حيدرآباد ايڪسپو سينٽر
| حيدرآباد ايڪسپو سينٽ | |
| جاءِ | ڦليلي, شاهراءِ فيصل, حيدرآباد، سنڌ, پاڪستان |
|---|---|
| مقانيت | 25°24′18.1″N 68°23′11.3″E / 25.405028°N 68.386472°E |
| مالڪ | حيدرآباد ميونسپل ڪارپوريشن |
| قسم | ڪانفرنس سينٽر/ارينا |
| قسم | نمائشون, ڪانفرنس |
| اڏاوت | |
| اڏاوتي تڪميل | 12 فيبوري، 2010 |
| مسواڙي | |
| ويب سائيٽ | |
حيدرآباد ايڪسپو سينٽر(انگريزي: Hyderabad Expo Center) ، هاڻ ختم ٿيل ضلعي حڪومت حيدرآباد جي ميئر ڪنور نويد جمل جوڙائي هئي. هن سينٽر جو مقصد سنڌ صوبي جي حيدرآباد ضلعي جي زرعي ۽ صنعتي پيداوار کي عالمي مارڪيٽ ۾ متعارف ڪرائڻ هو.
تعمير ۽ افتتاح[سنواريو]
حيدرآباد ايڪسو سينٽر ڦليلي واهه جي ڪپ تي لياقت ڪالوني جي ويجهو واقعي آهي. آڪٽوبر 2002ع تي سنڌ جي گورنر ميان محمد سومرو اعلان ڪيو ته سنڌ حڪومت ايڪسپو سينٽر جي تعمير لاءِ 4 هزار چورس گز زمين فرهام ڪندي.[1] جيتوڻڪ ڪراچي ايڪسپو سينٽر ۽ لاهور ايڪسپو سينٽر ٽريڊ ڊولپمينٽ اٿارٽي پاڪستان طرفان جوڙيا ويا جيڪو وفاق حڪومت جي وزارت آهي، پر حيدرآباد ايڪسپو سينٽر، پنهنجي نوعيت جي پهرين ايڪسپو سينٽر آهي. [2][3]جيڪا ضلعي حڪومت پنهنجي خرچ مان جوڙائي. هن مرڪز جو افتتاح 12 فيبروري 2010ع تي فاروق ستار ڪيو. پاڪستان ۾ ڪم ڪندڙ ٽن ايڪسپو سينٽرن مان حيدرآباد ايڪسپو سينٽر هڪ آهي. 2010 ع تائين هن ايڪسپو سينٽر ذريعي 500 ملين ڊالر جون جنسون حيدرآباد کان دنيا جي 41 ملڪن ۾ وڪرو ڪيون ويون. ڪراچي کان پوءِ حيدرآباد ايڪسپو سينٽر سنڌ جو وڏي ۾ وڏو تجارتي مرڪز آهي.
نمائشون[سنواريو]
21 فيبروري 2010ع تي انڊونيشيا، سنڌ ثقافتي نمائش حيدرآباد ايڪسپو سينٽر تي منعقد ٿي، جنهن جي ذريعي پاڪستان ۽ انڊونيشِا جي وچ ۾ لاڳاپن ۾ وڌيڪ مضبوطي آئي. [4] هڪ ٻي نمائش حيدرآباد ايڪسپو ۾ 16 اپريل 2010ع تي منعقد ٿي، جنهن سنڌ جي مختلف ضلعن کان زرعي ۽ صنعتي پيداوار جون جنسون رکيون ويون. 2012ع تي ٿيل نمائش کاڌي پيتي، مالوند ماڻهن، هٿ جي هنر ۽ اليڪٽرانڪ جي شين جي متعلق هئي. هن نمائش ۾ چيني واپارين پڻ شرڪت ڪئي.[5][6] جون 2011ع تي انبن جي نمائش حيدرآباد چيمبر آف ڪامرس ۽ ٽريڊ ڊولپمنٽ اٿارٽي آف پاڪستان پاران حيدرآباد ايڪسپو سينٽر تي منعقد ڪئي وئي، جتي انب جي برآمد لاءِ ڪمپنين کي اتساهيو ويو.[7] نومبر 2017ع تي حيدرآباد جي ڊپٽي ڪميشنر ميڊيا سان ڳالهائيندي ايڪسپو سينٽر تي وڌيڪ ڪم ڪرڻ جي يقين دهاني ڪرائي، صنعتي ۽ ذرعي ترقي جي ميدان ۾ حيدرآباد ڀاڱي ڀائيوار ٿئي.[8]
وڌيڪ ڏسو[سنواريو]
حوالا[سنواريو]
- ↑ Report, Bureau (7 October 2002). "HYDERABAD: Plot for expo centre". ڊان (اخبار). https://www.dawn.com/news/60602. Retrieved 6 November 2018.
- ↑ "First-ever trade fair in Hyderabad from 16th". Dawn (newspaper). حاصل ڪيل 27 December 2017.
- ↑ "Nazim underlines achievements of Hyderabad district government". Dawn (newspaper). حاصل ڪيل 27 December 2017.
- ↑ "Indonesia, Sindh cultural show on 21st". Dawn (newspaper). حاصل ڪيل 27 December 2017.
- ↑ "Three-day expo begins in Hyderabad". Dawn (newspaper). حاصل ڪيل 27 December 2017.
- ↑ "`MQM seeks uplift funds`". Dawn (newspaper). حاصل ڪيل 27 December 2017.
- ↑ Mango festival: The 'king of fruit' does not get royal welcome by exporters The Express Tribune (newspaper), Published 25 June 2011, Retrieved 27 December 2017
- ↑ "Work On Expo Centre Hyderabad Will Start Soon: DC Assures". https://www.pakistanpoint.com/en/story/211375/work-on-expo-centre-hyderabad-will-start-soon-dc-assur.html. Retrieved 6 November 2018.