سلوني گور
| سالوني گئور | |
|---|---|
| پيدائش | ڊسمبر 1999 (عمر 24 سال) بلندشهر, انڊيا |
| ٻيا نالا | نازما آپي |
| تعليم | دهلي يونيورسٽي |
| پيشو | ڪاميڊئن, آهلون ڪڍندڙ، ميمڪري |
سلوني گور انگريزي ٻولي: Saloni Gaur ڀارتي مزاحيا اداڪارا آهي. سلوني پنهنجو مزاحي نالو نجما آپي سان مشهور ڪيو آهي. سلوني سماجي مسئلن کي پنهنجي وڊيوز وسيلي اُجاڳر ڪندي آهي. سلوني ٽويٽر ۽ انسٽاگرام جي پليٽفارم تان پنهنجا وڊيوز ماڻهن تائين پهچائيندي آهي.[1][2][3][4]سلوني دهلي يونيورسٽي ۾ تعليم ماڻي رهي آهي. سلوني جا گهڻا وڊيوز هڪ منٽ کان گهٽ وقت جا آهن ۽ ڪُجھ ٻن منٽن کان وڌيڪ وقت جا پڻ آهن. سلوني سفا گهٽ لمحن ۾ پنهنجي وڊيوز وسيلي ڪيترائي سوالَ پُڇي وٺندي آهي. سي اي اي، دلي هوا آلودگي، بصرن جي قيمت، ڊونلڊ ٽرمپ جو ڀارت اچڻ، پوها ۽ ڪرونا وائرس وغيرہ سلوني گور جون نمايان رچنائون آهن.
جنم ۽ اڀياس[سنواريو]
سلوني گور 12 ڊسمبر 1999 تي اتر پرديش جي مشهور شهر [بلند شهر] ۾ جنم ورتو. گور پنهنجو شروعاتي اڀياس بلند شهر جي رينائيسنس اسڪول کان ماڻيو ۽ هاڻي دهلي يونيورسٽي منجهان سياست سائنس (پوليٽيڪل سائننس) ۽ سماجي سائنس (سوشل سائنس) ۾ بي-اي جي شاگردياڻي آهي.[5][6]
کِل ڀوڳ[سنواريو]
سلوني گور پنڪي ڊوگرا جي ڪردار سان اَهل (ميميڪري) ۽ ڀوڳ ڪرڻ جي شروعات ڪئي. انکانپوءِ ڪسم بهن جي ۽ آشا بهن جي نالو سان ڪردارن وسيلي سماجي مسئلن کي اجاڳر ڪيائين. 2018 ۾ سلوني نجمہ آپي جو ڪردار پيش ڪيو. نجما آپي جي ڪردار سان سلوني ڀارت جي مرڪزي بجيٽ سال 2020، سي-اي-اي ۽ دهلي گدلاڻ (دلي پوليوشن) جهڙن حساس عنوانن تي وڊيوز ٺاهي انهن سان لاڳاپيل مسئلن کان ماڻهن ۾ سُجاڳي آندي. نجما آپي جي ڪردار سان سلوني السلام عليڪم ، انشٽاگرام ڪي بندو سان پنهنجي وڊيوز جي شروعات ڪندي آهي. نقاب پائي سلوني وڊيو ٺاهيندي آهي ۽ مُرڪندي سماجي مسئلن ڏانهن ڌيان ڇڪائيندي آهي.[5][2][7] ڪنگنا راناوت جي آهَل (مميڪري) پڻ سلوني جي اهم وِندُرَ آهي.ڀارت ۾ بصرن جو مُلهه کان وٺِي ڊونلڊ ٽرمپ جي اچڻ تي پڻ سلوني پنهنجي وڊيوز وسيلي سوال اُٿاريندي آهي.
اهم وڊيوز[سنواريو]
سلوني گور جا ڪُجھ اهم کِل ڀوڳ وارا وڊيوز:
- سي اي اي سان لاڳاپيل ڄاڻ [1]
- ڀارت ۾ بصر جو مُلههُ
- ڪنگنا رناوت ويلنٽائن ڊي جي موقعي تي
- ٽرمپ ڀارت آيو
- پوها ۽ ڪرونا وائرس
حوالا[سنواريو]
- ↑ 1.0 1.1 "Meet ‘Nazma aapi’, through whom a 20-year-old woman is tackling social issues one video at a time". Scroll.in. حاصل ڪيل 6 February 2020.
- ↑ 2.0 2.1 "Watch: Comedian Saloni Gaur makes parody video of Kangana Ranaut's reaction to Arnab Goswami-Kunal Kamra row". FirstPost.com. حاصل ڪيل 6 February 2020.
- ↑ Manral, Barkha. "Talent On Sensation: From Saloni Gaur To Nazma Aapi". NewsAurChai.com. حاصل ڪيل 6 February 2020.
- ↑ "Meet 20-year-old Internet star ‘Nazma Aapi’". TribuneIndia.com. حاصل ڪيل 6 February 2020.
- ↑ 5.0 5.1 Gupta, Surbhi. "A Sense of Humour". IndianExpress.com. حاصل ڪيل 6 February 2020.
- ↑ Grover, Nishitha. "Who is Nazma Aapi, the woman who has something to say about everything?". IndiaToday.in. حاصل ڪيل 6 February 2020.
- ↑ Gupta, Aman. "'नजमा आपी' बनकर इंटरनेट पर कैसे छाईं 19 साल की DU छात्रा सलोनी?". khabar.ndtv.com. حاصل ڪيل 6 February 2020.
ٻاهريان ڳنڍڻا[سنواريو]
- سلوني گور ٽوئيٽر تي
- سلوني گور انسٽاگرام تي
- سي اي اي سان لاڳاپيل ڄاڻ
- ڀارت ۾ بصر جو مُلههُ [1]
- ڪنگنا رناوت ويلنٽائن ڊي جي موقعي تي [2]
- ٽرمپ ڀارت آيو [3]
- پوها ۽ ڪرونا وائرس [4]