ٻيڙو چانڊيو
| ٻيڙو چانڊيو يو سي 15 ٻيڙو چانڊيو | |
|---|---|
| يونين ڪاؤنسل، ديھ ۽ ننڍو شھر | |
| لاڙڪاڻي تعلقي جي يو سي 3 | |
  ٻيڙو چانڊيو  ٻيڙو چانڊيو | |
| جاگرافي بيهڪ: 27°34′23″N 68°06′32″E / 27.57306°N 68.10889°E | |
| ملڪ |  پاڪستان |
| صوبو | سنڌ |
| ضلعو | لاڙڪاڻو ضلعو |
| تعلقو | لاڙڪاڻو تعلقو |
| آبادي (2017) | |
| • ڪل | 14,371 |
ٻيڙو چانڊيو (انگريزي: Bero Chandio) سنڌ جي ضلعي لاڙڪاڻي جي ھڪ يونين ڪائونسل جو نالو آهي جيڪا لاڙڪاڻي تعلقي ۾ واقع آهي. ان کي تعلقي لاڙڪاڻي جي يو سي 3 پڻ چوندا آهن. ان جي ڪل آبادي 14,371 آهي[1]. ھن يونين ڪاؤنسل ۾ ديھ ٻيڙو چانڊيو سميت مختلف ديھون آھن جن مان ديھ ٻيڙو چانڊيو جي آبادي 10,367 آھي. ان ديھ ۾ واقع ٻيڙو چانڊيو ھڪ ننڍڙو شھر آهي ۽ ان يو سي جو صدرمقام آھي جيڪو لاڙڪاڻي قمبر روڊ (اين 455) تي واقع آھي. ان شھر ۾ ھڪ ريلوي اسٽيشن پڻ آهي، جيڪا گھڻي عرصي کان بند آھي. ھن يو سي جي حدن م رھندڙ آبادي ۾ جاگيراڻي، چانڊيا، عباسي، ڪلھوڙا، سومرا، ڊکڻ، بروھي ۽ ٻيا شامل آھن. ھن يو سي جي علائقن ۾ ديھ ٻيڙو چانڊيو ، ديھ چاڪر علي (آبادي 4،004) جنھن ۾ ڳوٺ چاڪر علي واقع آهي، ٺارو خان جاگيراڻي، ڳوٺ مبارڪ چانڊيو ۽ ٻيا شامل آهن.
ڪائونسل
[سنواريو]يونين ڪاؤنسل جو عملدار يو سي سيڪريٽري آھي جيڪو آفيس جو سمورو رڪارڊ رکندو آهي ۽ دفتري پيش رفت ڪندو آهي. ھن ڪائونسل جا چار جنرل ڪائونسلر آھن جن جي سڌي چونڊ ٿيندي آهي. ڪائونسل شادي يا نڪاح جي رجسٽريشن ، ڄمڻ ۽ مرڻ جي رجسٽريشن جو رڪارڊ رکندي آھي. 2015 جي بلدياتي اليڪشن م ھن يو سي مان چيئرمين محب علي ۽ وائيس چيئرمين امتياز علي جاگيراڻي چونڊجي آيا جن جو تعلق پاڪستان پيپلزپارٽي ورڪرز سان ھيو[2]..ڪائونسل جي ڊسٽرڪٽ ڪائونسل ۾ نمائندگي لاء ڊسٽرڪٽ ڪائونسل جو ھڪ علحده ميمبر سڌي ريت چونڊيو ويندو آهي. ھن ڪائونسل مان 2015 جي بلدياتي اليڪشن م ڳوٺ ٺارو خان جاگيراڻي جو محب علي ڊسٽرڪٽ ڪائونسل لاءِ ھن ڪائونسل مان ميمبر چونڊيو ويو جيڪو پاڪستان پيپلزپارٽي جو اميدوار ھيو
تعليم ۽ صحت جون سهولتون
[سنواريو]ھن ڪائونسل جي ڳوٺن ۾ پرائمري، مڊل ۽ سيڪنڊري تعليم جي سھولت ميسر آهي. ھائر سيڪنڊري ايجوڪيشن لاء ڪوبه تعليمي ادارو ڪانہ آھي. صحت لاءِ ھتي رورل هيلٿ سينٽر ۽ ھڪ بنيادي صحت مرڪز واقع آھن.
ڪائونسل جي بجيٽ ۽ ترقياتي ڪم
[سنواريو]ڪائونسل ۾ آبادي ۽ سھولتون
[سنواريو]ھتي پيئڻ لاء رڳو جر جو پاڻي ميسر آهي. ھن يو سي جون زرعي زمينون اپت واريون، زرخيز ۽ آباد آھن. شھر جي پسگردائيءَ ۾ سارين جا ڪارخانا ، شھر م يونائيٽيڊ بئنڪ جي ھڪ شاخ پڻ واقع آھن.