچين سرن سان تعمير ٿيل آهي جن جي اوساري گِل سان ٿيل آهي. ٺُلهه 50 فوٽ اونچو ۽ 30 فوٽ ويڪرو آهي. ٺلهه جي چوٽيءَ تي رسڻ لاءِ اتر پاسي کان ڪچين ۽ پڪين سرن جي ڏاڪڻ جوڙيل آهي. اهو يقين ڪيو وڃي ٿو ته هيرو خان واخان وارو ٺلهه 5 ۽ 7 صدي عيسوي جي وچ ڌاري تعمير ڪيل آهي. لڳي ٿو ته هيرو وارو ٺلهه سنڌ جي ٻين علائقن ۾ موجود ٺلهن جي سلسلي منجهان هڪ آهي. [4][5]

تاريخ[سنواريو]

ڪجهه تاريخي تذڪرن موجب سنڌ ۾ بڌمت 3 صدي قبل مسيح ۾ موريا گھراڻي جي حڪمران اشوڪا جي دور ۾ ڦهليو.[6]راءِ خاندان جي دوؤر ۾ سنڌ ٻڌمت جي مرڪز هئي.[7] چچ سنڌ ۾ برهمڻ گھراڻي جي حڪمراني جو بنياد رکندڙ هو. سندس ڀاءُ چندر ٻڌمت جو قائل هو.[8] سومرن جي سنڌ تي حڪومت جي ڏينهن ۾ ٻڌمت 13 صدي عيسوي تائين سنڌ جي چپي چپي ۾ رهيو ۽ وڌيو ويجھيو.[8] ٺلهه بڌمت جا پاڪ ۽ مذهبي آثار طور ڄاتا وڃن ٿا.[9]

محل وقوع[سنواريو]

ٺلهه هيرو خان جوهي شهر کان 15 ڪلومٽرن جي مفالي تي اتر طرف آهي. Latitude: 26°49'40.3", Longitude: 67°28'28.81"[2]

حوالا[سنواريو]