ملير ضلعو

Malir Cantonment سان ڀل نہ کائو.

ملير ضلعو ضلع ملیر
ضلعو
مٿيان: چوکنڊي قبرستان هيٺيان: ڪيرٿر نيشنل پارڪ
مہر
ملير ضلعي جو نقشو
ملڪ	پاڪستان
صوبو	سنڌ
ڊویزن	ڪراچي ڊويزن
هيڊ ڪوارٽر	ملير
قومي اسيمبلي جا تڪ	اين اي-229 (ڪراچي ملير-1) اين اي-230 (ڪراچي ملير-2) اين اي-231 (ڪراچي ملير-3)
قائم ٿيو	1996ع
ختم ڪيو ويو	2001ع
بحال ٿيو	11 جولائي، 2011ع
انتظاميه	ڊي سي آفيس، ملير
انتظامي سب ڊويزن/ٽائون	06 ايئرپورٽ سب ڊويزن ابراهيم حيدري سب ڊويزن بن قاسم سب ڊويزن شاهه مريد سب ڊويزن گڏاپ سب ڊويزن مراد ميمڻ سب ڊويزن
حڪومت
• قسم	ضلعي انتظاميه
• مجلس	ڪراچي حڪومت
• ڊپٽي ڪمشنر	عرفان سليم ميرواڻي
پکيڙ
• ضلعو	2,160 ڪ.م2 (830 ميل2)
آبادي (2023ع)
• ضلعو	2,419,736

ملير ضلعو (اردو: ضلع ملير) پاڪستان جي صوبي سنڌ جي ڪراچي ڊويزن جو ھڪ ضلعو آھي جيڪو سال 1996ع ۾ ڪراچي اوڀر ضلعي (هاڻي گلشن ضلعو) کي ورهائي ٺاهيو ويو هو. سال 2023ع جي آدمشماري جي مطابق، ضلعي ملير جي آبادي 24,19,736 آهي.

تاريخ

ملير هڪ سنڌي لفظ آهي جن جو معنيٰ "سائو" (Greenery) آهي. پاڪستان جي آزادي کان اڳ، جديد ڪراچي جي گڊاپ ٽائون ۽ ملير ٽائون ۾ سنڌي ۽ ڪلمتي بلوچن جا ننڍا ڳوٺ هئا. هاڻي ٻئي ٽائون شهر جي پکيڙ جي ڪري شهر جي مضافات طور ترقي ڪري چڪا آهن.

ٻهراڙي

تاريخ ۾ ملير کي ان جي کليل ماحول ۽ سرسبز فارمن جي ڪري ڪراچي شهر جو ٻهراڙي سمجهيو ويندو هو، پر هاڻي اها ٻهراڙي وارا علائقا نه رهيا آهن.

زرعي زمين

ملير ڪڏهن پنهنجي ميون ۽ ڀاڄين جي فارمن لاءِ مشهور هو؛ پر، هاڻي زميني پاڻي جي سخت کوٽ سبب، اهي زرعي زمينون رهائشي علائقن ۾ تبديل ٿي رهيون آهن، جنهن ڪري شهري آبادڪاري ۽ ماحولياتي تباهي وڌي رهي آهي. سوسائٽي فار ڪنزرويشن اينڊ پروٽيڪشن آف انوائرمينٽ (SCOPE) ملير ضلعي ۾ خشڪي ۽ ريگستاني ٿيڻ بابت پريشان آهي ۽ ملير ۽ ان جي معاون ندين جي خشڪ دريائن جي بسترن ۾ غير قانوني ريتي ۽ بجري جي کوٽائي (Mining) جي خلاف مهم شروع ڪئي آهي. ريتي ۽ بجري جي کوٽائي زميني پاڻي کي گهٽ ڪرڻ جو سبب بڻجندي آهي، ڇاڪاڻ ته برساتي پاڻي آبي ذخيري ۾ نه ٿو وڃي سگهي. SCOPE خشڪي متاثر ڳوٺاڻن علائقن ۾ برساتي پاڻي جا ذخيرا ٺاهي رهيو آهي.

