انڌا اونڌا ويڄ
| مصنف | رسول بخش پليجو |
|---|---|
| ملڪ | پاڪستان |
| ٻولي | سنڌي |
| موضوع | تنقيدي ادب |
| شايع ڪندڙ | اينسائيڪلوپيڊيا ڪارپوريشن حيدرآباد روشني پبليڪشن |
| صفحا | 160 |
هيءُ ڪتاب نامياري نقاد رسول بخش پليجي جو لکيل آهي. ڪرائون سائيز واري هن ڪتاب جو جلد ڪچو آهي.
ون يونٽ واري دور ۾ جڏهن جديد سنڌي ادب خلاف هڪ نهايت خطرناڪ ۽ گمراهه ڪن مهم شروع ڪئي وئي ته رسول بخش پليجي جديد ادب جي بچاءَ ۾ روزانه ”خادم وطن“ ۾ انهن جا جواب ڏنا، جيڪي بعد ۾ ڪتابي صورت ۾ ابن حيات پنهور ڇپرايا. [1]
هن ڪتاب جي سنڌي تنقيدي ادب ۾ وڏي اهميت آهي. هن ڪتاب ۾ 160 صفحا آهن ۽ قيمت 3 رپيا ڄاڻايل آهي. ڇاپو پهريون، اينسائيڪلوپيڊيا ڪارپوريشن حيدرآباد سال 1967ع ۾ ڇپرايو. هن ڪتاب جا ٻيا ڇاپا پڻ پڌرا ٿيا آهن.
ڪتاب جو نالو
[سنواريو]ڪتاب جو نالو، شاهہ عبداللطيف ڀٽائي جي شاعري جي سر ڪلياڻ جي سٽ ”اَنڌا اونڌا ويڄَ! کَلَ ڪُڄاڙئا کانئيِن؟“ مان کنيل آهي.[2]
متن
[سنواريو]ڪتاب انڌا اونڌا ويڄ، نام نهاد رجعت پرست ٽولي بابت آھي. جنهن ٽولي سنڌي اديبن ۽ شاعرن تي هٿ ٺوڪيون ڪفر جون فتوائون جاري ڪيون هيون. [3]
حوالا
[سنواريو]- ↑ سنڌيانا, انسائيڪلوپيڊيا. "انڌا اونڌا ويڄ". encyclopediasindhiana.org. انسائيڪلوپيڊيا سنڌيانا. حاصل ڪيل 7 June 2018.
- ↑ "سُر ڪلياڻ". bhurgri.com. حاصل ڪيل 7 June 2018.
- ↑ منگي, عرفان. "سنڌ کي رسول بخش پليجي جو جنم ڏينهن مبارڪ". awamiawaz.com. عوامي آواز. حاصل ڪيل 7 June 2018.