نوشي گيلاني
نوشي گيلاني پاڪستان سان تعلق رکندڙ اردو ٻولي جي نامياري شاعرا آهي. سندس اصل نالو نشاط گيلاني آهي. هن 14 مارچ 1964 ۾ پاڪستان جي شهر بهاولپور جي هڪ علمي ۽ ادبي گهراڻو ۾ جنم ورتو هيو.[1] سندس پيءُ مسعود گيلاني پيشو جي لحاظ کان ڊاڪٽر هيو. نوشي پنهنجي تعليم بهاولپور ۾ ئي مڪمل ڪئي. کيس ننڍپڻ کان ئي شاعري جو ڏاڍو شوق هيو. سندس پهريون مجموعو "محبتين جب شمار ڪرنا" منظرِ عام تي آيو تہ انکي ڏاڍي موٽ ملي هئي. سال 1995 ۾ نوشي جي شادي فاروق طراز سان ٿي هئي ۽ هو سان فرانسيسڪو، امريڪا هليو ويو هيو. پر ڪجهه وقت گذرڻ کانپوءِ اُن کان الڳ ٿي وئي. نوشي اسلاميا يونيورسٽي بهالپور ۾ اردو جي اُستاد جي حيثيت سان ڪم ڪندي رهي، سال 1997 ۾ نوشي جو ٻيو مجموعو "اداس هوني ڪي دن نهين" ڇپجي منظرِ عام تي آيو. 25 آڪٽوبر 2008 ۾ نوشي سڊني ۾ رهندڙ اردو سوسائٽي آف آسٽريليا جي اڳوڻي جنرل سيڪريٽري سعيد خان (جيڪو پاڻ بہ شاعر آهي) سان شادي ڪيائين ۽ سڊني، آسٽريليا ڏانهن هلي وئي.[2]
هن پاڪستاني ڳائڻو پٺاني خان کي ڀيٽا (خراجِ تحسين) پيش ڪيو، جنهن کي پاڪستان نيشنل ڪائونسل آف دي آرٽ (PNCA) اسپانسر ڪيو. امريڪا ۾ رهڻ دوران هن جا تجربا ۽ مشاهدا پڻ سندس شاعري منجهان ٽمڪن ٿا. "هوا" ۽ "محبت" جي لفظن مضبوط استعاري طور تي سندس شاعريءَ ۾ گهڻو استعمال ٿيو آهي. کيس انهي ڪري هوا جي هم سُخن (ساٿي) پڻ سڏيو ويندو آهي.[3]
سندس شاعري جا ست مجموعا ڇپجي چڪا آهن. انهن منجهان ڪيترا ئي نظم انگريزي، ملئي ۽ يوني ٻولين ۾ ترجمو پڻ ٿي چڪا آهن. نوشي گيلاني آسٽريلين شاعر Les Murray جي شاعري کي اردو ۾ ترجمو ڪيو آهي. انکانسواءِ هن پاڻ پڻ انگريزي ۾ شاعري ڪئي آهي. سندس مشهور نظم آهي،"To Catch Butterflies". نوشي گيلاني اردو اڪيڊمي آسٽريليا جي شريڪ باني پڻ آهي، جنهن جي بنياد 2009 ۾ رکي وئي هئي. هيءَ اڪيڊمي اردو شاعري ۽ ادب جي ترويج جي لاءِ هر مهيني سڊني ۾ هڪ بيٺڪ جو بندوبست ڪندي آهي. سندس نڪور نئون مجموعو "هوا ڇپڪي سي ڪهتي هي" (2011) کي ان ريت موٽ (پزيرائي) ملي تہ اردو بازار ۾ اچڻ کانپوءِ ٻن ڪلاڪن ۾ ئي اهو ايڊيشن ماڻهن جي هٿو هٿ وڪامي ويو.
ايوارڊ[سنواريو]
- خواجا فريد ايوارڊ [4]
لکڻيون[سنواريو]
نوشي گيلاني جا ڇپيل ڪتاب هن ريت آهن.
1:محبتين جب شمار ڪرنا (1993)
2:اداس هوني ڪي دن نهين(1997)
3:پهلا لفظ محبت لکا(2003)
4:هم تيرا انتظار ڪرتي رهي (2008)
5:نوشي گيلاني ڪي نظمين (2008)
6:اي ميري شريڪِ رسال جان (2008)
7: هوا چپڪي سي ڪهتي هي (2011)
شعر[سنواريو]
هن شهر ۾ ڪيترا چهرا هيا ڪجهه ياد ناهين سڀ ڀلي ويا
اڪ شخص ڪتابون جيسا تا وہ شخص زباني ياد هوا
بند هوتي ڪتابون ۾ اڙتي هوئي تتليان ڊال دي
ڪس ڪي رسمون ڪي جلتي هوئي آگ ۾ لڪڙيان ڊال ديں
ميں تنها لڙڪي ديار شب ۾ جلاؤں سچ ڪي ديئي ڪهاں تڪ
سياہ ڪارون ڪي سلطنت ۾ مئين ڪس طرح آفتاب لکون
هماري درميان عهدِ شبِ مهتاب زِنداہ هي
هَوا چْپڪي سي ڪهتي هي اڀي اِڪ خواب زِنداہ هي
ٻاهريان ڳنڍڻا[سنواريو]
حوالا[سنواريو]
- ↑ https://www.rekhta.org/nazms/havaa-ko-aavaara-kahne-vaalo-noshi-gilani-nazms?lang=ur
- ↑ https://www.aalmiakhbar.com/archive/index.php?mod=article&cat=aalmiakhbaradbiyaat&article=717
- ↑ https://www.noshigilani.com/%D9%86%D9%88%D8%B4%DB%8C-%DA%AF%DB%8C%D9%84%D8%A7%D9%86%DB%8C-%DB%94-5۔%DB%81%D9%8E%D9%88%D8%A7-%DA%A9%DB%8C-%DB%81%D9%85-%D8%B3%D8%AE%D9%86-%DB%94-%D8%B3%DB%8C%D9%91%D8%AF-%D9%86%D8%AC%D9%85-%D8%B3/[مئل ڳنڍڻو]
- ↑ https://www.urduinc.com/encyclopedia?catid=63&Word2CatJunctionID=12650&id=63