نڪول ڪڊمين

کليل ڄاڻ انسائيڪلوپيڊيا، وڪيپيڊيا مان
ڏانھن ٽپ ڏيو: رھنمائي, ڳولا
نڪول ڪڊمين

نڪول ميري ڪڊمين (Nicole Mary Kidman) (پيدائش: 20 جون 1967ء) آمريڪا ۾ پیدا ٿيڻ واري هڪ آسٽريلوي اداڪاره، فيشن ماڊل، گلوڪاره ۽ انسان دوست شخصيت آهي۔ 2006ء ۾ هن کي آسٽريليا جو سڀ کان وڏو شهري اعزاز ڪمپينيئن آف دي آرڊر آف آسٽريليا ڏنو ويو۔ 2006ء ۾ ئي هو فلمي صنعت ۾ سڀ کان وڌيڪ معاوضو حاصل ڪرڻ واري اداڪاره بڻين۔[1]

ڪڊمين پهريون دفعو 1989ء ۾ سنسني خيز فلم ڊيڊ ڪام (Dead Calm) جي ذريعي منظر عام تي آئي۔ ڊيز آف ٿنڊر (Days Of Thunder) (1990ء)، ٽو ڊائي فار (To Die For) (1995ء) ۽ مولن روج! (Moulin Rouge!) (2001ء) ۾ هن جي ڪارڪردگي کي ناقدن ڀرپور انداز ۾ سراهيو ۽ دي آورز (The Hours) (2002ء) ۾ اداڪاري تي هن کي ڪافي معروف فلمي اعزازن سان نوازيو ويو جن ۾ بهترين اداڪاري جي لاء اڪيڊمي ايوارڊ، بافٽا ايوارڊ ۽ گولڊن گلوب ايوارڊ شامل آهن۔

هن هاليوڊ جي معروف فلمي اداڪار ٽام ڪروز سان شادي به ڪئي جڏهن ته هن وقت هو معروف موسيقار ڪيٿ اربن جي گهرواري آهي۔

جيئن ته هو هوائي ۾ آسٽريلوي جوڙي جي گھر پیدا ٿي، ان ڪري هو آسٽريليا ۽ آمريڪا ٻنهي جي شهريت رکي ٿي۔


حوالا[سنواريو]

  1. نڪول ڪڊمين، فلمي صنعت جي سڀ کان وڌيڪ معاوضو حاصل ڪرڻ واري اداڪاره ايم ايس اين بي سي