ڪيتين ايونجيليڪل ڪانسني انسٽيٽيوٽ

ڪِيتين ايونجيليڪل لوڪ ڪاليج (فننش ٻوليءَ ۾: Kiteen Evankelinen Kansanopisto) ٻارن، بالغن، نوجوانن ۽ بزرگن لاءِ اسڪول آهي جيڪو فنليينڊ جي شھر ڪِيِتي، فنلينڊ ۾ واقع آهي.

ڪِيتين ايونجيليڪل لوڪ ڪاليج اوڀر فنلينڊ ۾ هڪ ايونجيليڪل لوڪ ڪاليج آهي، جيڪو يوھانسو کان تقريباً 60 ڪلوميٽر ڏکڻ ۽ ساوونلينا کان تقريباً 80 ڪلوميٽر اوڀر ۾ آهي. هي اسڪول ڪيتي شھر جي مرڪز ۾ واقع آهي، جنھن جي ويجھو سپر مارڪيٽون، فارميسي اسٽورَ، صحت مرڪز ۽ ٻيون سهولتون موجود آھن. اسڪول ۾ بالغن، ٻارن ۽ بزرگن لاءِ تعليم جا مختلف پروگرام جن ۾ اونهاري جا ڪئمپ پڻ شامل آھن پڙھائيا ويندا آھن. هر سال تقريباً 250 شاگرد ڊگھن ڪورسن ۾ شرڪت ڪن ٿا ۽ تقريباً 1100 شاگرد مختصر ڪورسز ۾ شرڪت ڪن ٿا. اڪثر مختصر ڪورس اونهاري ۾ منعقد ڪيا وڃن ٿا، جنهنڪري اسڪول سڄو سال سرگرمين سان ڀرپور هوندو آهي. ڪِيتين ايونجيليڪل لوڪ ڪاليج کي فنلينڊ جي تعليم ۽ ثقافت واري وزارت طرفان تسليم ڪيو ويو آهي ۽ اهو ان جي ضابطن مطابق هلندو آهي. هڪ رهائشي اسڪول طور، ڪاليج هڪ سماجي ماحول پيدا ڪري ٿو ۽ شاگردن جي مڪمل صلاحيتن کي پروان چڙهائڻ لاءِ هڪ اهم متبادل پيش ڪرڻ چاهي ٿو. سکيا جي عمل ۾ اهم اصولن ۾ پائيدار ترقي کي فروغ ڏيڻ، بين الاقوامي ۽ ثقافتي شعور، مساوي حقن ۽ عزت جو خيال رکڻ شامل آهي. اسڪول ۾ شاگردن لاءِ مختلف هاسٽلز ۾ رهائش جون سهولتون پڻ موجود آهن، جن ۾ غسلخانا، ساونا، ڪچن ۽ لانڊري روم شامل آهن. جنھن ڪري شاگردن لاءِ پڙهائي دوران اسڪول ۾ رهائش اختيار ڪرڻ ممڪن آهي. اُھا ساڳئي رھائش اونهاري دوران ٻارن ۽ بزرگن جي ڪئمپ لاءِ استعمال ڪئي ويندي آهي.

تاريخ

اسڪول جي بنياد 1943 ۾ مقامي چرچ جي ڪينٽر ڪالي تائيانين طرفان رکي وئي. پهريون ڪورس 1946 ۾ 36 شاگردن سان شروع ٿيو. جوسي هيٽونين اسڪول جو پهريون پرنسپل هو.

پهريون عمارت 1947 ۾ مقامي فارمرن جي عطين سان تعمير ڪئي وئي. 2013 تائين، اسڪول ۾ چار عمارتون آهن، جن ۾ اپارٽمينٽ، هڪ ترڻ جو تلاءُ، ساونا، ۽ ڪلاس روم شامل آهن.

استاد

اسڪول ۾ مختلف ڪورسَ پڙھايا ويندا آهن، ۽ استاد مختلف شعبن ۾ مهارت رکن ٿا. سڀ کان وڌيڪ مشهور استاد اڳوڻو فننش بيس بال رانديگر پَسِي پِرِينين ۽ موسيقي استاد پليمن ڊيموف آهن. پليمن ڊيموف کي "نائٽ وش جو پيءُ" سڏيو ويندو آهي، ڇو ته هن ترجا تورونين ۽ توماس هولوپائينن کي سندن موسيقي ڪيريئر جي شروعات ۾ سکيا ڏني ۽ سپورٽ ڪيو. هن نائٽ وش جي البم "اوڪين بورن" ۾ وائلن پڻ وڄايو.