2007 ڪارساز بم ڌماڪو

ڪارساز ڌماڪو ۱۸ آڪٽوبر ۲۰۰۷ع تي ڪراچي، پاڪستان ۾ پيش آيل هڪ وڏو دهشتگرد حملو هو، جيڪو اڳوڻي وزيراعظم بينظير ڀٽو جنهن ٽرڪ ۾ سوار هئي ان کي خودڪش بمبارن قاتلاڻو حملو ڪيو. اهو واقعو ان وقت پيش آيو جڏهن هوءَ اٺن سالن جي جلاوطني کان پوءِ ڪراچي پهتي ۽ ايئرپورٽ کان بلاول هائوس ڏانهن لکن ماڻهن جي ريلي سان گڏ وڃي رهي هئي.^[1]

پسمنظر

بينظير ڀٽو ۱۸ آڪٽوبر ۲۰۰۷ع تي ڪراچي پهتي، جتي سندس استقبال لاءِ وڏي عوامي ريلي نڪتي. ريلي جناح انٽرنيشنل ايئرپورٽ کان سندس رهائشگاهه بلاول هائوس ڏانهن رواني ٿي.^[2]

هي واپسي سياسي لحاظ کان اهم سمجهي پئي وئي، خاص طور تي پاڪستان پيپلز پارٽي لاءِ.

واقعو

ريلي جڏهن ڪارساز واري علائقي وٽ پهتي، تڏهن مٿس ۽ سندس ساٿين تي خودڪش بمبارن ٻه ڌماڪا ڪيا، جن مان هڪ کي خودڪش حملو قرار ڏنو ويو.^[3]

ڌماڪن سبب وڏو جاني نقصان ٿيو. رپورٽن موجب گهٽ ۾ گهٽ 180 ماڻهو مارجي ويا ۽ 500 کان وڌيڪ زخمي ٿيا.^[4] مارجي ويلن مان گهڻا پاڪستان پيپلز پارٽي جا ڪارڪن هئا.

فوت ٿيلن ۾ اڳوڻو پاڪستان قومي فٽبال ٽيم جو رانديگر عبد الخالق پڻ شامل هو.^[5]

بينظير ڀٽو ۽ سندس ويجها ساٿي محفوظ رهيا، ڇاڪاڻ ⁠ته هوءَ هڪ خاص سيڪيورٽي ٽرڪ تي پنهنجن ساٿين سان سوار هئي، اها خاص طور سندس استقبال لاءِ سمورن بچاءُ وارن اصولن کي سامهون رکي ٺاهي وئي هئي.

نتيجا ۽ ردعمل

ڌماڪن کانپوءِ بينظير ڀٽو کي محفوظ طور بلاول هائوس منتقل ڪيو ويو، جنهن سبب هوءَ جلسي کي خطاب نه ڪري سگهي.^[6]

هن واقعي جي پاڪستان سميت عالمي سطح تي مذمت ڪئي وئي. ڪيترن ملڪن ۽ عالمي ادارن هن حملي کي دهشتگردي جو عمل قرار ڏنو.^[7]

تدفين

واقعي ۾ مارجي ويل ڪجهه ماڻهن جي سڃاڻپ نه ٿي سگهي. انهن مان ڪيترن کي ڳڙهي خدا بخش جي قبرستان ۾ دفن ڪيو ويو.^[8]

ڏسو پڻ

حوالا

[1] ttps://www.bbc.com/news/world-asia-42409374

[2] ttps://www.nytimes.com/2007/10/19/world/asia/19pakistan.html

[3] ttp://news.bbc.co.uk/2/hi/south_asia/7052310.stm

[4] ttps://gulfnews.com/world/asia/pakistan/pakistan-victims-of-2007-karsaz-bombing-tragedy-remembered-1.83033365

[5] ttps://www.brecorder.com/news/amp/3445308

[6] ttps://tribune.com.pk/2007-karsaz-bombing

[7] ttp://news.bbc.co.uk/2/hi/europe/7051953.stm

[8] ttps://www.dawn.com/news/939897

[1]

[2]

[3]

[4]

[5]

[6]

[7]

[8]