منظور ڪالوني ٽو
| منظور ڪالوني ٽو | |
|---|---|
| سنڌ جي جي يونين ڪاميٽي | |
| يو سي 6 منظور ڪالوني 2 | |
  منظور ڪالوني ٽو  منظور ڪالوني ٽو | |
| جاگرافي بيهڪ: 24°50′41″N 67°05′21″E / 24.84472°N 67.08917°E | |
| ملڪ |  پاڪستان |
| صوبو | سنڌ |
| ضلعو | ڪراچي اوڀر ضلعو |
| تعلقو | فيروز آباد سب ڊويزن |
منظور ڪالوني 2(انگريزي: Manzoor Colony 2 ) ڪراچي ايسٽ ضلعي جي ھڪ يونين ڪاميٽي جو نالو آهي جيڪا ان ضلعي جي تعلقي فيروز آباد سب ڊويزن ۾ واقع آهي. ان جي اتر ۾ يو سي منظور ڪالوني 1 ۽ اوڀر ۾ اختر ڪالوني ۽ اولھ م بلوچ ڪالوني روڊ ۽ ڏکڻ ۾ مين ڪورنگي روڊ واقع آهي. 2013 کان اڳ ان جو درجو جمشيد ٽائون جي يونين ڪاؤنسل نمبر 2 ۽ ان جو نالو منظور ڪالوني ھيو. 2013 ۾ ان کي ٻن حصن ۾ ورھائي انھن ۾ ٻيا علائقا شامل ڪري ٻہ يونين ڪاميٽيون ٺاهيون ويون جن م ھڪ منظور ڪالوني 1 ۽ ٻي منظور ڪالوني 2 شامل آھن جن کي فيروز آباد جي نالي سان نئين قائم ٿيل تعلقي ۾ شامل ڪيو ويو. ھن ڪالوني م پنجابي ۽ اردو ڳالهائيندڙن کان سواءِ سنڌي، پٺاڻ، سرائڪي ماڻھو رھندڙ آھن. 2015 جي بلدياتي اليڪشن م ھن يو سي م چيئرمين جي سيٽ تي محمد نواز اولوخ چونڊجي آيو ۽ وائيس چيئرمين جي سيٽ تي محمد نديم چونڊجي آيا. ٻنھي جو تعلق ڪنھن بہ سياسي پارٽي سان نہ ھيو ۽ آزاد اميدوار ھيا[1]. ھن يو سي ۾ زيادہ تر غريب آبادي رھندڙ آھي. پکيڙ جي لحاظ کان ھتي آبادي گھاٽي آھي ان ڪري ھتي گھر ننڍڙا ۽ گھٽيون سوڙھيون آھن. ھن يو سي ۾ رھائشي منصوبه بندي جو فقدان رھيو آھي. ھن ڪالوني مان مصطفي روڊ، علامه اقبال روڊ ۽ بلوچ ڪالوني روڊ گذرن ٿا. ھن يو سي ۾ ڪشمير ڪالوني، جوڻيجو ٽائون ۽ رحمان ڪالوني، بلوچ ڪالوني پوليس اسٽيشن، فيملي پارڪ جوڻيجو ٽائون ۽ ڊفينس ويو واقع آھن جتي اقرا يونيورسٽي، اڪيڊمي ڊفينس ويو ڪيمپس، ايڪسپريس نيوز ٽي وي جي آفيس، ڪرسچين گريويارڊ، سنڌ رزرو پوليس آفيس، امتياز مارڪيٽ ڊفينس ويو پڻ واقع آهن.