چڪوري

چڪوري Chakori
پيدائش	چڪوري بيگم حيدرآباد
پيشو	فلم ناٽڪڻ (اداڪارڻ)
سَرگَرمُ سالَ	1960
جيون ساٿي	مشتاق چنگيزي

چڪوري (اداڪـاره) سـنڌي، پـنجـابـي ۽ اردو فـلمـن جي مشهور اداڪاره، پورو نالو چڪوري بيگم، 1960ع ڌاري حيدرآباد جي مشهور رقاصه ثريا جي گهر ڄائي. سندس خاندان موجب هيءَ گجرات ۾ ڄائي هئي

مادري ٻولي

سندس مادري زبان پنجابي هئي.

پهرين فلم

محموب مٺا چڪوري جي پهرئين فلم هئي ’محبوب مِٺا‘ جيڪا 1971ع ۾ ٺهي. جنهن جو فلمساز جي. ايس. گورچاڻي ۽ هدايتڪار اي. ڪيُو. پيرزادو هو. هن فلم ۾ سائيڊ هيروئن جو ڪردار ادا ڪيو هو.

گھرو زندگي

بابو ڀائيءَ جي فلم ’پيار تان صدقي‘ دوران سندس ملاقات مشتاق چنگيزيءَ سان ٿي ۽ پنهنجي ماءُ ثريا جي مخالفت جي باوجود عدالتي پرڻو ڪيائين. جڏهن هي جوڙو لاهور ويو، ته ڪجهه عرصي بعد سندن علحدگي ٿي وئي. چڪوريءَ جي ٻي شادي هدايتڪار ڪيفي سان ٿي.

فلمون

هن جون سنڌي فلمون: ’جيجل ماءُ‘، ’پيار ڪيو سينگار‘، ’سوڍا پُٽ سنڌ جا‘، ’منهنجو پيار پُڪاري‘، ’سنڌڙيءَ تان صدقي‘، ’اچ ته ڀاڪر پايون‘ ۽ ’رت ۽ اجرڪ‘ مشهور ٿيون. سندس اردو ۽ پنجابي فلمن ۾: ’مولا جٽ‘، ’هيرا ڦيري‘، ’ڪونج‘، ’ٽڪراءُ‘، ’دنگل‘، ’پرمٽ‘، ’بدمعاشي بندا‘ وغيره ڪامياب فلمون ڳڻي سگهجن ٿيون. جن اداڪارن سان هن ڪم ڪيو، تن ۾: مشتاق چنگيزي، ڪيفي، سلطان راهي، مصطفيٰ قريشي، بدر منير، شاهد، محمد علي، يوسف خان، محي الدين، انجمن، صائمه، راني، آسيه، نغمه ۽ عاليه خان اچي وڃن ٿا.

وفات

چڪوري، 2 نومبر 2010ع تي لاهور ۾ گذاري وئي ۽ اتي ئي دفن ٿيل آهي.