وڪيپيڊيا:مڪانيت ڪيئن داخل ڪجي

کليل ڄاڻ چيڪلي، وڪيپيڊيا مان

وڪيپيڊيا ۾ هڪ بهترين خصوصيت مڪانيت (انگريزي: Coordinate) آهي، جنهن جي ذريعي اوهان ڪنهن مضمون ۾ ان جي مقانيت داخل ڪري سگھو ٿا. مڪانيت صرف جڳهن يعني اسڪول، بس اسٽاپ، پارڪ، يونيورسٽي، صوبي يا ضلعي وغيره جي مضمونن ۾ داخل ڪري سگھو ٿا.

فائدو[سنواريو]

حيدرآباد جي آپ پاس جا مضمون وڪيپيڊيا ايپ ۾ ڏيکاريل

مڪانيت داخل ڪرڻ جو مک سبب مضمون ۾ نقشي جي ڄاڻ شامل ڪرڻ آهي. جنهن جي مدد سان اهو مضمون نقشي ۾ ان جاءِ سان ڳنڍجي ويندو، ۽ ان جاءِ جي ويجهو ڪير به نقشو کوليندو ته ان جي ڀرپاسي وارا مضمون فورن ظاهر ٿيڻ شروع ٿيندا.

مضمون ڏسڻ[سنواريو]

جيڪڏهن اوهان ڪمپيوٽر ۾ سنڌي وڪيپيڊيا تي آهيو ته special:nearby جي ڳولا ڪيو ۽ جيڪو نئون صفحو کلندو ان ۾ ويهجا مضمون ڏيکاريو تي ڪلڪ ڪيو، جيڪڏهن اوهان جي لوڪيشن کليل ناهي ته ان کي کولڻ جي اجازت ڏيو. ساڳيو طريقو موبائيل وڪي ويباسيٽ ۾ به ڪري سگھجي ٿو.

جيڪڏهن اوهان وٽ وڪيپيڊيا جو ايپ انسٽال ٿيل آهي ته پوءِ پهرين ٻولي مان انگريزي جي جاءِ تي سنڌي چونڊيو ۽ هيٺ ساڄي طرف ڏنل Nearby تي ڪلڪ ڪيو. اوهان جي آس پاس وارا سمورا مضمون اچي ويندا.

جيڪڏهن مضمون نه هجي[سنواريو]

اوهان جڏهن ڪمپيوٽر يا موبائيل ۾ special:nearby جي ڳولا ڪندو ته ممڪن آهي اوهان وٽ هي هي پيغام اچي: اوهان ويجهي مضمون بابت نئون صفحو جوڙڻ جي ڪوشش ڪيو يا اڳ کان موجود مضمون ۾ مڪانيت داخل ڪيو ان جو مطلب يا ته ويجهو ڪو مضمون ناهي يا جيڪڏهن آهي ته ان ۾ مڪانيت داخل ناهي ٿيل. وڪي ايپ جي نقشي ۾ مضمون نه هجي ته نقشو خالي نظر ايندو.


مڪانيت ڪيئن داخل ڪجي[سنواريو]

اچو هاڻ بنيادي سوال کي حل ڪيون، مڪانيت داخل ڪرڻ انتهائي آسان آهي، جيڪڏهن اوهان جي آس پاس وارو مضمون اڳ موجود آهي ته ان کي انگريزي وڪيپيڊيا ۾ ڳولا ڪيو جيڪڏهن اتي مڪانيت ڏنل آهي ته ڪاپي ڪري سنڌي ۾ داخل ڪيو. مڪانيت هيٺ ڏيکاريل قسم جو هوندو آهي.

{{coord|24|51|36|N|67|0|36|E|type:_province:_source:enwiki|display=title}}

type:_province جي جاءِ تي city_ پڻ لکي سگھجي ٿو.

جيڪڏهن مڪانيت انگريزي وڪي تي نه هجي ته پوءِ اوهان کي ان جي ڳولا ڪرڻي پوندي، جيڪو پڻ انتهائي آسان آهي. اوهان وڪي ميپيا ۾ وڃو. اتي جڳهه جي ڳولا ڪيو، جيئن ڪوٽڙي، ان سان نقشي ۾ + جو نشان ايندو ان کي ڪلڪ ڪندو ته اوهان کي مڪانيت ظاهر ٿيندي، اها ڪاپي ڪيو، ۽ مضمون ۾ ڪهڙي به جڳهه تي مٿي ڏيکاريل طريقي موجب داخل ڪيو.