غازي شاهه جو دڙو

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
غازي شاهه جو دڙو

غازي شاهه جو دڙو انگريزي (Ghazi Shah-Jo-Daro) سنڌ جي دادو ضلعو، جوهي تعلقو ۾ هڪ قديم تاريخي ماڳ آهي جيڪو پير غازي عرف عام سيد گاجي شاهه جي مزار کان ٻه ڪلوميٽر اوڀر طرف ڌؤنڪ ماٿريءَ ۾ نئي نئيگ جي ڪناري تي موجود آهي. هن ماڳ کي مقامي طور ماڙيکڙ دڙو يا پيارو جي ماڙي سڏيو وڃي ٿو. هيءُ ماڳ برطانوي هندستان جي ماهر کوجنيڪ اين. جي. مجمدار 1926ع کان 1929ع تائين سنڌ ۾ کوجنا ڪندي ڳولي لڌو ۽ ان کي پنهنجي ڪتاب ايڪسپلوريشنس اِن سنڌ ۾ غازي شاهه يا غازي شاهه دڙو جي نالي سان درج ڪيائين. بعد ۾ ڊاڪٽر لوئس فليم ۽ تاج صحرائي پڻ ڪم ڪيو. هن دڙي مان آمري، هڙاپا ۽ موهن جي دڙي جي آثارن سان گڏ ڪنجهي يا ٽامي جي دورجي آثار ڳولي لڌا ويا آهن. مجمدار هن دڙي کي ڪنجهي جي دؤر کان اڳ جو ڄاڻايو آهي.[1] [2][3]

حوالا[سنواريو]