ھزار واھ (يو سي)

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو
ھزار واھ
يو سي 44 ھزار واھ
يونين ڪاؤنسل
قبو سعيد خان تعلقي جي يو سي 1
ھزار واھ is located in سنڌ
ھزار واھ
ھزار واھ
سنڌ ۽ پاڪستان ۾ مقام
ھزار واھ is located in Pakistan
ھزار واھ
ھزار واھ
ھزار واھ (Pakistan)
متناسقات: 27°56′05″N 67°52′43″E / 27.93472°N 67.87861°E / 27.93472; 67.87861مڪانيت: 27°56′05″N 67°52′43″E / 27.93472°N 67.87861°E / 27.93472; 67.87861
ملڪپاڪستان پاڪستان
صوبوسنڌ
ضلعوقمبر شھدادڪوٽ ضلعو
تعلقوقبو سعيد خان تعلقو
آبادي (2017)
 • ڪُل4,682
ٽائيم زونپاڪستان جو معياري وقت (UTC+5)


يو سي 44 ھزار واھ (انگريزي: UC 44 Hazar wah) سنڌ جي ضلعي قمبر شھدادڪوٽ جي ھڪ يونين ڪائونسل جو نالو آهي جيڪا قبو سعيد خان تعلقي ۾ واقع آهي. ان کي تعلقي قبو سعيد خان جي يو سي 1 پڻ چوندا آهن جيڪا بلوچستان واري سرحد تي واقع آهي. ان جي ڪل آبادي 4,682 آهي [1]. ھن يونين ڪاؤنسل جو نالو ھڪ واھ ي نالي تي پيل آھي جيڪو بلوچستان جي استاد محمد ضلعي کان جيڪب آباد ضلعي ۾ داخل ٿي ڳڙھي خيرو شھر کان گذرندي ھن يو سي مان وھي ٿو. ان واھ جو نالو ھزار واھ آھي. ھن يو سي جي حدن م رھندڙ آبادي ۾ مگسي، کوسا، بروھي، جمالي ۽ ٻيا شامل آھن. ھن يو سي جي علائقن ۾ ھزار واھ، ڳوٺ قادر بخش مگسي، ڳوٺ وريل خان جمالي، ڳوٺ گل حسن بروھي، ڳوٺ نبي بخش بروهي، ڳوٺ بھادر خان مگسي، ڳوٺ امام بخش بروهي، ڦلائي، صادق، شاھ وسايو ۽ ٻيا شامل آهن.

ڪائونسل[سنواريو]

يونين ڪاؤنسل جو عملدار يو سي سيڪريٽري آھي جيڪو آفيس جو سمورو رڪارڊ رکندو آهي ۽ دفتري پيش رفت ڪندو آهي. ھن ڪائونسل جا چار جنرل ڪائونسلر آھن جن جي سڌي چونڊ ٿيندي آهي. ڪائونسل شادي يا نڪاح جي رجسٽريشن ، ڄمڻ ۽ مرڻ جي رجسٽريشن جو رڪارڊ رکندي آھي. 2015 جي بلدياتي اليڪشن م ھن يو سي مان چيئرمين ظفرالله بروھي ۽ وائيس چيئرمين نويد احمد جمالي چونڊجي آيا جيڪي پيپلزپارٽي جا اميدوار ھيا[2]. ڪائونسل جي ڊسٽرڪٽ ڪائونسل ۾ نمائندگي لاء ڊسٽرڪٽ ڪائونسل جو ھڪ علحده ميمبر سڌي ريت چونڊيو ويندو آهي. ھن ڪائونسل مان 2015 جي بلدياتي اليڪشن م ڳوٺ قادر بخش مگسي جو مير حسن مگسي ڊسٽرڪٽ ڪائونسل لاءِ ھن ڪائونسل مان ميمبر چونڊيو ويو جنھن جو تعلق پيپلزپارٽي سان ھيو.

صحت ۽ تعليم جون سهولتون[سنواريو]

ھن ڪائونسل جي ڳوٺن ۾ پرائمري تعليم جي سھولت ميسر آهي. سيڪنڊري ۽ ھائر سيڪنڊري تعليم لاء ڪوبه تعليمي ادارو ڪانہ آھي.

ڪائونسل جي بجيٽ ۽ ترقياتي ڪم[سنواريو]

ڪائونسل ۾ آبادي ۽ سھولتون[سنواريو]

ھتي پيئڻ لاء رڳو جر جو پاڻي ڪنھن ڪنھن ھنڌ ميسر آهي. ھن يو سي جون زرعي زمينون اڪثر غير آباد آھن. پاڻي جي قلت ڪري ھتي زرخيزي ڪانھي.

حوالا[سنواريو]

  1. ww.pbs.gov.pk › files › sindhPDF kambar shahdad kot blockwise
  2. https://pakvoter.org/sindh-local-government-elections-2015-results/