دؤڙ تعلقو

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
دوڙ
دؤڙ
دوڙ is located in Sindh
دوڙ
دوڙ
سنڌ ۾ مقام
مڪانيت: 26°27′N 68°19′E / 26.450°N 68.317°E / 26.450; 68.317مڪانيت: 26°27′N 68°19′E / 26.450°N 68.317°E / 26.450; 68.317
ملڪ پاڪستان Pakistan
صوبو سنڌ
ضلعو شھيد بينظيرآباد ضلعو
ڪل يونين ڪاؤنسلون 15
آبادي
 • ڪُل 3,91,150
ٽائيم زون پاڪستان جو معياري وقت (UTC+5)


دؤڙ تعلقو، جنهن کي دوڙ پڻ لکيو ويندو آهي، پاڪستان جي صوبي سنڌ جي ضلعي شهيد بينظيرآباد جو هڪ تعلقو آهي، جيڪو دوڙ شهر نالي سان ڳنڍيل آهي. روايت موجب دوڙ، ٻانڌي، بڇيري ٽئي عورتن جا نالا آهن. جيڪي هندو مذهب جون هيون. 1985ع ۾ ايم آر ڊي تحريڪ ۾ غلام شبير زرداري شهيد ٿي ويو هو. تعلقي دوڙ ۾ ڪلهوڙن جي دور حڪومت جو تمام وڏو عالم ابوالحسن ڏاهري ٿي گذريو آهي. هن فارسي ٻولي ۾ ڪيترائي ڪتاب لکيا آهن. ابوالحسن ڏاهري تي غلام محمد ڏاهري پي ايڇ ڊي ڪئي آهي. تعلقو دوڙ زرعي ۽ واپاري لحاظ کان ضلع جو اهم تعلقو آهي. جيڪو ٻانڌي کان 10 ڪلو ميٽر ڏکڻ طرف آهي. ريلوي اسٽيشن جي هئڻ جي ناتي پڻ اهم شهر آهي. تاريخي حوالي سان بهم جو دڙو، ابوالحسن ڏاهري جو مقام، آمر جي ڍنڍ ۽ واسي ڀٽ آهن. ڄام صاحب جي ويجهو ديهه اڪرو ۾ 50 هزار ايڪڙن ايراضي تي ننڍيون وڏيون ڍنڍون جتي وڏي تعداد ۾ واڳون ۽ ٻيا شڪار موجود آهن. تعلقي جا وڏا شهر دوڙ، سٺ ميل، ٻانڌي، بڇيري، چڪ3، 68 موري، 72 موري، گپچاڻي ۽ ڄام صاحب آهن...

دوڙ ٻانڌي ۽ بُڇيري تي اهي نالا ڪيئن پيا ڄاڻڻ لاءِ هتي ڪلڪ ڪريو

مشھور شخصيتون[سنواريو]

صحافي حوالي سان امداد سومرو، شبير پنهور، محمد حسين مري، مشهور سگهڙ يعقوب فقير ڏاهري جو تعلق دوڙ تعلقي سان آهي. مشهور صوفي راڳي فقير عبدالواحد جمالي، خادم سيال جو واسطو دوڙ تعلقي سان آهي. سياسي حوالي سانن احمد علي خان جلباڻي ڪيترائي ڀيرا سنڌ اسيمبلي ۽ صوبائي وزير رهيو آهي. ايڊووڪيٽ رحيم بخش جمالي، 1988ع ۾ پ پ جي پليٽ فارم تان صوبائي ميمبر رهي چڪو آهي. عبدالحق جمالي ضلع جو نائب ناظم ۽ هن وقت پ پ ضلع جو نائب صدر آهي. بلوچ آباد جو ڪامريڊ ڪرم علي جمالي به سياست ۾ متحرڪ ڪردار رهيو آهي. خرم يار بروهي تعلقي ناظم، باغ علي شاهه پ پ اڳواڻ سهراب مري سپاف جو مرڪزي صدر ۽ صوبائي صلاحڪار آهي. مشهور فيصلن جو امين رئيس ايوب خان رند جو تعلق به هن تعلقي سان آهي، جان محمد بروهي سنڌ اسيمبلي جو ميمبر ۽ سيد علي اصغر شاهه قومي اسيمبلي جو ميمبر رهيو آهي، ايم آر ڊي تحريڪ جو جنريل ولي محمد شاهه ، دريا خان جلباڻي، علي اڪبر جمالي، ڊاڪٽر عمر ڏاهري، چوڌري ايوب، فقير نصرت علي وسطڙو، جان محمد بروهي سنڌ اسيمبلي جو ميمبر جان محمد ڀرڳڙي، عبدالطيف عباسي تعلقي جون اهم شخصيتون آهن. علي حسن چانڊيو شاگرد اڳواڻ ۽ قومپرست سياست ۾ متحرڪ رهيو آهي. استاد حسين ڏاهري، مولوي جان محمد رحماني، مولوي عبدالرشيد ڪوري مشهور شخصيتون آهن.

