شگفته شاھ

شاعره، ڪهاڻيڪاره شگفته شاھ جو جنم 24 اپريل 1965ع تي حيدرآباد ۾ ٿيو.

تعليم : هن ابتدائي تعليم محمدي اسڪول حيدرآباد، ميٽرڪ گورنمينٽ حمايت اسلام گرلز هاء اسڪول حيدرآباد، انٽر زبيده گرلز ڪاليج حيدرآباد، ايم. اي سنڌي ۾ سنڌ يونيورسٽي ڄامشوري مان حاصل ڪئي. تنهن کان سواءِ ايم. ايڊ ۽ انگريزي ۾ ڊپلوما پڻ ڪئي اٿائين.

عملي زندگي : هن عملي زندگيءَ جي شروعات انٽر کانپوءِ استاد طور ذميواريون نڀائڻ سان ڪئي. هن وقت پبلڪ اسڪول حيدرآباد جي گرلز سيڪشن ۾ سنڌي شعبي جي انچارج آهي.

ادبي خدمتون : شگفته شاھ شاعري جي شروعات 1989ع کان ڪئي. جنهن بعد هن ڪهاڻيون، ناول ۽ سفرنامو پڻ لکيا. ان سان گڏوگڏ هوء مصور پڻ آهي.

ڪتاب

جڏهن ٽڙندا ڳاڙها گل (ناول)

واجھائيندي ورهيه ٿيا (ڪهاڻيون)

خالي ڪينواس (شاعري)

درد آشنا ( اردو ناول)