عبدالرحيم گرهوڙي

کليل ڄاڻ انسائيڪلوپيڊيا، وڪيپيڊيا مان
ڏانھن ٽپ ڏيو: رھنمائي, ڳولا

شيخ عبدالرحيم گرهوڙي (Abdul Raheem Girhorri) سنڌ جو صوفي بزرگ، ليکڪ ۽ شاعر ٿي گذريو آهي.

مختصر احوال[سنواريو]

شيخ عبدالرحيم گرهوڙي، ذات جو مڱريو، سلطان الاولياء خواجه محمد زمان لنواريءَ واري جو وڏو خليفو هو. زماني جي عجائبن ۽ بي نظير هستين مان ٿي گذريو آهي. ننڍي هوندي کان ئي پڙهڻ جو شوق هوندو هوس ۽ ايتري قدر علمي تجربو حاصل ڪيو جو سڄي سنڌ ۾ ملتان کان ويندي ٺٽي تائين جهڙس عالم ڪو نه هو. منقول توڙي معقول ۾ اعلي درجي جي مهارت هيس ۽ مباحثي ۽ مناظري ۾ ايڏو ته دسترس هوس جو ڪو به عالم مڃائي نه سگهندو هوس، فقهه جي ميدان ۾ جهڙي تهڙي کي ڪين مڃيندو هو ۽ هميشه پنهنجي اجتهاد تي هلندو هو،

ولادت[سنواريو]

گرهوڙي صاحب جي ڄم جي تاريخ پوري نموني خبر ناهي، پر جنهن صورت ۾ سندس شهادت سن ۱۱۹۲ هجري / 1139 عيسوي ۾ واقع ٿي ۽ ان وقت سندس عمر چاليهه سال هئي، تنهن صورت ۾ خيال آهي ته سندس ولادت سن ۱۱۵۲ هجري / 1778 عيسوي ۾ ٿي. ڪٿي ڄائو ڪٿي نپيو تنهن جو به پورو پتو ڪو نه ٿو پوي، ٻڌ سڌ مان ڄاڻ ملي ٿي ته سندس جنم خيرپور رياست جي مشهور شهر راڻي پور ۾ ٿيو هوندو. سندس والد جو نالو سعدالله هو، ان کان وڌيڪ ٻيو ڪو احوال ڪو نه ٿو ملي. سندس ماءُ سندس لاڏاڻي تائين تائين جيئري هئي. ڊاڪٽر نبي بخش خان بلوچ جي هڪ انگريزي مقالي مان ملي آهي ته بزرگ گرهوڙي کپري تعلقي جي ڳوٺ واڙ ۾ ڄائو هو.

عبدالرحيم گرهوڙي جون اڳڪٿيون[سنواريو]

پنڌ کٽندا، سنگ ٽٽندا، مند نه وسندا مينهن،
ادب ويندو، حيا ويندو، لڄ نه رهندي ليهه،
راجا راڪاس ٿيندا، گولا پيئندا گيهه،
تون آهين ته شينهن پر؛ تو کي سلام ڪرڻو پوندو سهي کي.

[1]


پڻ ڏسندا[سنواريو]

حوالا[سنواريو]

[1]

[2]

  1. ۱. شيخ عبدالرحيم گرهوڙيء جو ڪلام ، ليکڪ: ڊاڪٽر عمر بن محمد دائودپوٽو
  2. ۲. مداحون ۽ مناجاتون مصنف، ڊاڪٽر نبي بخش خان بلوچ