سوشلزم

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

سوشلزم __(Socialism):سوشلزم يا سماجواد جو سائنسي تصور ان وقت اڀريو جڏهن صنعت جو آغاز ٿيو، صنعت سرماياداري نظام کي جنم ڏنو، جنهن ۾ وڏا جديد ڪارخانا قائم ٿيا ۽ محنت اجتماعي شڪل اختيار ڪري ورتي. پورهيت طبقي ۾ به جدت آئي ۽ پرولتاري جي صورت ۾ هڪ اهڙي پورهيت جو جنم ٿيو جنهن وٽ ڪا به ملڪيت نه هئي ۽ هو فقط پنهنجي قوت محنت وڪڻي رهيو هو، صنعتي نظام ۾ پوءِ جديد سائنسي ۽ ٽيڪنيڪي انقلاب پورهيت کان هر قسم جو اوزار کسي ورتو، محنت اجتماعي ٿي وئي. ڪارل مارڪس ۽ فريڊرڪ اينگلس 1948ع ۾ ڪميونسٽ مينيفسٽو لکي سوشلزم جو خاڪو پيش ڪيو، هنن اهو چيو ته هاڻي جڏهن محنت اجتماعي ٿي چڪي آهي تڏهن اهو ضروري ٿي ويو آهي ته ان محنت جو ڦل به اجتماعي طور کنيو وڃي، وڏن سرمائيدارن جو خاتمو ڪري محنت جي مالڪي سموري سماج کي ڏني وڃي، اهڙي نظام کي سوشلزم چيو وڃي ٿو. [1]

حوالا[سنواريو]

  1. .ڪتاب:ادبي اصطلاحن جي تشريحي لغت؛مرتب: مختيار احمد ملاح؛پبلشر:سنڌ لئنگئيج اٿارٽي