کيرا

کليل ڄاڻ چيڪلي، وڪيپيڊيا مان
Jump to navigation Jump to search

کيرا يا باد رنگ تورين وانگي ڊگها ٿيندا آهن. بادرنگ کي هندستانيءَ ۾ ڪاڪڙي به چوندا آهن. هي اڪثر ڇِلي ڪچا کائڻ ۾ ايندا آهن، يعني لوڻ لائڻ سان. بعضي انهن کي رڌيندا به آهن. هنن جا به گهڻا قسم آهن. ولايتي ٻج وارا چڱا ٿيندا آهن. پڪي کان پوءِ ڪاڪڙيءَ جو رنگ ڳاڙهيرڙو ٿي پوندو آهي. هنن جي به گدري ۽ ڪدوءَ جهڙي ول ٿيندي آهي. هي آڪٽوبر ۾ يا اڳڀرو پوکبا آهن. ڪٿي ته مارچ ۾ پوکيندا آهن. ٻن مهينن ۾ ڦر نڪرندو آهي. ٻين ولين وانگي چرين ۾ پوکبا آهن. هنن کي اڪثر ڪينئون لڳندو آهي پر جي پٽ تي پکيڙڻ جي بدران ڪنهن مَنهَه يا پڃري تي چڙهڻ ڏين ته پچي ويندا.ونگي ۽ بادرنگ کي انگريزيءَ ۾ ڪُڪَمبر چون ٿا.[1]

حوالا[سنواريو]

  1. ڪتاب: باغ ۽ باغباني؛ ليکڪ: مرزا قليچ بيگ؛ايڊيشن:1960؛پبلشر: سنڌي ادبي بورڊ ڄامشورو