انتظامي حيثيت

ملير ضلعي ۽ هن جي 6 سب ڊويزن جو نقشو

ملير ضلعو سال 1996ع ۾ ڪراچي اوڀر ضلعي کان ڌار ڪري قائم ٿيو ۽ سال 2001ع شهري حڪومت واري نظام ۾ ختم ڪيو ويو ۽ ٽن ٽائون؛ ملير ٽائون، بن قاسم ٽائون ۽ گڏاپ ٽائون ۾ ورهايو ويو. 11 جولاءِ 2011ع تي، سنڌ حڪومت ملير ضلعي کي ٻيهر بحال ڪيو. سال 2022ع ۾، لوڪل اليڪشن ايڪٽ -2022ع (ترميم ٿيل) جي تحت، ملير ضلعي کي ٽن "ٽائون ميونسپل ڪارپوريشن"؛ ملير ٽائون، گڊاپ ٽائون ۽ ابراهيم حيدري ٽائون ۾ ان جي چونڊيل چيئرمين ۽ هڪ وائيس چيئرمين جي سربراهي ۾ ورهايو ويو ۽ 6 سب ڊويزنون پڻ آهن:

• ايئرپورٽ سب ڊويزن
• ابراهيم حيدري سب ڊويزن
• بن قاسم سب ڊويزن
• شاهه مريد سب ڊويزن
• گڏاپ سب ڊويزن
• مراد ميمڻ سب ڊويزن

هر سب ڊويزن جي سربراهي هڪ اسسٽنٽ ڪمشنر ڪندو آهي.

آباديات

سال 2023ع جي پاڪستاني آدمشماري جي مطابق، ملير ضلعي ۾ 4,21,426 گهر ۽ آبادي 24,32,248 آهي. جنس جو تناسب 112.70 مردن جي مقابلي ۾ 100 عورتن جو آهي ۽ خواندگي جي شرح %63.14 آهي، مردن لاءِ %67.74 ۽ عورتن لاءِ %57.84 جي شرح آهي. سروي ڪيل آبادي ۾ 6,24,172 (%25.8) 10 سالن کان گهٽ عمر وارا آهن.11,66,340 (%47.95) جي آبادي شهري علائقن ۾ رهئي ٿي.

ملير ضلعي ۾ سال 2023ع ۾ مذهبي تناسب
مذهب			سيڪڙو
اسلام			96.45%
عيسائيت			1.82%
هندو مت			1.66%
ٻيا			0.07%

آبادي جي اڪثريت (%96.45) جو مذهب اسلام آهي، عيسائيت جا پيروڪار %1.82 ۽ هندو مت (شيڊيول ڪاسٽ سميت) جا پيروڪار آبادي جو %1.66 آهن.

ٻوليون

Languages of Malir district (2023)

  Sindhi (34.98%)

  Pashto (17.71%)

  Balochi (7.88%)

  Punjabi (9.94%)

  Urdu (15.79%)

  Hindko (5.69%)

  Saraiki (3.22%)

  Others (4.79%)

سال 2023ع جي آدمشماري جي وقت، آبادي جو %34.98 سنڌي، %17.71 پشتو، %15.79 اردو، %9.94 پنجابي، %7.88 بلوچي، %5.69 هندڪو ۽ %3.22 سرائيڪي پنهنجي پهرين ٻولي طور ڳالهائيندا هئا.

پڻ ڏسو

• پاڪستان جون ڊويزنون
• سنڌ جون ڊويزنون
• سنڌ جا ضلعا
• سنڌ جا تعلقا
• ڪراچي جا ٽائون

ڪراچي ڊويزن جا ضلعا (گلابي رنگ م ملير ضلعو آهي.