لو جهاد

کليل ڄاڻ چيڪلي، وڪيپيڊيا مان

لو جهاد محبت جهاد جهاد عشقي ۽ روميو جهاد (انگريزي ٻولي: Love Jihad) مبينا طور مسلم مردن طرفان غيرمسلم برادرين سان تعلق رکندڙ نارين، عورتن ۽ ڇوڪرين کي محبت جي ڄار ۾ ڦاسائي اسلام قبول ڪرڻ لاءِ نشانو بڻائڻ جي ڪوشش ڪئي ويندي آهي.[1][2][3][4][5][6][7] هي خيال 2009 ۾ هندستان ۾ قومي توجہ جو مرڪز بڻيو جنهن ۾ پهرئين ڪيرالا ۽ انکانپوءِ ڪرناٽڪ ۾ مبينا مذهب جي تبديلي ٿي هئي. نومبر 2009 ۾، ڊي جي پي جيڪب پنوز چيو تہ اهڙي ڪابہ ناهي جنهن جي ميمبرن ڪيرالا ۾ تبديلي جي ارادي سان چوڪرين کي پنهنجي محبت جي لالچ ڏئي  پنهنجي طرف راغب ڪيو. هن ڪيرالا هاءِ ڪورٽ کي ٻُڌايو تہ کيس ملندڙ 18 منجهان 3 اطلاعن (رپورٽس) ۾ رجحان بابت ڪُجھ شڪ ۽ گمان پيدا ڪيا آهن. ڊسمبر 2009 ۾، جسٽس ڪي. ٽي. سنڪرن،  پنوز جي رپورٽ کي قبول ڪرڻ کان انڪار ڪري ڇڏيو، هن هڪ ڪيس ڊائري منجهان هي نتيجو ڪڍيو تہ زبردستي مذهبي تبديلين جا اشارا ملن ٿا ۽ اها پوليس رپورٽس منجهان چٽو (واضح) آهي تہ ڪنهن خاص مقصد جي لاءِ عورتن کي "ڪُجھ برڪتن" سان مذهب تبديل ڪرڻ جي "اجتماعي ڪوشش" ڪئي پئي وڃِي. عدالت  "محبت جهاد" مقدمن (ڪيسز) جي ٻن ملزمن جي درخواست ضمانت تي ٻُڌڻي ڪندي چيو تہ گُذريل چار سالن ۾ ان طرح جي 3،000 کان 4،000 ڪيسز ۾ مذهبي تبديليون ٿيون آهن. ڪيرالا هاءِ ڪورٽ ڊسمبر 2009 ۾ ان معاملي جي تحقيقن تي روڪ لڳائي ٻن ملزمن کي ريليف ڏنو هيو، ۽ پوليس تفتيش تي تنقيد ڪئي هئي. پنسوس جي ان بيان تہ "محبت جهاد" جي وجود لاءِ ڪي بهه حتمي ثبوت ناهين ملي سگهيا، کانپوءِ جسٽس ايم ساسيڌارن نمبيار ان پُڇا ڳاڇا (تفتيش) کو بند ڪري ڇڏيو.

ڪرناٽڪ حڪومت 2010 ۾ چيو هيو تہ جيتوڻيڪ ڪيترين ئي عورتن  اسلام قبول ڪيو هيو، پر کين ان ڳالهه تي راضي ڪرڻ جي ڪابه منظم ڪوشش ناهي ڪئي وئي. 2012 ۾، مبينا محبت جهاد جي باري ۾ ٻه سال جي جاچ (تحقيق) کانپوءِ، ڪيرالا پوليس ان کي "بنا تت مهم" قرار ڏنو. تنھن کان پوءِ، هڪ ويب سائٽ خلاف هڪ مقدمو شروع ڪيو ويو، جنهن تي مسلم تنظيمن جا جعلي پوسٽرز وسيلي نوجوانن کي لالچ ڏيڻ ۽ عورتن کي ڦاسائڻ جي لاءِ ڏوڪڙ (رقم) جي پيش ڪش ڪئي ويندي هُئي. اتر پرديش پوليس کي سيپٽمبر 2014 ۾ گُذريل ٽن مهينن کان محبت جهاد جي ڇھ کان پنج رپورٽ ڪيل مقدمن ۾ مذهب مٽائڻ جي ڪوشش يا زبردستي مذهب تبديل ڪرڻ جو ڪوبہ ثبوت نہ مليو. پوليس چيو تہ بدنيت شرير مردن طرفان اٽڪل بازي وارداتن جا ايڪڙ ٻيڪڙ مقدما ڪنهن وڏي سازش جو ثبوت ناهين.

