برف باري

کليل ڄاڻ انسائيڪلوپيڊيا، وڪيپيڊيا مان
ڏانھن ٽپ ڏيو: رھنمائي, ڳولا
برف باري

برف باري يا برف جو مينهن ۽ عام مينهن ساڳئي نموني وسن ٿا. ٻنهي ۾ فرق اهو آهي ته عام مينهن ۾ پاڻي وسي ٿو ۽ برف واري مينهن ۾ برف (snow). پاڻيءَ جا ڦڙا جڏهن ڄمي ويندا آهن ته اُهي پشمي گولن جي صورت ۾ ڌرتيءَ تي ڪرندا آهن. آسمان مان برف جا ڳنڍا وسن ته ان کي ’ڳڙو‘ چئبو آهي. ڪڪر پاڻيءَ جي ننڍڙن ننڍڙن ذرن مان ٺهن ٿا ۽ اُهي ذرا ڏهه کان ٻارهن فارن هائيٽ جي پد تي ڄمي ويندا آهن ۽ پوءِ برف جيان وسڻ لڳندا آهن. سنڌ ۾ برف باري (snow fall) ڪونه ٿئي، البت ڳڙو پوندو آهي. جڏهن ته پاڪستان جي ڪجهه اترئين علائقن، ڪشمير، ڪوهه مري کان علاوه بلوچستان جي زيارت ۽ ڪوئٽا ۾ پڻ ڪڏهن ڪڏهن برفباري ٿئي ٿي.[1]

حوالا[سنواريو]

  1. سنڌي لئنگئيج اٿارٽي، حيدرآباد.انسائيڪلوپيڊيا سنڌيانا، جلد پھريون. سال:2012ع

خارجي ڳنڍڻا[سنواريو]

Incomplete-document-purple.svg هي هڪ ڪچو مضمون آهي. توهان هن ۾ واڌارو ڪري وڪيپيڊيا کي سنواري سگھو ٿا.