مير نظام الدين خان کوسہ

نظام الدين خان کوسہ قبيلي مان جاماڻي پاڙي جو فرد ھو. ھن جو جنم حاجي عبدالعزيز خان جي گھر ۾ 8 آڪٽوبر 1931ع تي پنھنجي ڳوٺ، عزيزآباد ۾ ٿيو. ھي گڏيل ھندستان جي انگريزي راڄ ۽ پاڪستان جي نالي واري شخصيت مرحوم محمد امين خان کوسہ جن جو ننڍو ڀاءُ ھو. ھن شروعاتي تعليم پنھنجي ڳوٺ ۾ ورتي پر سندن علم ۽ ڄاڻ غير روايتي ۽ پنھنجي شوق و محنت جو ثمر ھو. ھن کي سنڌي، فارسي ۽ اردو ٻولين تي وڏي ڄاڻ حاصل ھئي. سنڌ جي اخبار عبرت حيدرآباد ۽ مقامي اخبارن ۾ سندن لکيل مضمون شايع ٿيندا ھيا. سنڌ جي قومي رسالي ٽماھي مھراڻ حيدرآباد ۾ نئين ٺل جا پراڻا گل جي عنوان سان پڻ سندن مضمون شايع ٿيل آ ھن. علم ۽ عالم دوست شخصيت ھو. سياسي ، سماجي ۽ علائقائي صورتحال ۾ خاندان جي اثر و اسوخ ڪري متحرڪ رھيو. يونين ڪائونسل جو ميمبر ۽ چيئرمين رھيو ۽ ڊويزنل ڪائونسل خيرپور جو ميمبر پڻ رھيو. انھيءَ ميدان ذريعي پنھنجي علائقي جي ماڻھن جي سھولت ۽ بھتري لاءِ ڪوششون ورتائين.ھن 9 سيپٽمبر 1998ع تي جيڪب آباد ۾ وفات ڪئي. پاڻ ڳوٺ چوڪ لاشاري جي جامع مسجد واري قبرستان ۾ پنھنجي والد ، ڀاءُ ، فرزند ، چاچن ، سوٽن ۽ عزيز مائٽن ۽ ٻي الله پاڪ جي مخلوق سان گڏ ابدي آرامي آهي. الله تبارڪ و تعالي مٿن پنھنجون بي حد و حساب رحمتون فرمائي ۽ جنت الفردوس ۾ مقام اعلي عطا ڪري. آ مين.