لنواري شريف

لواري شريف
شھر يونين ڪائونسل
لواري شريف سنڌ ۾ مقام
جاگرافيائي بيھڪ : 24°33′N 68°54′E
ملڪ	Pakistan
صوبو	سنڌ
ضلعو	بدين ضلعو
آبادي
• ڪثافت	auto في چورس ڪلوميٽر
وقتي علائقو	UTC+5 (پاڪستان جو معياري وقت )

لواري شريف يا لنواري شريف(انگريزي: Luari Sharif ) پاڪستان جي صوبي سنڌ جي ضلعي بدين جو ھڪ شھر آھي جتي سلطان الاولیاہ ۽ قدس سرہ طور سڃاتو ويندڙ خواجه محمد زمان لنواري جي درگاھ واقع آھي. ھي شھر بدين شھر کان 13 ڪلوميٽرن جي فاصلي تي واقع آھي. لواری شریف شھر جو بنیاد خواجہ محمد زمان قدس سرھ سن 1150ھ مطابق 1743ع ۾ رکیو.خواجہ صاحب نقشبندی سلسلی جو مشھور صوفی شاعر ۽ روح روان ھيو لواری شریف شھر جی آبادی اندازی موجب 6 کان 8 هزار آهى۔

لواري شريف جي درگاهه بدين شهر کان لڳ ڀڳ 15 ڪلوميٽر پري، سيراني روڊ ۽ آرمي شوگر ملز واري رستي تي واقع آهي۔ درگاهه جو مجموعو هڪ مضبوط قلعي نما ڀت سان گهيريل آهي، جنهن جو مکيه دروازو ڪاٺ جو ٺهيل آهي۔ ملڪيت بابت وارثن وچ ۾ تڪرار سبب 1980ع واري ڏهاڪي کان درگاهه عام زائرين لاءِ بند آهي ۽ مکيه دروازي ٻاهران مستقل پوليس چوڪي قائم ڪئي وئي آهي۔ درگاهه جي نگراني اوقاف کاتو ڪري ٿو۔ ڊگهي عرصي کان بند رهڻ سبب خواجه محمد زمان جي مکيه مزار ۽ ٻين تاجرن (گنبذن وارن ڪمرن) جي سار سنڀال سخت متاثر ٿي آهي؛ 2011ع جي تيز برساتن دوران درگاهه جو هڪ مينارو پڻ ڊهي پيو۔ ماضي ۾ ڪجهه جانبدار ميڊيا رپورٽن ۾ درگاهه جي مريدن تي احاطي اندر حج ادا ڪرڻ جو الزام لڳايو ويو، جنهن کي درگاهه جي منتظم سڪندر جمالي سختي سان رد ڪيو ۽ واضح ڪيو ته درگاهه جا پيروڪار مسلمان آهن ۽ حج صرف ڪعبه تي ئي ادا ڪيو وڃي ٿو۔ زائرين درگاهه تي حاضري ڀرڻ وقت گڏجي دعا جا ڪلمات پڙهن ٿا ۽ قرائت کان اڳ لازمي طور تي ٽوپي يا چادر سان سر ڍڪين ٿا۔

حضرت عبداللطيف المعروف ڌير ڌڻي (والدِ خواجه محمد زمان لنواري) جي قبر مکيه درگاهه کان لڳ ڀڳ 5 ڪلوميٽر اتر طرف سم نالي جي ساڄي ڪناري تي واقع آهي۔ قبر کي لوڙھو لڳل آهي، پر ان تي ڪو گنبذ يا ڇت موجود ناهي ۽ اها مٽيءَ جي دڙي تي قائم آهي۔

يونين ڪائونسل

ھي شھر يو سي لنواري شريف جو صدر مقام پڻ آهي. ھن يو سي ۾ ڪيترائي ڳوٺ آهن جن ۾ ڳوٺ خان صاحب عبدالرحمان, ڳوٺ پير محمد صادق قریشی, ڳوٺ گل محمد ٿيٻو، ڳوٺ ٻانھو ڪوريجو، ڳوٺ ولي داد اھير، ڳوٺ روشن آباد ۽ ڳوٺ نورمحمد ڪوريجو شامل آهن۔