ادبي حوالي سان ابوالحسن ڏاهري، امامي امام بخش زرداري، ساحل مري، حسرت شاهاڻي، رحماني خان محمد عباسي، رضا رسول بخش ڏاهري، عبدالخالق عبد، عبدالرحيم فقير ڏاهري، عنايت الله بروهي ۽ غوث محمد جيلاني آهن. مشهور ڊاڪٽرن ۾ ڊاڪٽر دولت جمالي، ڊاڪٽر امير عباسي، ڊاڪٽر عبدالرزاق راڄپر، ڊاڪٽر معشوق گورچاڻي، ڊاڪٽر محمد يوسف زرداري، ڊاڪٽر خادم ڀنگوار، ڊاڪٽر قربان کوسو، ڊاڪٽر اقبال بخشي آهن.

صحت ۽ تعليم[سنواريو]

تعلقي اندر چار آر.ايڇ.سي 8 بنيادي صحت مرڪز، ڪيتريون ئي گورنمينٽ ڊسپينسريون قحت جون سهولتون مهيا ڪري رهيون آهن. تعليمي لحاظ کان هڪ ڪاليج ڪيترائي هاءِ اسڪول، ڪيترئي پرائمري اسڪول، گرلس ۽ بوئز اسڪول تعليم ڏئي رهيا آهن. ڄام صاحب ويجهو ڪيڊٽ ڪاليج جي اسڪيم پڻ زير تعمير آهي.

معيشيت[سنواريو]

تعلقو آبادي جي لحاظ کان سرسبز شاداب آهي. هتي ڪڻڪ ڪمند ساريون ۽ ٻيا فصل اپايا وڃن ٿا. وڻج واپار جي لحاظ کان پڻ اهم تعلقو آهي ڇاڪاڻ ته ريلوي جي سهولت هئڻ ناتي پڻ واپار جو اهم ذريعو آهي. هن تعلقي جا ڪيترائي ماڻهون روزگار جي حوالي سان دبئي ۾ رهن ٿا. تعلقي ۾ بروهي، جمالي، رند، زرداري، جلباڻي، ڀرڳڙي، ماڇي، سيال، لنڊ، سيٺار، مگسي، گورچاڻي، عمراڻي، پنجابي اردو ڳالهائيندڙ ، ڇٽا، خاصخيلي ۽ ٻين ذاتين جا ماڻهو رهن ٿا. مجموعي طور وڻج واپار، زراعت ۽ سياست جي لحاظ کان اهم تعلقي جي حيثيت رکي ٿو.


يونين ڪائونسلون[سنواريو]

دوڙ جي آبادي 391150 آهي. 15 يونين ڪائونسلون ، دوڙ، ابوالحسن ڏاهري، آمرجي، سيلو، سٺ ميل، جمال شاهه، جوڙو شر، ڄام صاحب، گپچاڻي، غلام حيدر شاهه، اسماعيل بروهي، ٻانڌي، بڇيري، اوباري ساوڙي، دؤڙ تعلقي ۾ هيٺيون يونين ڪاؤنسلون آهن.

  1. آمرجي
  2. ٻانڌي
  3. سٺ ميل
  4. اوڀاري ساوڙي
  5. غلام حيدر شاهه
  6. گپجاڻي
  7. ڄام صاحب
  8. جهوڙو خان شر
  9. سهيلو
  10. جمال شاهه
  11. بڇيري
  12. ابوالحسن ڏاهري
  13. اسماعيل خان بروهي
  14. دؤڙ

درگاهون[سنواريو]

هن تعلقي ۾ هيٺيون مشهور درگاهون آهن.

  1. ابلحسن ڏاھري جو مقام ۽ درگاهه
  2. ڳاڙهو پير
  3. ڄام صاحب
  4. جمال شاهه

حوالا[سنواريو]