وورارلبرگ(انگريزي: Vorarlberg) آسٽريا جي 9 رياستن مان ھڪ رياست جو نالو آهي جيڪا پکيڙ ۽ آبادي ۾ ملڪ جي ٻيون نمبر ننڍڙي رياست آھي. اھا آبادي جي گھاٽائي ۾ ويانا کان پوء ٻئي نمبر تي آهي. ان جون حدون ٽن ملڪن ھرھڪ جرمني، سوئيٽزرلينڊ ۽ ليڪٽنسٽائين سان ملن ٿيون آسٽريا جي اندر ان جون حدون اوڀر ۾ رڳو ٽرول رياست سان ملن ٿيون. ھن رياست جي گادي جو هنڌ بريگنز شھر آھي جنھن جي آبادي 29698 آهي. ان کان سواءِ ھن رياست جا ٻيا وڏا شھر ڊارنبرن، فيلڊڪرخ آھن[2]. ھي رياست چئن ضلعن ۾ ورھايل آھي جن ۾ بريگنز، ڊارنبرن، فيلڊڪرخ ۽ بلوڊينز شامل آهن. ھن رياست جي آبادي پھرين جنوري 2020 تي 3،97،094 آهي. 2018 ۾ ھن رياست جي جي ڊي پي 19.1 ارب يورو ھئي جيڪا آسٽريا جي ڪل جي ڊي پي جو 4.9 سيڪڙو ھئي. ھن رياست جي ٻولي جرمن آھي.
آسٽريا.svg)