2017 ۾، ڪيرالا هاءِ ڪورٽ جي انهيءَ فيصلي[8] کانپوءَ تہ هڪ هندو عورت جي مسلمان مرد سان شادي محبت جهاد جي بنياد تي غلط (باطل) آهي،[9][7] ۽ مسلمان مُڙس طرفان هندستان جي سپريم ڪورٽ ۾ اپيل ڪئي وئي،[10][11][12][4][13][5] جتي عدالت طرفان اين آءِ اي کي "اَڻَ ڌُري ۽ آزاد" شاهدين جي بنياد تي درخواست ڪئي وئي،[10][14][13] عدالت  اين آءِ اي کي محبت جهاد جي طرز تي قائم انهيءَ طرح جي سمورن معاملن جي جانچ (تحقيق) ڪرڻ جي هدايت ڪئي وئي.[10] پابندي مُرهيل تنظيم سيمي ڪمزور هندو عورتن کي شڪار بڻائي دهشت گرد ٺاهڻ لاءِ ڀرتي ڪري رهي آهي يا نہ[15] ۽ سيمي جهڙيون بندش پيل تنظيمن جي انهيءَ طرح جي تمام مشڪوڪ واقعن جي کوج ڪرڻ لاءِ عدالت جي انهين هدايتن اين آءِ اي کي اجازت ڏني هُئي. اين آءِ اي ان کان اڳ عدالت ۾ عرض ڪيو هيو تہ هي معاملو "الڳ ٿلڳ" واقعو ناهي ۽ ان رياست ۾ هڪ نمونو سامهون اچڻ جو سماچار لڌو آهي، جنهن ۾ چيل هيو تہ هڪ ٻئي مقدمي ۾ ساڳيا ماڻهو شامل آهن جيڪي اُڪسائي رهيا آهن.

هي خيال سڀ کان پهرئين 2009 ۾ هندوستان ۾ قومي توجہ جو مرڪز بڻيو، ان ۾ ڪيرالہ ۽ ڪرناٽڪ ۾ وڏي پيماني تي مذهبي تبديلين جا دعويٰ شامل هيا، پر پوءِ اهي دعويٰ پوري هندستان ۽ ان کان اڳتي پاڪستان ۽ برطانيا ۾ ڇکڙجي چُڪا آهن. سال 2009، 2010، 2011 ۽ 2014 ۾ پڌرائي ڪرڻ جي لهرن سميت، هندوستان ۾ محبت جهاد جي الزامن مختلف هندو، سکھ ۽ عيسائي تنظيمن ۾ ڳڻتي پيدا ڪري ڇڏي آهي، جڏهن تہ مسلم تنظيمن طرفان انهن الزامن جي ترديد ڪئي وئي آهي. ريوٽرز (Reuters) مطابق، هي تصور ڪيترن ئي ماڻهن لاءِ سياسي تڪرار (تنازعو) ۽ معاشرتي ڳڻتي جو ڪارَڻُ بڻيل آهي، جڏهن تہ سن 2014 تائين هڪ مُنظم محبت جهاد جي خيال کي هندوستاني ڌارا (وڏو وهڪرو mainstream) ۾ وڏي پيماني تي هڪ سازشي ٿيوري سمجيو وڃِي ٿو.

آگسٽ 2017 ۾، قومي جانچ ايجنسي (اين آءِ اي) ٻُڌايو تہ انهن کي آگسٽ 2017 ۾ محبت جهاد جي ڪُجھ معاملن ۾ هڪ عام گُرُو (رهنما، مينٽر) مليو آهي. دي اڪانومسٽ ۾ پوءِ ڇپيل مضمون مطابق، "هر ڀيري پوليس جي پُڇاڳاڇا (جانچ،تفتيش، انويسٽيگيشن) ڪنهن مُنظم منصوبي تحت مذهبي تبديلي جا ثبوت ڳولهڻ ۾ ناڪام رهي آهي. سماچار ڏيندڙن (صحافي، رپورٽرز) "محبت جهاد" جي دعويٰ کي بُخار ۾ ورتل بهترين تصورَ ۽ بدترين، ڄاڻي واڻي چُونڊن (اليڪشن) جي ترڪيب طور وري وري بي نقاب ڪيو آهي." انهيءَ رپورٽ  مطابق، "محبت جهاد" جي گڏيل موضوع جي باري ۾ ڪيترائي دعويٰ بين المذهب شادي تي سخت اِعتراضَ جو اظهار ڪندا رهيا آهن، جڏهن تہ "هندوستاني قانون عقيدن جي وچ۾ هڪٻئي سان شادين ڪرڻ ۾، يا رضاڪاراڻي ۽ ڄاڻي واڻي رضامندي سان مذهبي تبيلين جي خلاف ڪابه رڪاوٽ نٿو ڪري". ان هوندي بہ اهو خيال اڃا تائين قائم رهي ٿو، ايتري قدر تہ جڏهن "متاثرن" پاران ان کي اجائي ڳالهه قرار ڏئي  انڪار ڪيو ويو آهي."[16][4]

