اندرا شبنم

کليل ڄاڻ چيڪلي، وڪيپيڊيا مان
Jump to navigation ڳولا ڏانهن هلو

اندرا شبنم سنڌي زبان جي خوبصورت ليکڪا، ڪهاڻيڪار ۽ شاعره آهي. هن جو پورو نالو اندرا ٽيڪچند شهدادپوري آهي ۽ سندس ادبي نالو "اندرا شبنم" پونا والا آهي. هن 22 نومبر 1950ع تي ڪراچيءَ ۾ -جنم- ورتو. سندس والد حيدرآباد سنڌ ۾ ۽ سندس والده لاڙڪاڻي ۾ ڄائي هئي. -اندرا شبنم- جي -تعليم- بي.اي، بي. ايڊ ۽ هنديءَ ۾ ساهت رتن آهي. اندرا 22 سالن تائين پمپري جئه هند هاءِ اسڪول (مهاراشٽر) ۾، ٻه ٽي سال سينٽ ميران اسڪول پوني ۽ هڪ سال تائين پونا ڪاليج ۾ -استاد- رهي آهي. هڪ سال تائين يرودا جيل ۾ عورتن جي وارڊن به رهي آهي. اندرا هڪ ئي وقت سنڌي، هنديءَ ۽ -اردو- جي ليکڪا آهي. هن جي سنڌيءَ ۾ ڇپيل ڪتابن ۾ ”شبنمي قطرا (شاعري 1991ع)، سلڻ جو سُک (شاعري 2000ع)، عبادت (ڪهاڻيون 2001ع)، جاڳيل ضمير (شاعري 2006ع)“ اچي وڃن ٿا. جڏهن ته ”تصويرين“ (هندي آزاد نظم: 2000ع)، ”سر گوشيان“ (هندي -اردو- غزل: 2002ع)، ميري منتخب نظمين (-اردو- شاعري: 2008ع) ۽ ضمير اپنا اپنا (-اردو- شاعري: 2008ع)“ به ڇپجي چڪا آهن. هن جي سنڌي ڪهاڻين جي ڪتاب ”عبادت“ جو هنديءَ ۾ ترجمو ٿي چڪو آهي. سندس ڪتابن ”شبنم قطرا قطرا“ کي سنڌي اڪيڊمي دهليءَ پاران (1996ع)، ”عبادت“ کي نيشنل ڪائونسل فار پروموشن آف سنڌي لئنگئيج گجرات پاران (2003ع) ۽ ”سرگوشيان“ کي ڪولها پور (مهارا شٽر) ۾ -انعام- ملي چڪا آهن. اندرا پوني جي سنڌي، هندي ۽ -اردو- ادبي جماعتن جي سرگرمين ۾ حصو وٺندي رهندي آهي. هوءَ هن وقت ماڊل ڪالوني، شوا جي نگر، پوني (ڀارت) ۾ رهائش پذير آهي.[1]

حوالا[سنواريو]