فيس بڪ

کليل ڄاڻ انسائيڪلوپيڊيا، وڪيپيڊيا مان
ڏانھن ٽپ ڏيو: رھنمائي, ڳولا
فيس بڪ جو نشان

انٽر نيٽ تي سماجي رابطن (social networking) جي حوالي سان مشهور ویب سائيٽ فیس بڪ جي شروعات فيبروري سال 2004 ۾ آمريڪي شاگرد مارڪ زڪربرگ ۽ ان جي ساٿين ڪئي ۽ اڄ دنیا ڀر ۾ ان جا ڪروڙين استعمال ڪندڙ آهن. مارڪ زڪربرگ اُن وقت هارورڊ يونورسٽي جو شاگرد هيو ۽ هن هيء سهوليت هاسٽل جي ڪمري کان پنهنجي ڪجه دوستن جي مدد سان شروع ڪئي هئي ۽ ان جو مقصد هڪٻئي کي بهتر طريقي سان ڄاڻڻ جي سلسلي ۾ شاگردن جي مدد ڪرڻ هيو۔ ان جي شروعات جي چوويهہ ڪلاڪن جي اندر هارورڊ جا ٻارنهن سؤ شاگردن ان تي درج ٿي ويا هئا ۽ جلد ئي هي ڄار ٻين ڪاليجن ۽ يونيورسٽين تائين پهچي ويو. سال 2005 جي آخر ۾ فیس بڪ کي برطانيہ ۾ متعارف ڪرايو ويو ۽ اڄ فیس بڪ جي سهوليت دنیا جي ڪيترين ئي ٻولين ۾ موجود آهي.

فيس بڪ نوٽ[سنواريو]

فيس بڪ نوٽ 22 آگسٽ 2006 م متعارف ڪرايو ويو هو بعد م ٽيگ شامل ڪيا ويا.

فيسبوڪ ميسينجر[سنواريو]

سماجي رابطن جي ويبسائٽ فيسبوڪ جو چوڻ آهي ته سندن پيغام پهچائڻ جو ڪم ڏيندڙ ميسينجر سروس هاڻ پوري دنيا ۾ 50 ڪروڙ رُڪنن تائين پهچي چُڪي آهي. ڪمپني جو چوڻ آهي ته سندس الڳ ميسينجر جا رُڪن اپريل ۾ 20 ڪروڙ کان ٽيڻ تي وڌي 50 ڪروڙ کان وڌيڪ ٿي ويا آهن. فيسبوڪ جڏهن اهو چيو هو ته سندس رُڪنن کي هِن نئين ايپليڪيشن ڊائونلوڊ ڪرڻ لاءِ زور ڀريو ويندو جنهن ذريعي هُو پنهنجن دوستن کي ذاتي قسم جا پيغام موڪلي سگھن ٿا ته اُن خلاف آواز اُٿيو هو. هِي ايپليڪيشن جولائي 2011 ۾ لانچ ڪئي وئي هئي ۽ هِن کي ڊائونلوڊ ڪرڻ تي زور ڀريو ويو هو. فيسبوڪ جي مصنوعات جي ڊائريڪٽر پيٽرمارٽينازي هڪ بلاگ ۾ چيو ته : ”ماڻهون هڪٻئي سان ڪهڙي طرح ڳنڍيل رهن ٿا، اُن مقصد خاطر ميسيجنگ تمام اهم آهي. 2011 ۾ جڏهن اسان ميسينجر لانچ ڪيو هو ته ان کان پوءِ اسا ماڻهن کي پاڻ ۾ ڳنڍيل رهڻ جو تيزترين ۽ ڀرپور طريقو فراهم ڪرڻ لاءِ پرجوش آهيون. فيسبوڪ، واٽس ايپ کي 22 ارب ڊالرن ۾ خريد ڪرڻ جو معاهدو ڪيو، اپريل ۾ فيسبوڪ پنهنجي رُڪنن کي چيو ته وڊيو موڪلڻ، مفت ڪال ڪرڻ ۽ ڳالهه ٻولهه ڪرڻ لاءِ انهن کي هڪ الڳ ايپليڪيشن ڊائونلوڊ ڪرڻي پوندي. رُڪنن فيسبوڪ جي اِن فيصلي تي تنقيد ڪئي هُئي ۽ ايپليڪيشن پلي اسٽور تي ان کي پسند ڪندڙن جي شرح ۾ ڏيڍ تارو هُئي. مارٽينازي چيو ته ”ماڻهن جي تنقيد باوجود اسان ميسينجر جي صلاحيت ۽ رفتار ۾ بهتري ڪندا رهياسين، هِن ۾ بهتر لاءِ هر ٻئي هفتي اپڊيٽس ڪيا ويندا هئا. موبائل تي سڀ کان اعليٰ ميسيجنگ سروس ٿيڻ جي ڪوشش ۾ فيسبوڪ، واٽس ايپ کي 22 ارب ڊالرن ۾ خريد ڪري ڇڏيو آهي.