ڪيرالا چرچ چيو تہ 'محبت جهاد' حقيقت آهي، چرچ وڌيڪ دعويٰ ڪئي تہ عيسائي عورتن کي آءِ ايس جي ڄار ۾ ڦاسايو وڃِي ٿو.[17][18][19][4][15][6]

اصطلاح

ڪيرالا ۽ پاڙيسري رياست رياست ڪرناٽڪ ۾ پهريون ڀيرو 2007 دوران "محبت جهاد" جو ذڪر ٿيو هو، پر هي اصلاح 2009 ۾ عوامي چئوٻولن جو حصو بڻجي ويو هو. اصل ۾ ان کي "روميو جهاد" سڏيو ويندو هيو.[7]


سنڌ ۾ لَوِ جهاد

سنڌ سميت پاڪستان ۾ جبري ڌرم مَٽرائڻ جا واقعا ٿيندا رهن ٿا.[20][21][22][23][24][25][26][27] سنڌ جي زرخير ۽ معدني وسيلن سان مالامال گهوٽڪي ضلعو ۾ نام نهاد مذهبي ٺيڪيدار ميان مٺو[28][29] جي پاٿاريداري ۽ سرپرستي هيٺ مبينا طور زوري مذهب تبديل ڪرائڻ جا ڪيترائي واقعا رپورٽ ٿيا آهن.[28][29][30] 2012 کان 2015 تائين 69 هندو۽ عيسائي نارين کي مبينا طور اغوا ڪري مذهب مٽائي شاديون ڪرايون ويون.[31] پاڪستان جي قومي اسيمبلي ۾ مذهبي اقليتن کي تحفظ ڏيڻ لاءِ بل پاس ٿيو،[32][33][23][34] جنهن ۾ زبردستي مذهب مٽرائڻ تي 5 سال قيد جي تجويز ڪيل آهي.[32] پاڪستان ۾ رياست جو مذهب اسلام بڻيل آهي جنهنڪري زوري مذهب مَٽرائڻ جي اڪثر عدالتي ڪيسن جي ڏنل فيصلن ۾ ڇوڪرين جي مرضي ڏيکاري ڪيس اُڪلايا ويندا آهن. دنيا ۾ پرڻو ڪرڻ لاءِ ڌرم ڦيرائڻ جي ڪابه شرط ناهي هوندي، پر پاڪستان ۾ اها شرط لازمي سمجهيي وڃي ٿي.[35]


پس منظر

India has been religiously pluralistic for centuries. This map from 1909 shows Muslim regions in the northwest in green mixing with Hindu regions stretching across most of the region into Buddhist Burma.

جذباتي اپيل وسيلي ڌرم ڦيرائڻ

پڻ ڏسو: مشنري ڊيٽنگ

آڪسفورڊ هينڊ بڪ آف رليجئس ڪنورزين ۾ نوٽ ٿيل آهي تہ ماڻهن کي هڪ عقيدي يا ڌرم (مذهب) کان ٻئي ڌرم ۾ تبديل ڪرڻ ۾ جذباتي اپيلُن جي تاثير جي چڱي ريت پروڙ ڪئي ويندي آهي ۽ اڪثر ان جو استعمال ڌرمي (مذهبي) اڳواڻن طرفان استحصال ڪيو وڃِي ٿو.[36] مذهبي گروپن امڪاني ڀرتي ٿيندڙن جي دلچسپي لاءِ لوِ بمبنگ ۽ فلرٽي فشنگ جهڙين ٽيڪنيڪس جو استعمال ڪيو ويو آهي. محبت جهاد مبينا طور هڪ سرگرمي آهي، جنهن ۾ مسلم نوجوانَ اِهڙين محبت جي جذباتي اپيلن جو استعمال ڪندا آهن، ۽ ڇوڪرين کي ڌرم مَٽائڻ جي لاءِ راضي ڪندا آهن - ڪجهه رپورٽن ۾، مُنظم، مالي امداد، دلربائي ورتاءَ، لالچائڻ پيار جو مِڪِرُ ڪرڻ، سان پڻ اهڙيون اَٽڪليون ۽ چالون هلندا آهن.[37][38][39]

