اشوني ڀاوي

اشوني ڀاوي
پيدائش	مئي 7, 1972 ممبئي، مهاراشٽر، هندستان
پيشو	اداڪارا
جيون ساٿي	ڪشور بوپارڊيڪر

اشوني ڀاوي ساٿياڻي اداڪارا سان گڏ

اشوني ڀاوي (انگريزي: Ashwini Bhave) هڪ ڀارتي فلمي اداڪارا آهي. جنهن هندي فلمن کانسواءِ مراٺي فلمي سيريلز ۾ پڻ اداڪاري ڪئي آهي. هن جي پيدائش ۽ پرورش انڊيا ۾ ٿي. هاڻي هيءَ آمريڪي رياست ڪيليفورنيا جي شهر سان فرانسسڪو ۾ رهي ٿي.

ڪيريئر

ڀاوي پهرئين ڀيرو ٽيليويزن تي هڪ هندي سائنس فڪشن سيريل انتارِيڪش ۾ نظر آئي. پوءِ هن وڏن مراٺِي فلمي ستارن جهڙوڪ لڪشميڪانت بردي، اشوڪ سراف، سچن ۽ وڪرم گوکلي جي سامهون مراٺي فلمن جهڙوڪ دڌاڪيباز، اشي هي بنوا بنوي ۽ ڪالات نيڪالات ۾ مکيا هيروئن طور ڪم ڪيو.

سندس فلمي ڪيريئر 40 کان وڌيڪ فلمن تي وِکِريل آهي، جنِ ۾ ڪلات نڪالات، آهوتي، اشي هي بنوا بانوي، ڀوراوي، پُروش  ۽ آر ڪي پراڊڪشن پاران فلم هينا جهڙين فلمن ۾  هن تنقيدي طور مڃِيل ڪارڪردگي جو مظاهرو ڪيو آهي. تنهن کان پوءِ، هن ٻين هندي فلمن ميرا ڪا موهن، هني مون، سينڪ ۽ بنڌهن ۾ اداڪاري ڪئي. ڀاوي ٻيهر ٽيليويزن ۽ مراٺي فلمن ڏانهن مُنهن ڪيو. 1993 ۾، هن ڪيشو جي هدايت ڪاري ۾ ڪاناڊا ٻولي جي فلم  وشنو-وجايا ۾ ڏکڻ هندستاني اداڪار ڊاڪٽر وشنوورڌان، اڪشي ڪمار (سينڪ ۾ جنهن سان هيءَ ساٿي اداڪار هئي)، اشوتوش رانا ۽ ٻين اداڪارن سان گڏ پرفارم ڪيو. 1997 ۾، هن وي.منوهر جي هدايت ڪاري هيٺ ٺهندڙ ڪناڊا ٻولي جي فلم رنگيناهلياج رنگادا رانگونوادا ۾ اداڪاري ڪئي هئي جنهن ۾ ڪناڊا ٻولي جي هڪ ٻئي ليجنڊري اداڪار اڳوڻو ميمبر پارليامينٽ ۽ هاڻوڪو ڪرناٽاڪا رياست جو هائوسنگ منسٽر ڊاڪٽر امباريش ۽ راميش اروند سان گڏ هن پڻ اداڪاري ڪئي هئي.

ڀاوي هڪ مشهور مراٺِي اسٽيج ناٽڪ لگناچي بيدي (شادي جون هٿ ڪَڙِيون) ۾ پڻ مُکيا ڪردار ادا ڪيو آهي. 1993 ۾، هن يش چوپِڙا فلم پرمپارا ۾ سيف علي خان جي ماءُ جو ڪردار ادا ڪيو. پوءِ هن هڪ ٽيليويزن ميگا سيريل يوگپوروش ۾ ڪم ڪيو.

حيات نامو

اشوياني 7 مئي تي مراٺي ڳالهائيندڙ خاندان ۾ پيدا ٿي. هن جو خاندان ڪوڪناسٿا برهمڻ آهي.

اشونيءَ جو پرڻو هڪ سافٽويئرانجنيئر ڪشور بوپارڊيڪر سان ٿيو، جنهن کانپوءِ ٻئي سان فرانسسڪو رهڻ لڳا. سال 2007 ۾ هيءَ فلم ٺاهيندڙ (فلمساز) جي حيثيت سان ٻيهر فلم صنعت ۾ واپس موٽي آئي ۽ مراٺي فلم ڪداچت ۾ اداڪاري ڪيائين.

فلمن جي فهرست

اشونيءَ اڪشي ڪمار سان گڏ هندي فلمن  زخمي دل (1994)، سينيڪ (1993)، قائدا قانون (1993)، اشانت (1993) فلم ۾ ڪم ڪيو.

هندي فلمون

سال	فلم	ڪردار
1991	حنا	چاندني ڪول
1992	ميرا ڪا موهن	ميرا
1992	هني مون
1993	سينيڪ	الڪا
1993	پرمپرا	راجيشوري
1993	قاعدہ قانون	شهناز لکنوي / مريا ڊي سوزا
1993	اشانت	انيتا
1994	چيتا
1994	زخمي دل	انيتا
1994	ايڪہ راجا راني	آشا
1996	جرمانہ	ڪرن سڪسينا
1996	ڀيروي	راگني سري ڌهر
1997	جج مجرم
1998	يگ پروش	ديپتي
1998	بندهن	پوجا

مراٺي فلمون

سال	فلم	ڪردار
1997	سرڪارنامہ	نامہ نگار ويجينتي پاٽيل
1989	اشي هي ڀنوا ڀنوي	ماڌوري
1989	ڪلت ناڪلت
1994	وزير (فلم)
	آهوتي
	گهولت گهول
	هلد رسلي ڪونڪو يسلي	گوري
	ايڪ راترا منترليلي
	هلد رسلي ڪونڪو هسلي
2007	ڪداچت
2013	آجچا دوس ماجها

لاڳاپيل ڳنڍڻا

• فهرست ڀارتي فلمي اداڪارائون
• ڀارتي سينيما

خارجي ڳنڍڻا

• اشوني ڀاوي جون تصويرون آرڪائيو ڪيا ويا 2012-02-24 حوالو موجود آهي وي بيڪ مشين.
• انٽرنيٽ مووي ڊيٽابيس (IMDb) تي اشوني ڀاوي