سوفيا
| صوفيا | ||
 |
| |
| ڏيھ: | بلغاريا | |
| پکيڙ: | 1,349 ڇورس ڪلوميٽر | |
| آبادي: | 1,404,929 | |
 |
| |
سوفيا،/ صوفيا بلگاريا جو سڀ کان وڏو شھر ۽ انھيءَ ڏيھَ (بلگاريا) جو راڄڌاني آھي. ھي شهر ملڪ جي الهندي حصي ۾ ويٽوشا جبل جي ڀرسان موجود آهي.
بالڪن (يا، بلقان) جي مرڪز ۾ ھجڻ ڪري، اهو ڪارو سمنڊ (بليڪ سي) ۽ ايڊريئٽڪ سمنڊ جي وچ ۾، ۽ ايجيئن سمنڊ ڀرسان موجود آھي.[1][2]
صوفيا يورپي يونين ۾ 13 هين وڏو شهر آهي. ان شھر جي چئني پاسي کان جبل آهن، جھڙوڪ ڏکڻ پاسي ويتوشا، اولھائون پاسو کان ليولين جبل ۽ اُتر طرف بلڪان جبلَ اٿس، جنھنڪري ھي شھر ميڊريڊ کانپوءِ ٻيون سڀ کان اوچائي وارو يورپين راڄڌاني جي حيثيت رکي ٿو. ھي شهر اسڪار نديءَ تي اڏيل آهي، ۽ ان ۾ مرڪزي سوفيا جا ڪيترائي معدني تلاءَ آهن، صوفيا ۾ جزوي کنڊ واري آبهوا آهي.
صوفيا کي 'مذهبي سھپ جو ٽڪنڊو' طور بيان ڪيو ويو آھي.[3] اھو ان حقيقت سبب آھي ته دنيا جي ٽنهي وڏن مذهبن، عيسائيت، اسلام ۽ يھوديت، جا ٽي وڏا مندر شهر جي حدن اندر موجود آهن، جن ۾ سويتا نيڊليا چرچ، بانيا باشي مسجد ۽ صوفيا جي عبادتگاھ شامل آهن.
بلغاريا جيو مُکيا شهر ھجڻ ڪري، سوفيا ڪيترين ئي اهم مقامي يونيورسٽين، ثقافتي ادارن ۽ تجارتي ڪمپنين جو گھر آھي.[4] سوفيا دنيا ۾ خاص طور تي انفارميشن ٽيڪنالاجي ۾ ڪاروبار شروع ڪرڻ جي لاءِ ڏهه بھترين جڳهن مان هڪ آهي.[5] سوفيا 2013 ۾ يورپ جو سڀ کان وڌيڪ سستو راڄڌاني وارو شھر ھيو.[6] 1979 ۾، صوفيا ۾ بوائيانا چرچ کي عالمي ثقافتي ورثو ماڳ جي لسٽ ۾ شامل ڪيو ويو، ۽ بلغاريا سلطنت ۾ ان جي عمارت کي ڊانھيو ويو، جنھن ۾ بلغاريا آرٿووڊڪس چرچ جا انيڪ علامتي ورثا ھيا.
اوڀر يورپ ۾ پنھنجي ثقافتي اھميت سميت، سوفيا بلگاريا جي قومي اوپيرا ۽ بيليٽ، ثقافت جو قومي محل، واسيل ليوسڪي قومي اسٽيڊيم، ايوان وازوئؤ قومي ٿيٽر، نيشنل آرڪيالوجي ميوزيم ۽ سرديڪا ايمپيفيٿيٽر سميت قومي اھميت رکي ٿو. سوشلسٽ آرٽ ميوزيم ۾ ڪيترائي مجسما ۽ پوسٽر شامل آهن جيڪي ڪميونسٽ بلگاريا ۾ زندگي جي انداز جي باري ۾ اُتي گُمھڻ لاءِ ايندڙ پانڌيئڙن (وزيٽرز) کي ماڻهن آگاھي ڏين ٿا.[7]
حوالا
[سنواريو]- ↑ Lauwerys, Joseph (1970). Education in Cities. Evan's Brothers. ISBN 0-415-39291-8. https://books.google.com/books?id=xiNjOpwrTBMC&pg=PA315.
- ↑ Rogers, Clifford (2010). The Oxford Encyclopedia of Medieval Warfare and Military Technology. 1. Oxford University Press. p. 301. ISBN 9780195334036. https://books.google.com/books?id=mzwpq6bLHhMC&pg=RA2-PA301.
- ↑ "Triangle of Religious Tolerance (1903) - iCulturalDiplomacy". www.i-c-d.de. حاصل ڪيل 2019-12-27.
- ↑ Internet Hostel Sofia, Tourism in Sofia. Internethostelsofia.hostel.com, Retrieved Jan 2012
- ↑ "Sofia is one of the top 10 places for start-up businesses in the world, Bulgarian National TV". Bnt.bg. وقت 22 December 2015 تي اصل کان آرڪائيو ٿيل. حاصل ڪيل 11 April 2018. Unknown parameter
|url-status=ignored (مدد) - ↑ Clark, Jayne. "Is Europe's most affordable capital worth the trip?". USA Today. https://www.usatoday.com/story/travel/destinations/2013/08/29/sofia-bulgaria-cheap/2730089/. Retrieved 12 February 2016.
- ↑ "Museum of Socialist Art – National Gallery". حاصل ڪيل 2019-12-27.