ريجنل تاريخي تڪرارَ

شڪاگو ٽرائبيون، فارين پاليسي جي نمائندي سڌارٿا مهانتا ٻُڌايو تہ جديد محبت جهاد سازش جون پاڙون 1947 تقسيم هند ۾ کُپيل آهن.[5] ان ورهاست جي نتيجي ۾ خودمختيار رياستتن جمهوريا پاڪستان (Dominion of Pakistan) (جيڪا پوءِ اسلامي جمهوريا پاڪستان ۽ عوامي جمهوريا بنگلہ ديش) ۽ يونين آف انڊيا (بعد ۾ جمهوريا انڊيا ۾ ورهائي ويون) جي تشڪيل ٿي. مختلف اڪثريتي مذهبن جي حامل ٻنهين ملڪن جي تشڪيل وڏي پيماني تي لڏپلاڻ جو سبب بڻي، لکين مقامي ماڻهن انهن ٻنهين مُلڪن جي وچ۾ لڏپلاڻ ڪئي ۽ ٻنهين مذهبن جي مردن وسيلي جنسي طور تي پيش ايندڙ جنسي زيادتي ۽ جبري طور عورتن کي مذهب تبديل ڪرائڻ جي افواهن جي نشاندهي ڪئي.[5][40][41] تڪرار (تنازعو) جي ٻنهين پاسن جي عورتن تي اثر ڇڏيا، جنهنڪري انهن عورتن کي هندوستاني ۽ پاڪستان ٻنهين طرفن جي حڪومتن "بازيابي جون ڪارروائين" جو آغاز ڪيو، جنهن ۾ 1947 کان 1956 جي دوران 20،000 کان وڌيڪ مسلمان ۽ 9000 غير مسلم عورتن کي بازياب ڪرايو ويو.[41] مهانٽا جي مطابق، ان اڻتڻ جي تاريخ، ٻنهين طرف کان بين المذهبي شادي جي خلاف ثقافتي دٻاءُ ۽ ڏهاڪن ۾ عقيدن جي وچ۾ هر ڀيري ٽڪراءَ (جهڙپن) جو سبب بڻي.[5] 2014 تائين، هندستان ۾ هندو 81٪ سيڪڙو، سڀ کان اهم مذهبي اڪثريت هُئي،جڏهن تہ مسلمان 13٪ سيڪڙو هيا.[42]

