نندو شھر
| نندو شھر | |
|---|---|
| شھر يونين ڪائونسل | |
| Nindo Shahr | |
  نندو شھر | |
| جاگرافي بيهڪ: 24°38′20″N 69°02′25″E / 24.63889°N 69.04028°E | |
| ملڪ |  پاڪستان |
| صوبو | سنڌ |
| ضلعو | بدين ضلعو |
| آبادي (2012) | |
| • ڪل | 4,000+ |
نندو شھر(انگريزي: Nindo Shahr ) پاڪستان جي صوبي سنڌ جي ضلعي بدين جي تعلقي بدين جو ننڍڙو شھر ۽ يونين ڪاؤنسل آهي. ھي شھر بدين نئون ڪوٽ روڊ تي واقع آھي. ضلعي صدر مقام: بدين شھر کان 22 ڪلوميٽر ۽ ٽنڊو باگو کان 19 ڪلوميٽرن جي فاصلي تي آھي. شھر جي آبادي ٻہ ھزار تائين آهي ۽ يونين ڪاؤنسل جي آبادي اٽڪل ڏھ ھزار آھي. نندو شھر بدين شھر جي ڏکڻ اوڀر ۾ واقع آهي. ھن يونين ڪاؤنسل جي اولھ ۾ ,ڳوٺ عبدالله شاھ، ڏکڻ اوڀر م مٺي 111، اوڀر ۾ کوسڪي، اتر ۾ ڳوٺ پھاڙ مري واقع آهي. ھن شھر ۽ يونين ڪائونسل جي حدن ۾ رھندڙ ذاتين ۽ قبيلن ۾ عباسي، ابڙا، بجيج، ڀيل، چانڊيا، ڇلگري، فاروقي، حجم، جمالي، ڪڙيا، خاصخيلي، کٽي، خواجه، ڪولھي، ڪنڀر، لوھار، ملاح، ميگھواڙ، ميمڻ، مڱڻهار، مراداڻي، نوھريا، پنھور، پنجابي، قاضي، شيدي، شڪاري، سومرا، وانريا، وڌ شامل آهن[1].
آبادي
[سنواريو]1998 ۾ نندو يونين ڪائونسل جي آدمشماري 24،275 ھئي، 2003 ۾ وڌي 27366 ٿي وئي جيڪا 4561 گھرن ۾ رھندڙ آھي. ڪل آبادي جي سراسري مطابق في گھر م ڇھ ڀاتي رھندڙ آھن.جن مان 2003 جي رپورٽ مطابق 94 سيڪڙو گھر ڪچا آھن. ماڻھن جو معيار زندگي ڪريل آھي ۽ اڪثريت ۾ آبادي غربت جي لڪير ھيٺ زندگي گذاريندڙ آھي.
يونين ڪائونسل جون ديھون
[سنواريو]ھن يونين ڪائونسل ۾ 10 ديھون ۽ 73 ڳوٺ واقع آھن[2]. ديھن جا نالا ھيٺ ڏجن ٿا:
- نندو شھر ديھ
- سيالڪي ديھ
- گجو ديھ
- پنھوارڪي ديھ
- دستي ديھ
- کاکر ديھ
- خالصو ديھ
- مورکا ديھ
- انگري ديھ
- ڀنڀڪي ديھ
معيشيت
[سنواريو]نندو يونين ڪائونسل جي معيشت زرعي آھي. اڪثر آبادي ٻھراڙيءَ ۾ رھي پئي. نندو شھر م 6 سارين جي ڇڙائي جا ڪارخانا جن ۾ قاضي رائس مل، جعفري رائس مل، احمد رائس مل، خاصخيلي رائيس مل، حيدر رائس مل ۽ ميمڻ رائس مل شامل آهن. ۽ 15 اٽي جون ملون آھن. 3 سيڪڙو آبادي ڌنڌن سان تعلق رکندڙ ۽ 12 سيڪڙو شھري مزدور آھن. ھتان جي زرعي زمينن کيڦليلي ڪئنال مان نڪرندڙ علي واھ آباد ڪري ٿو. ھن يونين ڪائونسل م سڀ کان گھڻو ڪمند جو فصل ٿئي ٿو. ان کان علاوه ساريون، جوئر، ٽماٽي، مرچن جا فصل پڻ ٿين ٿا. ڪڻڪ جي پوک ھتي تمام گھٽ ٿئي ٿي. زرعي معيشت م جيڪي ڪمزوريون آھن تن م زراعت بابت تعليم ۽ مھارت جي ڪمي، آبپاشيءَ واري پاڻي جي کوٽ، ڪمزور مارڪيٽي نظام، سرمايي ۽ قرضن جي سھولت جو فقدان، خريداري جي سھولت جي کوٽ ۽ زرعي زمينن کان مارڪيٽ جي رسائي لاءِ مناسب روڊن جو بندوبست نہ ھجڻ آھي. 2013 م ھن يونين ڪائونسل ۾ چوپائي مال جو تعداد 9015 ھو جن ۾ مينھون، ڳئون، ٻڪريون، رڍون وغيره شامل ھيون[3].
تعليم
[سنواريو]نندو شھر ۾ ھڪ انٽرميڊئيٽ ڪاليج ۽ ٻہ ھاء اسڪول موجود آهن جن مان ھڪ ڇوڪرن لاء ۽ ٻيو ڇوڪرين لاء آھي[4].