احمد فراز
احمد فراز | |
---|---|
(اردو ۾: احمد فراز) | |
معلومات شخصيت | |
ڄم | 12 جنوري 1931 ڪوھاٽ |
موت | 25 آگسٽ 2008 (77 سال) اسلام آباد |
مدفن | پاڪستان |
شھريت | پاڪستان برطانوي راڄ |
عملي زندگي | |
مادر علمي | University of Peshawar |
پيشو | شاعر[1]،ليکڪ |
ڪم جي ٻولي | اردو |
اعزازات | |
ترميم |
اردو زبان جي نامياري شاعر احمد فراز، 1931ع ڌاري ڪوهاٽ ۾ جنم ورتو. هن کي شاعري ورثي ۾ ملي هئي. سندس والد سيد محمد شاهه ’برق‘ اردوءَ ۽ فارسيءَ جو سٺو شاعر هو. احمد فراز اردوءَ ۽ فارسيءَ ۾ ايم .اي جون ڊگريون حاصل ڪيون. هن ايڊورڊ ڪاليج پشاور ۾ تعليم حاصل ڪرڻ دوران ريڊيو پاڪستان لاءِ فيچر لکيا. بي. اي ۾ پڙهندو هو ته ان وقت سندس شاعريءَ جو پهريون مجموعو ”تنها تنها“ شايع ٿيو. تعليم پوري ڪرڻ کان پوءِ ريڊيي سان معاهدو ختم ڪري، يونيورسٽيءَ ۾ ليڪچرر مقرر ٿيو. ملازمت دوران سندس شاعريءَ جو ٻيو مجموعو ’درد آشوب‘ شايع ٿيو، جنهن تي کيس ’آدمجي ادبي اوارڊ‘ مليو. يونيورسٽيءَ جي ملازمت کان پوءِ پاڪستان نئشنل سينٽر پشاور جو ڊائريڪٽر مقرر ٿيو. 1976ع ڌاري اڪادمي ادبيات پاڪستان جو پهريون سربراهه مقرر ٿيو. جنرل ضياءُ الحق جي مارشل لا دوران سياست کان الڳ ٿي ويو. زندگيءَ جي آخري دور ۾ پاڻ اسلام آباد جي لوڪ ورثه نالي اداري جو سربراهه به ٿيو. احمد فراز غزل ۽ نظم جو تمام وڏو شاعر هو. هن شاعريءَ جي انهن ٻنهي صنفن ۾ جديد رنگ ڀريو. هن وقت تائين سندس شاعريءَ جا ڪيترائي مجموعا شايع ٿي چڪا آهن، جن مان ڪن جا نالا هي آهن: ’تنها تنها مين‘ (1958ع)، ’درد آشوب‘ (1966ع)، ’جان جانان‘ (1976ع)، ’نابينا شهر مين آئينه (1984ع)‘ ’بي آواز گلي کو چون مين (1882ع)‘. ان کان سواءِ سندس نظم سويڊن، يوگوسلاويه ۽ هالئنڊ ملڪن جي زبانن ۾ ترجمو ٿي ڇپجي چڪا آهن. سندس شاعريءَ جو انتخاب انگريزيءَ ۾ ترجمو ٿي ’ونڊ ان دي ولڊرنيس‘ عنوان سان ڇپجي چڪو آهي. نوجوانن ۾ مقبول هن شاعر جي وفات جولاءِ 2008 ۾ شڪاگو جي هڪ اسپتال ۾ ٿي. کيس اسلام آباد ۾ دفنايو ويو.[2]
حوالا[سنواريو]
- ↑ Library of Congress authority ID: https://id.loc.gov/authorities/n82098880 — خالق: Library of Congress
- ↑ http://encyclopediasindhiana.org/article.php?Dflt=احمد%20فراز</ref Ahmad Faraz - Wikipedia
- وڪي ڊيٽا جي مواد جو استعمال ڪرڻ وارو صفحات
- 1931ع جون پيدائشون
- 12 جنوري جون پیدائشون
- 2008ع جون وفاتون
- 25 آگسٽ جون پیدائشون
- مادر علمي وڪي ڊيٽا مان اخذ ٿيل
- صفحات مع وڪي ڊيٽا حوالو
- ڪم جي ٻولي وڪي ڊيٽا کان ماخذ
- اعزاز وڪي ڊيٽا مان اخذ ٿيل
- اردو شاعر
- پاڪستاني اردو شاعر
- نگار اعزاز کٽيندڙ شخصيتون
- ويهين صدي جا شاعر
- ويهين صدي جا پاڪستاني شاعر