حوالا

  1. ↑ GUPTA, CHARU (2009). "Hindu Women, Muslim Men: Love Jihad and Conversions". Economic and Political Weekly 44 (51): 13–15. ISSN 0012-9976. http://www.jstor.org/stable/25663907. 
  2. ↑ "A Muslim and a Hindu thought they could be a couple. Then came the ‘love jihad’ hit list.". The Washington Post. حاصل ڪيل January 24, 2020. 
  3. ↑ Rao, Mohan (2011-09-30). "Love Jihad and Demographic Fears". Indian Journal of Gender Studies 18: 425–430. doi:10.1177/097152151101800307. https://www.researchgate.net/publication/254098941_Love_Jihad_and_Demographic_Fears. 
  4. ↑ 4.0 4.1 4.2 4.3 "India's top court upholds marriage in alleged case of "Love Jihad"" (en ۾). Reuters. 2018-03-08. https://www.reuters.com/article/uk-india-court-idUKKCN1GK1ON. 
  5. ↑ 5.0 5.1 5.2 5.3 5.4 https://www.wsj.com/articles/indias-imaginary-love-jihad-1512691822
  6. ↑ 6.0 6.1 Borpujari, Priyanka. "Love in the Time of Patriarchy: ‘Love Jihad’ in India". thediplomat.com. حاصل ڪيل 2020-01-24. 
  7. ↑ 7.0 7.1 7.2 Khalid, Saif. "The Hadiya case and the myth of 'Love Jihad' in India". www.aljazeera.com. حاصل ڪيل 2020-01-24. 
  8. ↑ Bhatia, Rahul. "The Year of Love Jihad in India". The New Yorker. حاصل ڪيل 2020-01-24. 
  9. ↑ "The unfounded fear of ‘love jihad’". The Express Tribune. حاصل ڪيل January 24, 2020. 
  10. ↑ 10.0 10.1 10.2 "India court restores 'love jihad' marriage" (en-GB ۾). BBC News. 2018-03-08. https://www.bbc.com/news/world-asia-india-43327380. 
  11. ↑ Qureshi, Imran (2017-10-16). "The Hindu-Muslim marriage stuck in court" (en-GB ۾). BBC News. https://www.bbc.com/news/world-asia-india-41021373. 
  12. ↑ Abi-Habib, Maria; Raj, Suhasini (2018-04-10). "Couple Can Reunite in ‘Love Jihad’ Case, India’s Supreme Court Rules" (en-US ۾). The New York Times. ISSN 0362-4331. https://www.nytimes.com/2018/04/10/world/asia/india-supreme-court-marriage.html. 
  13. ↑ 13.0 13.1 CNN, Steve George and Huizhong Wu. "India's top court upholds marriage in 'love jihad' case". CNN. حاصل ڪيل 2020-01-24. 
  14. ↑ "Court intervenes in 'love jihad' case" (en-GB ۾). BBC News. 2017-11-27. https://www.bbc.com/news/world-asia-india-42139978. 
  15. ↑ 15.0 15.1 Welle (www.dw.com), Deutsche. "India's 'love jihad'- Are women being recruited for 'Islamic State'? | DW | 01.11.2017". DW.COM. حاصل ڪيل 2020-01-24. 
  16. ↑ "Indian woman in 'love jihad' case says was not forced to embrace Islam". The Express Tribune. The Express Tribune. حاصل ڪيل January 26, 2017. 
  17. ↑ "Kerala Church says 'Love Jihad is real', claims Christian women being lured into IS trap". deccanherald.com. The Printers (Mysore) Private Ltd. حاصل ڪيل January 24, 2020. 
  18. ↑ "Christian girls targeted and killed in name of love jihad: Kerala's Syro-Malabar church". The Week. حاصل ڪيل 2020-01-24. 
  19. ↑ "India: Probe 'love-jihad' cases of Kerala Christian girls: National Commission for Minorities". gulfnews.com. حاصل ڪيل 2020-01-24. 
  20. ↑ "اسلام ڪوٽ ۾ معصوم ٻارڙين سان لڄالٽ بعد قتل ڪرڻ ۽ نياڻين جي زبردستي مذهب تبديلي خلاف احتجاجي مظاهرو – وائيس آف سنڌ لنڊن". حاصل ڪيل 2020-01-24. 
  21. ↑ Korai, Shaukat. "سنڌ ۾ زبردستي مذهب مٽائڻ خلاف بل، قانون ٿيڻ جو منتظر". News Lens Pakistan. حاصل ڪيل 2020-01-24. 
  22. ↑ "Hyderabad: Protest over Force Marriages of Hindu Girls". Awami Awaz (ٻولي ۾ Urdu). حاصل ڪيل 2020-01-24. 
  23. ↑ 23.0 23.1 "زبردستي مذهب تبديل ڪرائڻ بابت قانونسازي لاءِ ڪميٽي قائم". DailyWaka (ٻولي ۾ Urdu). حاصل ڪيل 2020-01-24. 
  24. ↑ "پسند جو پرڻو ڪندڙ ناري مهڪ ڪماري کي مڙس سان گڏ وڃڻ جي اجازت". Awami Awaz (ٻولي ۾ Urdu). حاصل ڪيل 2020-01-24. 
  25. ↑ www.thekawish.com http://www.thekawish.com/beta/images/2016/Dec/19-12-2016/Page4/P4-2.htm. حاصل ڪيل 2020-01-24.  Missing or empty |title= (مدد)
  26. ↑ "انٽرنيشنل سنڌي وومين آرگنائيزيشن برطانيه پاران سنڌ ۾ سنڌي هندو نياڻين جي اغوا، جبري مذهب مٽرائي شاديون ڪرائڻ خلاف پاڪستان هاءِ ڪميشن لنڊن آڏو احتجاج .سنڌي هندن کي سنڌ مان لڏائڻ جي سازشن جي مذمت – وائيس آف سنڌ لنڊن". حاصل ڪيل 2020-01-24. 
  27. ↑ "سنڌ اندر زوري مذهب مڙهڻ جو ڪلور: ماهم سنڌي / ميرپورخاص | روزاني سرواڻ". www.dailysarwan.com. حاصل ڪيل 2020-01-24. 
  28. ↑ 28.0 28.1 ايڊيٽر. "رنڪل ڪماري: ڀرچونڊيءَ کان سپريم ڪورٽ تائين". Affair - افيئر. حاصل ڪيل 2020-01-24. 
  29. ↑ 29.0 29.1 "ميان مٺو معاشري ۾ انتشار پکيڙي صوفي روايتن کي نقصان ڏنو: نفيسا شاهه". Awami Awaz (ٻولي ۾ Urdu). حاصل ڪيل 2020-01-24. 
  30. ↑ ايڊيٽر. "ميان مٺي سان مِلو ڀرچونڊي: رنڪل ڪماري کان سپنا ۽ پوڄا تائين!". Affair - افيئر. حاصل ڪيل 2020-01-24. 
  31. ↑ "ساڍن 3 سالن دوران 69 هندو ۽ عيسائي ناريون اغوا" (ٻولي ۾ Sindhi). حاصل ڪيل 2020-01-24. 
  32. ↑ 32.0 32.1 "زبردستي مذهب مٽرائڻ تي 5 سال قيد جي تجويز: بل قومي اسيمبلي ۾ جمع -" (ٻولي ۾ Sindhi). حاصل ڪيل 2020-01-24. 
  33. ↑ "اقليتن کي زبردستي مذهب تبديلي کان بچائڻ لاءِ سينيٽ جي پارلياماني ڪميٽي قائم". Online News Room (ٻولي ۾ Urdu). حاصل ڪيل 2020-01-24. 
  34. ↑ https://www.pakistanpoint.com/sd/national/news/story-39643.html
  35. ↑ "هندو برادري جو تحفظ، مديني واري رياست جي ذميواري! شير محمد کهاوڙ – وائيس آف سنڌ لنڊن". حاصل ڪيل 2020-01-24. 
  36. ↑ Rambo, Lewis R.; Farhadian, Charles E. (18 February 2014). The Oxford Handbook of Religious Conversion. آڪسفورڊ يونيورسٽي پريس, US. p. 145. ISBN 978-0-19-971354-7. https://books.google.com/books?id=U03gAgAAQBAJ&pg=PA145. 
  37. ↑ حوالي جي چڪ: Invalid <ref> tag; no text was provided for refs named Common
  38. ↑ "'Love jihad' piqued US interest". The Times of India. 6 September 2011. http://timesofindia.indiatimes.com/india/Love-jihad-piqued-US-interest/articleshow/9877883.cms?referral=PM. Retrieved 8 September 2012. 
  39. ↑ Nelson, Dean (13 October 2009). "Handsome Muslim men accused of waging 'love jihad' in India". The Telegraph (Telegraph Media Group Limited). https://www.telegraph.co.uk/news/religion/6316966/Handsome-Muslim-men-accused-of-waging-love-jihad-in-India.html. Retrieved 14 September 2012. 
  40. ↑ Bhavnani, Nandita (29 July 2014). The Making of Exile: Sindhi Hindus and the Partition of India. Westland. pp. 253–255. ISBN 978-93-84030-33-9. https://books.google.com/books?id=n_8aBAAAQBAJ&pg=PT253. 
  41. ↑ 41.0 41.1 Huynh, Kim; Bina D'Costa; Katrina Lee-Koo (30 April 2015). Children and Global Conflict. Cambridge University Press. pp. 274–275. ISBN 978-1-316-29876-3. https://books.google.com/books?id=uAS7BwAAQBAJ&pg=PA276. 
  42. ↑ Mandhana, Niharika (4 September 2014). "Hindu Activists in India Warn Women to Beware of 'Love Jihad'". The Wall Street Journal. https://online.wsj.com/articles/hindu-activists-in-india-warn-women-to-beware-of-love-jihad-1409874089. Retrieved 6 September 2014. 


ٻاهِريان ڳنڍڻا

Search Wikimedia Commons وڪيميڊيا العام ۾ لو جهاد سان لاڳاپيل ابلاغي مواد ڏسو.
Search sister project وڪي قول ۾ لو جهاد جي متعلق قول موجود آھي۔

سانچو:IslamismSA


"https://sd.wikipedia.org/w/index.php?title=لو_جهاد&oldid=208826" تان ورتل